Friedrich Schiller

Saka Wikipédia Jawa, bauwarna bébas abasa Jawa

Johann Christoph Friedrich von Schiller ya iku dramawan, penyair, teoris sastra.[1] Dhèwèké lair ana Marbach, Württemberg, Jerman, tanggal 10 November 1759.[1] Séda ana Weimar, Saxe-Weimar, tanggal 9 Mèi 1805.[1] Kondhang amarga dramané Die Räuber (1781), trilogi Wallenstein (1800-1801), Maria Stuart (1801), lan Wilhelm Tell (1804).[1]

Schiller ya iku anak ahli bedhah tentara, Letnan Johann Kaspar Schiller lan Dorothea.[1] Dhèwèké diarep-arep dadi pendhita.[2] Sawisé Johann Kaspar pènsiun, dhèwèké tani ana kebon Ludwigsburg, omahé Duke Karl Eugen von Württemberg.[1] Duke Karl Eugen von Württemberg kongkonan Schiller mlebu akadhemi militèr.[2] Banjur, sakcepetè sawisé pengalaman kunjara, Schiller metu saka pengabdian militèr sing ora dipéngini iku.[2]

Kanggoné Schiller, seni ya iku agama.[3] Seni nawakaké transèndènsi.[3] Mung liwat seni, wong bisa nyepaki keilahian.[3] Ana ing seni, wong nemu lan ngalami kabébasan sajati.[3] Ana ing Über die ästhetische Erziehung des Menschen (1795), Schiller nyatakaké, "Angger manungsa kélangan martabaté, dhèwèké dislametaké déning seni. Sacara ontologis, seni mungkin apus-apusan lan ilusi, sawijining donyaning ngimpi, nanging apa kang bener urip pas ana apu-apus iki, lan metu saka tiron, èstétis sawisé digambaraké, gambar asliné pulih: Saurungé apa kang bener marakaké sunar kawijayan mlebu jero ana ati, geguritan nyegat sunaré, lan puncak kamanungsan murup ana sunar padhang, nalika pepeteng lan bengi kang lembap isih gumantung ana lembah."[3]

Cathetan suku[besut | besut sumber]

  1. ^ a b c d e f Witte, William. "Friedrich Schiller GERMAN WRITER". britannica.com. Dijupuk 27 August 2016. 
  2. ^ a b c Fort, Alice Buchanan; Kates, Herbert S. (1935). "FRIEDRICH SCHILLER (1759-1805)". Minute History of the Drama. theatredatabase.com. Dijupuk 27 August 2016. 
  3. ^ a b c d e Steiner, George (9 May 2005). "Say it loud – it's Schiller and it's proud". signandsight.com. Dijupuk 27 August 2016. 

Pranala njaba[besut | besut sumber]