Kembang kenanga
| Kenanga | |
|---|---|
| |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Magnoliales |
| Famili: | Annonaceae |
| Génus: | Cananga |
| Spésies: | C. odorata |
| Jeneng binomial | |
| Cananga odorata (Lam.) Hook.f. & Thomson | |
Kenanga (Canangium odoratum) iku jeneng kembang saka wit sing duwé jeneng padha.[1] Ana loro forma kenanga, ya iku Cananga odorata forma macrophylla, sing ditepungi minangka kenanga biyasa.[1] Banjur Cananga odorata forma genuina utawa kenanga Filipina, sing uga karan ''ylang-ylang''.[1] Saliyané iku isih dikenal kenanga perdu (Cananga odorata varietas fruticosa), sing akèh ditandur minangka pethètan ing plataran omah.[1] Akéh sesebutan kanggo kembang kenanga, ing basa Indonésia diarani Kenanga, ing basa Jawa darani Kenanga, Wangsa; miturut basa Sunda Kananga, miturut basa Bali Sandat kananga, Sadat wangsa; basa Acèh Selanga, basa Sasak Sandat, basa Nias Ngana-ngono; lan miturut basa Minahasa kenanga diarani Lalangiran, amok, wungurer, pum-pum, luit.[1] Kenanga uga bisa diolah dadi lenga kenanga kang ambuné wangi.[1] Kenanga (Canangium odoranatum) uga dimanfaatké kanggo bahan indhustri ''parfum'' lan kosmetik.[2] Saliyané iku kenanga uga bisa kanggo obat warna-warna lelara.[2]
Pamerian
[besut | besut sumber]Wit kenanga duwé pang kang gedhé, diameteré 0,1-0,7 mèter, kanthi umur puluhan taun.[3] Tuwuhan kenanga duwé pang kang getas nalika isih enom. Dhuwuré wit iki bisa nganti 5-20 mèter.[3] Kembang kenanga bakal metu ing pang kang panggoné pérangan dhuwur. Saben kembang ana 6 lembar godhong kanthi makutha kang warnané kuning lan ditambahi 3 lembar godhong warna ijo.[3] Susunan kembang mau majemuk karo garpu-garpu.[3] Kenanga ora kalebu tuwuhan herba.[4] Cara nengkaraké ya iku saka wiji lan wité.[4] Kang bisa dimanfaatké saka kenanga ya iku kembangé kang ngganda arum.[4]
Gunane Kembang Kenanga
[besut | besut sumber]Kembang kenanga bisa minangka obat-obatan, ing ngisor iki tuladhané:[5]
- Demam nifas: kembang kenanga 5, kembang turi abang 5, rimpang kunir 10 gram, kencur 10 gram, temu temu ireng 10 gram, lan 25 gram asem, kabèh bahan mau diuleg nganti alus, banjur ditambahi uyah lan banyu sithik, banjur dioleské ing geger utawa weteng. Dilakoni sadina kaping pindo.[5]
- Lara Encok utawa rematik: kembang kenanga sing isih kuncup 12, 30 gram godhong srikaya, 20 gram godhong ketapang, 20 gram jahe, mrica 10, dikumbah banjur kabèh bahan mau diuleg ditambah banyu lan kapur sirih, diudhek, banjur digosoke ing panggonan kang lara.[5]
- Kudis (scabies): 50 gram kembang kenanga diumbah lan diuleg alus, tambahké 20 cc lenga goreng, dipanaske sedhelok, sawisé adhem dioleske ing panggon kang lara.[5]
- Dicokot kéwan: kembang kenanga 2, kembang mawar 1, melati 10, diperes karo ditambah lenga klapa, banjur dioleske ing panggon kang dicokot.[5]
- Malaria dan Asma: kembang kenanga 3, kembang kenanga kang wis dienggi kudu digaringan dhisik, diseduh ing segelas banyu panas lan ditutup rapet, disaring banjur diombe.[1]
- Asma utawa sesak nafas:1/2 gegeman kembang kenanga, 1 1/2 sendok gula putih, digodhong ing segelas banyu nganti umum lan banyune sisa 1/2 gelas, banjur disaring lan diombe wayah esok lan sore.[1]
- Bronkhitis: kembang kenanga 2, digodhog ing segelas banyu panas nganti umup lan banyuné sisa mung 1/2 gelas, banjur disaring lan diombe wayah esok lan sore.[1]
- Jamu séhat sawisé ngairaké:kembang kenanga kang isih enom, kayu rapet, pegatsih, kunci pepet, kunir, jongrahab, jalawe, dan jakeling, kabèh bahan dicampur lan dideplog nganti alus ing pipisan, banjur diseduh ing banyu panas, sawisé iku disaring lan diombé.[6]
Cathetan suku
[besut | besut sumber]- ↑ a b c d e f g h i [1] Archived 2011-08-25 at the Wayback Machine.(dipunundhuh tanggal 13 April 2011)
- ↑ a b [2][pranala mati permanèn](dipunundhuh tanggal 13 April 2011)
- ↑ a b c d "Kenanga". Diarsip saka sing asli ing 2010-05-22. Dibukak ing 2011-03-14.
- ↑ a b c [3] Archived 2011-08-08 at the Wayback Machine.(dipunundhuh tanggal 12 April 2011)
- ↑ a b c d e Manfaat Bunga Kenanga[pranala mati permanèn] (diundhuh tanggal 15 Maret 2011)
- ↑ {{id]][4] Archived 2010-08-30 at the Wayback Machine.(dipunundhuh tanggal 13 April 2011)