Kimpul

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kimpul

Kimpul ya iku jinis umbi talas-talasan.[1] Kimpul uga sinebut talas Belitung utawa Blue Taro.[1] Kimpul kalebu famili Areacea lan kalebu wit-witan tahunan kang duwé umbi batang utawa batang palsu kang sabeneré plapahé godhong.[1] Umbiné digunakaké minangka bahan panganan kanthi digodhok utawa digorèng. Kimpul ya iku maskot campprodi arsitèktur taun 2013

Panggonan kang cocog[besut | besut sumber]

  1. Kandhungan humus lan banyu kang cukup
  2. PH lemah antarané 5,5 – 5,6
  3. Ketinggian 250 – 1.100 mèter sak duwuré permukaané segara
  4. Suhu optimum 21 – 27 C
Talas Kimpul

Gambaran umum kimpul[besut | besut sumber]

  1. Wujud kimpul gilig mèh bunder, jumlah anakan bisa nganti 10 buah utawa luwih kanthi dawa kira-kira 12 – 25 cm lan diameter 12 – 25 cm. umbi kng dikasélaké bisané duwé bobot 300 – 1000gram.[1]
  2. Struktur umbi kimpul kadhapur saka kulit, korteks lan pembuluh floem lan xylem. Kulit kimpul duwé kandel kira-kira 0,01 – 0,1 cm, wondéné ing pembuluh floem lan xylem ana pembuluh-pembuluh pati.[1]

Kandutan kimia[besut | besut sumber]

Umbi kimpul duwé kandhutan kimia ya iku, vitamin c, riboflavin, asem oksalat, pelargonidin-3-glucoside, cyanidin 3-rhamnocide, cyanidin 3-glucoside, apigenisn 3’,4”-dimethoxyluteonin, beta-caroten, Colocasia sterol, fruktosa, glukosa lan sukrosa. Godhongé uga duwèni kandhutan kimia kaya ta, kalsium, fosfor, lan dat wesi.[2]

Potènsi kimpul[besut | besut sumber]

  • Minangka kanggo panganan pokok

Ing pira – pira laladan Indonesi kimpul didadékaké panganan pokok minangka gantiné sega kyata, Mentawai (Provinsi Sumatra Barat) Sorong (Provinsi Irian jaya).[1] Sak liyané Indonesia, ing Nagara liya kimpul uga digunakaké minngka panganan pokok kaya ta ing Fiji, Samoa, Hawai, Kolumbia, Brasil, Filipina.[1]

  • Minangka Janganan

Godhong lan pangé uga bisa digunakaké minangka janganan kaya ta buntil. Wondéné oyot rimpang utawa tlutuhé bisa digunakaké minangka obat tradhisional.[1]

  • Minangka Obat Tradisional

Manfaat godhong kimpul (talas) ya iku minagka dadi bahan obat tradisioanl, kaya ta kanggo nambani encok, bisul, lan nambani bengkak.[1]

  • Minangka Pakan Ternak

Kimpul uga bisa digunakaké minangka pakan babi, mligi godhongé lan plapahé.[1]

Produk olahan[besut | besut sumber]

Kimpul ya iku komoditas kang gampang rusak kanthi fisik, kimia lan mikrobiologi, mongka saka iku kanggo ngurangi rusaké kimpul sawisé panèn, salah sijiné cara kang tepat ya iku kanthi ngolah dadi panganan, kaya ta[1]:

  1. Glepung kimpul
  2. Krupuk kimpul
  3. Dodol Kimpul

Cathetan sikil[besut | besut sumber]

  1. a b c d e f g h i j k [1], dipunundhuh 17 9 2012.
  2. [2], Kaunduh 2/10/2012.

Pranala njaba[besut | besut sumber]

[3] [4]