Walter Scott

Saka Wikipédia Jawa, bauwarna bébas abasa Jawa
Walter Scott
Lair 15 Agustus 1771
Edinburgh, Sekotlan
Pati 21 September 1832
Abbotsford, Roxburgh, Sekotlan
Bangsa Sekotlan
Pakaryan Sastrawan, sejarawan
Bojo Charlotte Carpenter

Sir Walter Scott ya iku sastrawan, penyair, sejarawan, juru tulis biografi saka Sekotlan.[1][2] Lair ana Edinburgh, Sekotlan, tanggal 15 Agustus 1771.[1] Séda ana Abbotsford, Roxburgh, Sekotlan, tanggal 21 September 1832.[1]

Bapaké ya iku pengacara.[1] Ibuné anak dhokter.[1]

Cilikané, dhèwèké urip ana Edinburgh, kerep-kerep dolan menyang perternakané simbahé, Robert Scott, ana Tweeddale ing Perbatasan.[2] Saka kana, dhèwèké ngerti sejarah kulawargané, lan budaya umum Perbatasan.[2] Kawit cilik, dhèwèké ngrungokaké cerita saka perbatasan Sekotlan, banjur sregep macani geguritan, lakon, dongèng, lan roman.[1] Dhèwèké pinter ngeling-eling lan ngutip geguritan, kang marakaké gumuné para pelancong ana dhaérah kana.[1] Èksplorasiné ngenani désa tangga ngrembakakaké tresnane marang kaéndahan alam lan aprésiasi perjuangan sejarah para leluhur Sekotlan.[1] Dhèwèké mlebu Edinburgh High School, banjur Edinburgh University njipuk gelar sarjana hukum.[2]

Dhèwèké wiwitan nulis umur 25 taun, sepisanan nerjemahaké karya saka basa Jerman, banjur ngalih ana karya geguritan.[2]

Taun 1797, dhèwèké mbojo karo Charlotte Carpenter, duwé anak papat.[2] Limang taun sawisé, dhèwèké nerbitaké kumpulan balada Sekotlan, The Minstrelsy of the Scottish Borders, telung volumé.[2] Iku dadi pituduh purwané ngugemi Sekotlan lan sejarah saka sudut pandhang sastra.[2]

Cathetan suku[besut | besut sumber]

  1. ^ a b c d e f g h The Editors of Encyclopædia Britannica. "Sir Walter Scott, 1st Baronet: Scottish Writer". britannica.com. Dijupuk 4 September 2016. 
  2. ^ a b c d e f g h "Walter Scott". bbc.co.uk. 2016. Dijupuk 4 September 2016. 

Pranala njaba[besut | besut sumber]