Musiyum Griya Pickford

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Musiyum Griya Pickford
Pickford expo.jpg
Pernah Derby, Derbyshire
Situs jaringan Pickford's House information

Musiyum Griya Pickford utawi wonten ing Basa Inggris dipunsebat Pickford's House Museum of Georgian Life and Costume, ingkang mapan wonten ing Friar Gate nomer 41, Derby punika satunggaling town house Georgian ingkang dipunyasa déning arsitèk ingkang kondhang inggih punika Joseph Pickford nalika taun 1770 kanggé kulawarganipun piyambak. Awit saking taun 1988 yasan punika dipundamel minangka musiyum.

Sajarah[besut | besut sumber]

Nalika Pickford tilar donya, piyambakipun nilaraken marang pendéta Joseph Pickford ingkang merang yasan mau dados kalih pérangan. Piyambakipun nilaraken marang ponakanipun inggih punika William Pickford ingkang wonten ing serat wasiyatipun nalika taun 1844. Lajeng William nggadhèkké (menggadaikan) griya lan ing taun 1850 dipunsadé marang William Evans saking Allestree Hall 1788 1856. Putranipun Sir Thomas William Evans, Baronet Kapisan ingkang piyambakipun ugi kalebet satunggaling politisi, nyadé nalika taun 1879 marang Frederick Ward ingkang lajeng dipunsadé malah marang W.S. Curgenven ingkang piyambakipun punika ahli bedhah wiwitan kagunganipun. Nalika ing taun 1977 griya punika dipuninggilaken standaripun saking standar Grade II dhateng standar Grade I. Nanging lajeng dipunpundhut déning Dewan KuthaDerby. Dewan mau boten patos nggantosaken masalah status Grade I lajeng mbongkar pérangan cerobong beluk, jogan (lantai) lan témbok tanpa ijin rumiyin.[1]

Musiyum[besut | besut sumber]

Musiyum ingkang dipunbikak saking taun 1988 punika nedahaken akomodasi profésional nalika masa Georgian. Jogan ingkang dhasar punika dipunisi kaliyan perabotan saking masa Pickford taksih gesang lan ugi wonten pajangan manéka busana saking abad kaping 18 lan abad kaping 19.[2] Musiyum punika dados papan kolèksi dolanan teater ingkang dipunkempalaken déning.[3] "Rumah Pickford" punika tujuanipun kanggé mamèraken sadaya asil kerjanipun, kanthi ancas supados damel yakin kontrak énggalipun. Kajawi punika ugi kanggé mapan. Boten kados kathahipun griya ingkang kabikak kanggé masarakat umum, griya punika boten dipungadhahi déning aristokrat nanging déning tiyang ingkang profésional. Mewahipun kamar kanggé saré kulawarga lan ruwang kanggé busana ingkang dipundékorasi nalika taun 1815 saged katandhingaken kaliyan papan kanggé saré rewang ingkang wonten ing pérangan inggil. Griya punika ugi gadhah pawon, papan kanggé asah-asah piring lan busana ingkang tansah kejagi saged ugi saking taun 1830.[3] Wonten ing wingkingipun lahan Pickford wonten lapangan pekerja, akses margi wonten ing sisih tengen lahan. Gudang ing sangandhaping lemah sampun dipunéwahi dados ruwang jaga saking bom nalika taun 1940-an.[4] Musiyum punika dados kagunganipun lan dipunurus déning Dewan Kutha Derby.

Cathetan suku[besut | besut sumber]

  1. Craven, Maxwell (1983). The Derby Townhouse. breedon books. ISBN 0 907969 31 32 Priksa gandra |isbn= (pitulung). 
  2. Pickford's House information
  3. a b Pickford's House Museum, AboutBritain,
  4. Pickford's House Museum, gotothisplace.com,

Pranala njawi[besut | besut sumber]

Koordhinat: 52°55′27″N 1°29′11″W / 52.9241°N 1.4864°W / 52.9241; -1.4864 (Pickford's House)