Pasa jroning agama Islam
|
Pasa iku arti basane nahan. Manut istilah agama Islam sing diarani pasa iku nahan mangan, ngombe, lan prakara-prakara kang mbatalake wiwit wektu fajar nganti srengéngé lingsir, kanggo ningkataké katakwaan wong muslim. Printah pasa difirmanaké déning Gusti Allah ana ing Al-Qur'an surat Al-Baqarah ayat 183. Pasa minangka salah siji saka lima Rukun Islam. Ana pasa wajib lan pasa sunnah, nanging tata carané tetep padha.
Wektu haram pasa yakuwi wektu nalika umat Muslim dipenging utawa dipenggak pasa. Hikmah "haram pasa", yakuwi nalika kabèh wong padha bungah, wong iku ya kudu mèlu mahargya bebarengan.
- Dina Riyaya Idul Fitri (1 Syawal)
- Dina Riyaya Idul Adha (10 Zulhijjah)
- Dina-dina Tasyrik (11, 12, lan 13 Zulhijjah)
Bab lan Paragraf |
[sunting] Printah jroning Al-Qur'an
Printah pasa saka Gusti Allah kababar jroning Al-Qur'an surat Al-Baqarah ayat 183.
| َيَا أَيُّهَا الَّذِيْنَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِيْنَ مِنْ قَبْلِكُمْ لَعَلَّكُمْ تَتَّقُونَ
Yaa ayyuhaladziina aamanuu kutiba alaikumus siyaamu kamaa kutiba 'alalladziina min qablikum la allakum tataquun' " Hé wong-wong kang nduwèni iman, wis diwajibaké tumrap awakmu pasa kayadéné kang wis diwajibaké marang umat-umat sadurungé awakmu, muga-muga awakmu dadi wong kang takwa." |
[sunting] Hikmah Pasa
Ibadah pasa utawa shaum Ramadhan kang diwajibaké Gusti Allah marang kabèh mukmin yakuwi ibadah kang ditujokaké kanggo ngawula marang Gusti Allah kaya kang kababar ing QS. Al-Baqarah/2: 183. Hikmah ibadah shaum iku dhéwé yakuwi nglatih manungsa kanggo sabar jroning nglakoni urip. Maksudé sabar kang kapacak ing Al-Qur'an yakuwi ‘gigih lan ulet’ kaya kang dimaksudaké jroning QS. Ali ‘Imran/3: 146.
[sunting] Sacara Aktivitas
Nilai-nilai kasabaran (gigih lan ulet) diaplikasèkaké jroning urip lan kauripan kanggo tegaké Din Islam.
[sunting] Jinis-jinis Pasa
- Pasa kang hukumé wajib
- Pasa kang hukumé sunah
- Pasa 6 dina ing sasi Sawal
- Pasa Arafah
- Pasa Senèn-Kemis
- Pasa Daud (sedina pasa, sedina ora)
[sunting] Sarat wajib pasa
- Agama Islam
- Nduwèni akal sehat
- Baligh (dhiwasa)
- Kuwawa / Mampu nglakoni
- Manggon (Ora lagi lelungan / safar)
[sunting] Syarat sah pasa
- Islam (ora murtad)
- Mummayiz (bisa mbédakaké kang ala lan becik)
- Suci saka haid lan nifas
- Ngerti wektu ditampané pasa
[sunting] Rukun pasa
[sunting] Wektu haram pasa
Umat Islam diharamaké pasa ing wektu-wektu iki:
- Dina Riyaya Idul Fitri (1 Syawal)
- Dina Riyaya Idul Adha (10 Zulhijjah)
- Dina-dina Tasyrik (11, 12, dan 13 Zulhijjah)
- Dina Syak (30 Syaban)
- Pasa terus-terusan
[sunting] Bab sing mbatalaké pasa
Pasa batal yèn;
- Mlebu sawenèh barang (kayadéné sega, banyu, asep rokok lan sapanunggalané) jroning rongga awak kanthi disengaja.
- Muntah kanthi disengaja.
- Saresmi.
- Metu mani (Istimna' ) kanthi disengaja.
- Haid lan Nifas (nglairaké)
- Ilang akal (édan utawa semaput).
- Murtad (metu saka agama Islam).
[sunting] Wong sing olèh ora pasa
Ing ngisor iki wong sing olèh ninggalaké pasa wajib (pasa Ramadhan)
[sunting] Sing wajib qadha' waé
Wong-wong sing kasebut ing ngisor iki, olèh ora pasa, nanging wajib qadha', maknané wajib ngganti pasané ing dina liya, padha karo cacahé dina sing ditinggalaké. Ya iku:
- Wong sing lara, sing ana pangarep-arep bakal mari.
- Wong sing lelungan adoh (musafir) aora-orané 81 km.
- Wong sing ngandhut, sing kuwatir marang kahanané utawa bayi sing dikandhut.
- Wong sing pinuju nusoni anak, sing kuwatir marang kahanan anaké.
- Wong sing pinuju haid, nglairaké anak lan nifas.
- Wong sing batal pasané amarga sabab sing mbatalaké pasa saliyané saresmi.
[sunting] Sing ora wajib qadha', nanging wajib fidyah
Wong-wong ing ngisor iki ora wajib qadha' (ngganti pasa ing dina liya), nanging wajib mbayar fidyah, ya iku mènèhi mangan wong mlarat saben dina sing ora pasa, arupa bahan panganan pokok akèhé 1 mud (576 gram).
- Wong sing lara sing ora ana pagarep-arep bakal mari.
- Wong tuwa sing wis ora kuwat pasa.
[sunting] Sing wajib qadha' lan Kifarat
Wong sing mbatalaké pasa wajib kanthi saresmi, wajib mbayar kifarat lan qadha'. Kifarat ya iku mardikakaké hamba sahaya sing mukmin. Yèn ora ana hamba sahaya sing mukmin mula wajib pasa rong sasi maturut-turut (saliyané qadha' ngganti dina sing ditinggalaké), Yèn ora bisa, wajib mènèhi mangan 60 wong mlarat, saben wong 1 mud (576 g) arupa bahan panganan pokok.
[sunting] Sing luwih utama nalika lelungan
- Tetep pasa yèn kuwat
- Buka pasa yèn ora kuwat
- Milih antara tetep pasa utawa buka pasa
[sunting] Tingkatan Pasa
Imam Abu Hamid al-Ghazali jroning bukuné Ihya al-'Ulumuddin wis mérang pasa jroning 3 tingkatan:
- Pasané wong awam (shaum al-'umum): nahan dhiri saka perkara-perkara sing mbatalaké pasa kayata mangan lan ngombé.
- Pasané wong khusus (shaum al-khusus): Saliyané nahan dhiri saka perkara sing mbatalaké pasa uga mèlu pasa saka panca indera lan sakujur badan saka dosa.
- Pasané wong istiméwa, super khusus (shaum khusus al-khusus): Saliyané nahan dhiri saka perkara sing mbatalaké pasa lan uga pasa saka panca indera lan sakujur awak saka dosa uga mèlu pasa 'ati nurani', ya iku ora mikir kadonyan
Pamérangan ing dhuwur mènèhi umat Islam ruang kanggo mikir lan nelaah ing tingkat endi pasané.
[sunting] Delengen uga
[sunting] Pranala jaba
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
