Kamomil

Saka Wikipédia Jawa, bauwarna mardika basa Jawa
Kamomil
Kamomil (saka Tanaman Obat-obatan Köhler, 1887)
Klasifikasi ngèlmiah
Karajan: Plantae
Dhivisi: Magnoliophyta
Klas: Magnoliopsida
Ordho: Asterales
Famili: Asteraceae
Génus: Matricaria
Spésies: M. recutita
Jeneng binomial
Matricaria recutita
L.

Kamomil utawa kamomèl (basa Inggris: chamomile) duwé jeneng èlmiyah (Matricaria recutita L) minangka tetuwuhan ngembang saka kulawarga Asteraceae kang asring dipigunakaké mawa tamba.[1] Pérangan kang kerep dipigunakaké mawa tamba ya kuwi bagéan kembang kang digaringaké banjur di cor kaya déné tèh.

Wedharan[besut | besut sumber]

Wit kamomil kalebu wit taunan kang bisa tuwuh nganti 50-80 sèntimèter dhuwuré.[2] Bisa tuwuh ing lemah subur, masir utawa lemah liat. Herba iki galihé werna ijo enom lan ana uraté. Kembangé mèmper kembang daisy lan mekar ing mangsa panas. Saben kembang ana 10-20 kelopak sing racaké  werna putih lan tengahé werna kuning.[3] Ambu kembangé seger mèmper woh nanas utawa apel. Kembangé mekrok 1-2 sasi. Tuwuhan sing oyodé nyerat iki nyebar kanthi nyemai dhèwèké dhéwé.[4]

Piguna[besut | besut sumber]

Tetuwuhan kamomil duwe piguna ya kuwi:

  1. Mbiyantu turu luwih angler. Kanggo pawongan kang angel turu ing wayah wengi, bisa nyoba ngombé sak gelas tèh kamomil anget. Tèh iki bisa mènèhi èfèk kanggo nenangaké awak lan agawé ngantuk. Iki amarga ing sajroning tèh kamomil duwé zat flavonoid kang bisa nalèni resèptor banzodiazepine ing utek sak èngga tuwuh rasa ngantuk.[5]
  2. Nambani kram weteng nalika haid. Piguna tèh kamomil kanggo wong wadon kang kram weteng nalika haid anarga ningkataké kadhar glisin ing uyuh. Glisin minangka zat kang ngurangi kram otot nalika mènstruasi.[6]
  3. Nggawé awak rileks. Teh iki ora ngandhut kaféin timbangané tèh ireng lan tèh oolong. Ambuné seger lan nggawé pikiran dadi seger.[7]
  4. Bisa kanggo tamba ing kulit. Kamomil ngandgut zat Chamazulene kang micu aktivitas antiradhang lan nyepetaké luka mari. Sakliyané kuwi ana uga zat Levomenol kang dadi pelembab sing ngurangi pratandha karusakan kulit, ngurangi rasa gatel, lan ngewang tekstur lan elastisitas kulit.[8]
  5. Bisa ngurangi lara weteng, mules lan rasa sumelang.[9] Ngombé sak cangkir tèh kamomil bisa ngurangi gas ing weteng, ganggunan pencernaan, lan sindrom iritasi usus.[10]
  6. Bisa ngatasi kulit kebakar sunar srengéngé.[11]
  7. Njaga kasarasan jantung.
  8. Nyegah arthritis.
  9. Nambani gejala pilek.
  10. Nyegah kanker.[12]

Èfèk samping[besut | besut sumber]

Èfèk samping saka panggunanan kamomèl ya kuwi bisa nyebabaké reaksi alergi kaya ta mukok, kulit dadi abang-abang, lan bisa ningkataké sensitivitas panandhang mengi amarga serbuk sariné. Kamomil ngandhut kumarin, zat iki mbebayani wong mbobot amarga ningkataké risiko pendarahan.[13] Tèh kamomil durung kabukti aman kanggo wong meteng, pramila kudu rembugan dhisik karo dhokter utawa bidhan.[14]

Gladri[besut | besut sumber]

Kapustakan[besut | besut sumber]

  1. Singh, Ompal; Khanam, Zakia; Misra, Neelam; Srivastava, Manoj Kumar (2011). "Chamomile (Matricaria chamomilla L.): An overview". Pharmacognosy Reviews. 5 (9): 82–95. doi:10.4103/0973-7847.79103. ISSN 0973-7847. PMC 3210003. PMID 22096322.
  2. "Matricaria chamomilla - Useful Tropical Plants". tropical.theferns.info. Dibukak ing 2020-08-11.
  3. "Matricaria recutita - Plant Finder". www.missouribotanicalgarden.org. Dibukak ing 2020-08-11.
  4. "German Chamomile (Matricaria chamomilla)". illinoiswildflowers.info. Dibukak ing 2020-08-11.
  5. "Manfaat Teh Chamomile, Bisa Membantumu Tidur Nyenyak". Alodokter. 2016-05-16. Dibukak ing 2020-08-11.
  6. "Ingin Tidur Lebih Nyenyak? Coba Minum Teh Chamomile". SehatQ (ing basa Indonesia). Diarsip saka sing asli ing 2020-08-05. Dibukak ing 2020-08-11.
  7. "Cara Terbaik Minum Teh Chamomile Supaya Tidur Lebih Nyenyak". kumparan (ing basa Indonesia). Dibukak ing 2020-08-11.
  8. "Mengenal Segudang Manfaat Chamomile untuk Kecantikan". Hello Sehat (ing basa Indonesia). 2018-03-02. Dibukak ing 2020-08-11.
  9. "Chamomile : Kegunaan, Efek Samping, Interaksi". Hello Sehat (ing basa Indonesia). 1969-12-31. Dibukak ing 2020-08-11.
  10. Widiyarti, Yayuk (2020-07-13). "5 Khasiat Teh Kamomil buat Tubuh dan Pikiran". Tempo (ing basa Inggris). Dibukak ing 2020-08-16.
  11. VIVA, PT VIVA MEDIA BARU- (2016-11-07). "Bunga Kamomil, Bisa Atasi Gangguan Kecemasan". www.viva.co.id (ing basa Indonesia). Dibukak ing 2020-08-16.
  12. "13 Manfaat Chamomile untuk Kesehatan". Informasi Kesehatan dan Tips Kesehatan - Dokter Sehat (ing basa Indonesia). 2018-11-30. Diarsip saka sing asli ing 2020-08-08. Dibukak ing 2020-08-11.
  13. Hestianingsih. "Teh Chamomile Berkhasiat untuk Kesehatan, Ternyata Hanya Mitos?". wolipop (ing basa Indonesia). Dibukak ing 2020-08-11.
  14. Nov 2018, ditulis olehKrisna Octavianus Dwiputra20; Wib, 16:00. "Bolehkah Ibu Hamil Minum Teh Kamomil?". klikdokter.com. Dibukak ing 2020-08-16.{{cite web}}: CS1 maint: numeric names: authors list (link)