Tèh oolong

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Godhong tèh oolong.

Tèh oolong (Hanzi tradhisional: 烏龍; Hanzi Prasaja: 乌龙; pinyin: wūlóng; uga karan 青茶 qīngchá) iku sajinis tèh Cina. Wernané kapara antawis ijo lan ireng.

Tèh oolong duwé rasa pait, nanging ninggal rasa legi sethithik sawisé diombé. Lumrahé tèh jinis iki sing disuguhaké ing rèstoran-rèstoran Cina sing nyuguhaké panganan dim sum utawa masakan Cina liyané.

Akèh-akèhé godhong tèh oolong diasilaké ing provinsi Fujian, uga diasilaké déning perkebunan tèh ing Taiwan. Varian tèh oolong sing misuwur tuladhané tieguanyin (鐵觀音) asal saka Fujian.

Khasiyat[besut | besut sumber]

Sajroning tèh oolong, ngandhut kafein, fluoride, mangan, kalium, natrium, magnesium, lan niasin. Teh oolong uga ngandhut asam amino theanine lan antioksidan kang cukup dhuwur. Manèka khasiyat tèh iki kanggo awak manungsa kaya déné:

  1. Bisa ngréwangi mudhunaké bobot awak
  2. Mudhunaké kolèsterol
  3. Nyehataké rambut
  4. Normalaké gula getih
  5. Nyegah karusakan untu
  6. Ningkataké konsentrasi
  7. Nyegah ostèoporosis.[1]

Èfek samping[besut | besut sumber]

Masiya duwè akèh mupangat tumrap kasarasan awak, tèh oolong ora kena diombè luwih saka limang cangkir sedina. Ngombè tèh iki kudu diwatesi amarga menawa diombè luwih bakal ana èfèk samping. Pratandha nandhang èfèk samping ya iku:

  • Mumet
  • Jantung dheg-dhegan cepet
  • Angèl turu
  • Klisikan
  • Rasa sumelang
  • Weteng kembung
  • Mèncrèt
  • Mukok-mukok
  • Bisa nyebabaké bayi lair pèmatur ing wong meteng. [2]

Rujukan[besut | besut sumber]

  1. Destriyana (2015-09-28). "Ini 7 khasiat teh Oolong yang jarang diketahui!". Merdeka. Dijupuk 2020-03-22. 
  2. "Khasiat Hebat Teh Oolong yang Perlu Anda Ketahui". Alodokter. 2019-09-27. Dijupuk 2020-03-22.