Provinsi Olbia-Tempio

Provinsi Olbia-Tempio

Negara	Italia
Region	Sardinia
Ibukutha	Olbia lan Tempio Pausania
Area	3,399 km²
Populasi (2001)	138,334
Kapadhetan	41
Komunitas	26
Nomor Polisi	OT
Kodhe Pos	07000-07099
Kodhe Telepon	079-0789
ISTAT	104
Presidhèn	Anna Pietrina Murrighile
Peta nuduhaké lokasi provinsi Olbia-Tempio ing Italia

Olbia-Tempio (basa Italia: Provincia di Olbia-Tempio, basa Sardinia: Provìntzia de Terranòa-Tèmpiu) iku provinsi ing region otonomi Sardinia, Italia.

Wewengkoné kalebu region historis Gallura ("Gaddura"), pasisir lor-wétan Sardinia ("Costa Smeralda"), lan pulo La Maddalena ("A Madalena"). Provinsi iki kapérang dadi 26 Comuni, 150.093 sing ndunungi (9% saka sing ndunungi Sardinia) lan jembar wewengkon 3.397 km² (14,1% saka jembar wewengkon Sardinia).

Komunitas kang gedhé dhéwé ing provinsi ya iku: Olbia (pop. 45,366 ing sensus taun 2001), Tempio Pausania (13,992), Arzachena (12,080) lan La Maddalena (11,369). Komunitas kang luwih cilik kaya ta: Luras, Calangianus, Santa Teresa Gallura, Buddosò, Budoni, Oschiri, Palau, Berchidda lan San Teodoro.

Ing abad pertengahan Gallura iku minangka salah siji saka papat "Giudicati".

Ing provinsi iki, liyané basa Italia, uga ana basa campuran saka Gallurese, sawijining dhialèk basa Korsika kang kadayan déning logudorese Sardinia, nanging dudu basa Sardinia.