Jalak bali

Saka Wikipédia Jawa, bauwarna mardika basa Jawa
Jalak Bali
Jalak Bali ing Kebon Kéwan Brookfield
Klasifikasi ngèlmiah
Karajan: Animalia
Filum: Chordata
Klas: Aves
Ordho: Passeriformes
Famili: Sturnidae
Génus: Leucopsar
Stresemann, 1912
Spésies: L. rothschildi
Jeneng binomial
Leucopsar rothschildi
Stresemann, 1912

Jalak Bali gadhah nama Latin Leucopsar rothschildi.[1] Jalak bali punika nama aslinipun curik bali.[1] Peksi jalak bali punika dawanipun boten langkung saking 25 cm.[1] Kajawi punika ciri sanèsipun inggih punika wulunipun ingkang pethak resik saha wonten ing pucuking buntut saha lar awerna cemeng.[1] Jalak bali gadhah warni biru wonten ing sakupengipun soca saha sikil.[1] Werni punika sangsaya ndamel peksi jalak bali katingal saé.[1] Jalak bali kathah dipunremeni tiyang amargi swantenipun ingkang saé.[1]

Jalak bali punika salah satunggaling kéwan éndemik amargi namung saged kapanggih wonten ing Bali.[1] Nanging wonten ugi jalak bali ingkang gesang wonten ing panggènan sanès, punika amargi jalak bali sampun dipuntengkaraken.[1] Nanging jalak bali ingkang dipuntengkaraken punika namung manggèn wonten kandhang.[1] Panggènan punika kados ta wonten ing Éropah, Jepang, Jawa.[1]

Jalak bali kalebet kéwan ingkang langka amargi kathah ingkang mburu, kejawi punika lingkungan ingkang risak wonten ing Taman Nasional Bali Kilèn.[1] Miturut panalitèn, cacahipun peksi punika namung kantun welasan.[1] Mangsa kawin jalak bali punika nalika wulan Oktober ngantos November.[1] Jalak bali ndamel susoh wonten ing wit-witan ingkang inggilipun kirang saking 175 cm.[1] Jalak bali punika remen semak saha wit-witan ing panggènan ingkang wiyar saha caket kaliyan wana ingkang ngrembuyeng.[1] Nalika rumuyin jalak bali asring ndamel susoh wonten ing kebon klapa sawit caket griya-griya pandhudhuk.[1] Karemenan gesang wonten ing panggènan-panggènan punika ingkang ndadosaken peksi jalak bali gampil dipuncepeng tiyang.[1] Kanggé njagi populasi jalak bali supados boten cures kedah dipuntengkaraken saha njagi habitat jalak bali.[1]

Nalika taun 1991 jalak bali dados lambang fauna Provinsi Bali.[2]

Cathetan suku[besut | besut sumber]

  1. a b c d e f g h i j k l m n o p q r s indotoplist.com Archived 2011-08-31 at the Wayback Machine.(dipunundhuh tanggal 7 Oktober 2011)
  2. kidnesia.com(dipunundhuh tanggal 7 Oktober 2011)