Nabath

Al-Khazneh, Petra (Kutha krajan Suku Nabath).

Shivta, Israèl.

Nabath (basa Arab: نبط, basa Ibrani: נְבָיוֹת / Nevayōt) iku kelompok bangsa Arab kuna kang mapan ing Yordania tekan salore Damaskus. Jaman biyèn, bangsa iki nggunakaké basa Aram kanggo saben dina.

Bangsa Nabath iku bibite kaum Nabi Shaleh, utawa Kaum Tsamud. Kaum Tsamud kang misuwur prakawis ngukir pagunungan kanggo omah. Miturut sajarahwan bangsa Nabath iku kagolong bangsa Arab kuna. Bangsa Nabath iki bangsa kang nyembah brahala dhèwèké nyembah Dèwi Nasib, Manāt lan Hubal.

Ètimologi

Dhèwèké jenengaké kaum Nabath (jamak al-anbậth الا نباط) kang miturut barès duwé teges wong pelosok/njeronan, lan kutha krajan ing Petra.

Sajarah

Suku Nabath ngadegaké karajan wiwit abad 9 SM nganti 40 M. Suku Nabath wis tau dijajah déning Romawi lan didadèkaké provinsi saka Romawi kang dijenengi Arabia Petraea. Jeneng Petra kang ateges watu diwènèhake déning wong Roma kang njajah nalika taun 106 SM. Pamaréntahan déning bangsa Romawi umuré mung saabad. Wiwit jaman iku Nabath ora katon manèh. Banjur Petra ditemokakae déning wong saka Switserlan, Johan Burckhardt nalika taun 1812.

Bangsa Nabath uga prigel ing babagan dol tinuku. Bangsa kang wis tau ana sesrawungan babagan dol tinuku karo bangsa Nabath kaya ta Cina, India, Mesir, Suriah, Yunani lan Romawi kuna. Bangsa-bangsa iku padha dol tinuku barang kang awujud bumbon crakèn, menyan, emas, kéwan, besi, tembaga, gula, obat, gadhing, parfum, kain, lan liya-liyané.