Kartika Affandi
Kartika Affandi (wiyos wonten ing Jakarta, 27 November 1934) punika pelukis Indonésia, putri saking pelukis ingkang kawéntar inggih punika Affandi kaliyan garwanipun, Maryati [1].
Pendidikan
[besut | besut sumber]- Taman Dewasa, Taman Siswa
- Tagore University Santiniketan, India (1950)
- Polytechnic School of Art, London (1952)
- Job Training kanggé Management Gallery ing Washington DC, USA (1967)
- Workshop wonten Graphik Center Frans Maseriel ing Kasterlee, Bèlgi (1977)
- Akademi Seni Rupa Jurusan Tehnik Pengawetan lan Restorasi Benda-benda Kesenian ing Vienna, Ostenrik (1980-1983)
- ICCROM International Center of the Preservation and the Restoration of Cultural Property, Roma, Italia (1984) [2]
Penghargaan
[besut | besut sumber]- Beasiswa saking pamaréntah Prancis kanggé dugi dhateng papan-papan kesenian ing Paris (1968),
- Gold Medal saking Academica Italia Salsamoggiere (1980), Honorary Degree minangka maéstro ing Pittura (1982)
- AUREA Gold Medal saking The International Parliament for Security and Peace, USA (1983), Beasiswa saking ICCROM kanggé mubengi Italia (1984),
- Master of Painter saking Youth of Asian Artist Workshop (1985), Outstanding Artist saking Mills College ing Oakland, California (1991) [2]
Karir
[besut | besut sumber]Kartika Affandi wiwit sinau nglukis taun 1958 saking bapakipun, Affandi. Nanging nglukis kanthi tememen punika wiwit kapurwakani kaliyan Sapto Hudoyo lan pikantuk laré cacah 8. Sasampunipun sadar, bilih fungsi wanita punika boten namung dados ibu ingkang trus wiyosaken laré nanging wonten kathah malih ingkang saged dipunlairaken kados ngèlmu utawi karya-karya seni sanèsipun. Ing taun 1957 punika kapisan paméran sesarengan kaliyan pelukis wanita ing Yogyakarta. Déné ing taun 1958 ngawontenaken paméran sareng muteri nagara-nagara sosialis [2].
Nalika taun 1964, Kartika Affandi ndhèrèk paméran sareng ing Museum Modern of Art, Rio De Janeiro, Brazil. Ing taun 1967, mbiyantu Affandi damel lukisan dinding (Fresco) ing East West Center University of Hawaii, USA. Lajeng ing taun 1977, Kartika Affandi dados kurator wonten ing Musiyum Affandi dumugi sapunika[2].
- 1969, Kartika Affandi damel pameran tunggal kapisan ing Jakarta dipunlajengaken saben taun punika ngawontenaken pameran ing kutha-kutha ageng Indonésia.
- Taun 1970 pameran ing Thailand lan Walanda.
- Taun 1971 pameran ing Samart Art Gallery, Kuala Lumpur, Malaysia-Malay Art Gallery, Singapura.
- Taun 1972 pameran ing Palazzo delle Esposizioni, Roma
- Taun 1973, pameran ing Palais de Beaux-Arts Bruselles, Bèlgi lan Benrahter Orangerie, Dusseldorf, Jerman[2]