Ludwig van Beethoven

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Ludwig van Beethoven

Ludwig van Beethoven (dipunbaptis 17 Dèsèmber 1770[1]–26 Maret 1827) inggih punika satunggiling komposer Jerman ingkang mawiyaraken wiraga saha wawasan musik klasik. Piyambakipun dados ‘kreteg’ ingkang saged manyabrangi gaya klasik kaliyan gaya romantik.

Beethoven lair ing kutha Bonn, Jerman nalika taun 1770. Bakat ing babagan musik sampun katingal nalika alit. Serat musik kapisan dipunserat taun 1783. Nalika taksih rumaja, Beethoven késah ing Wina lan kapanggih Mozart, ananging pepanggihan punika namung sakedhap. Taun 1792 Beethoven ngambali dhateng ing Wina lan ngangsu kawruh dhumateng Haydn. Piyambakipun lajeng boten késah malih saking Wina.

Nalika yuswaipun ngancik kalih dasa taun, Beethoven ngraos manawi piyambakipun risak talinganipun lan boten saged mireng. Punika dados panggalihipun Beethoven, piyambakipun ngantos nggadhahi panemu manawi badhé mrajaya awakipun piyambak. Piyambakipun lajeng boten naté medal lan srawung kaliyan masyarakat, ananging karyanipun panggah dipunremeni déning masyarakat.

Yuswa sakawan dasa, Beethoven sampun boten saged mireng punapa-punapa malih, ananging piyambakipun panggah ngripta musik kagem piyambakipun. Beethoven naté ngendika dhumateng saah satunggaling kritikus musik bilih "musikku iki ora kanggo awakmu, nanging kanggo anak putu sapungkurmu".

Kalebet ing karyanipun inggih punika: sangang simfoni, 32 sonata piano, 16 kwartèt, 5 konsèr piano, satunggal konsèr biolah, kalih misa, opera Fidelio (1805) kaliyan musik kor. Beethoven nilar donya ing Wina taun 1827.

Cathetan suku[sunting | besut sumber]

  1. ^ Beethoven dipunbaptis surya 17 Dèsèmber. Surya wiyosipun asring kaserat surya 16 Dèsèmber, ananging surya punika boten terang; kulawarginipun ngramékaken ambal warsanipun ing surya samanten, nanging boten wonten perslah surya wiyosipun ing surya 16 Dèsèmber.