Nanas kerang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Wit Nanas Kerang

Nanas kerang kang duwé jeneng élmiyah Rhoeo discolor utawa Tradescantia spathacea ya iku jinis suket-suketan saka kulawarga Commelinaceae. Wit iki diceluk uga kanthi jeneng wit Adam Hawa. Herba iki dhuwuré 40-60 cm. galihé kasar cendhek lan wernané soklat. Godhong tunggal bentuké mangkok sing dawané 30 cm lan amba 3-6 cm. Kembangé kebungkus dening klopak kang mirip kerang. Mula dijenengi nanas kerang. Kembang iki wernané putih lan oyoté soklat.[1]

Piguna[besut | besut sumber]

Kembang Nanas Kerag

Godhong Nanas kerang bisa kanggo tamba watuk TBC, bronkhitis, disentri, lan abuh. Cara ngonsumsi ya iku godhongé digodhog lan ditambah gula watu banjur diombé. Nanas kerang biasané ditandur ing pekarangan mawa tetanduran hias.

Referènsi[besut | besut sumber]

  1. Nuris Nuraini, Dini (2014). Aneka Daun Berkhasiat Untuk Obat. Yogyakarta: Gava Media. k. 41. ISBN 978-602-7869-42-4.