Jalak Bali

Saka Wikipédia Jawa, bauwarna bébas abasa Jawa
Jalak Bali
Jalak Bali ing Kebon Kéwan Brookfield
Status konsèrvasi
Klasifikasi èlmiah
Krajan: Animalia
Filum: Chordata
Kelas: Aves
Ordo: Passeriformes
Kulawarga: Sturnidae
Marga: Leucopsar
Stresemann, 1912
Jinis: L. rothschildi
Jeneng binomial
Leucopsar rothschildi
Stresemann, 1912

Jalak Bali nggadhahi nami Latin Leucopsar rothschildi.[1] Jalak bali punika nami aslinipun curik bali.[1] Peksi jalak bali punika dawanipun boten langkung saking 25 cm.[1] Kejawi punika ciri sanèsipun inggih punika wulunipun ingkang pethak resik saha wonten ing pucuking buntut saha lar awerna cemeng.[1] Jalak bali nggadhahi werni biru wonten ing sakupengipun soca saha sikil.[1] Werni punika sangsaya ndamel peksi jalak bali ketingal saé.[1] Jalak bali kathah dipunremeni tiyang amargi swantenipun ingkang saé.[1]

Jalak bali punika salah setunggaling kéwan éndemik amargi namung saged dipunpanggihi wonten ing Bali.[1] Ananging wonten ugi jalak bali ingkang gesang wonten ing panggènan sanès, punika amargi jalak bali sampun dipuntengkaraken.[1] Ananging jalak bali ingkang dipuntengkaraken punika namung manggèn wonten kandhang.[1] Panggènan punika kadosta wonten ing Éropah, Jepang, Jawa.[1]

Jalak bali kalebet kéwan ingkang langka amargi kathah ingkang mburu, kejawi punika lingkungan ingkang risak wonten ing Taman Nasional Bali Kilèn.[1] Miturut panalitèn, cacahipun peksi punika namung kantun welasan.[1] Mangsa kawin jalak bali punika nalika wulan Oktober ngantos November.[1] Jalak bali ndamel susoh wonten ing wit-witan ingkang inggilipun kirang saking 175 cm.[1] Jalak bali punika remen semak saha wit-witan ing panggènan ingkang wiyar saha caket kaliyan wana ingkang ngrembuyeng.[1] Nalika rumuyin jalak bali asring ndamel susoh wonten ing kebon klapa sawit caket griya-griya pandhudhuk.[1] Karemenan gesang wonten ing panggènan-panggènan punika ingkang ndadosaken peksi jalak bali gampil dipuncepeng tiyang.[1] Kanggé njagi populasi jalak bali supados boten punah kedah dipuntengkaraken saha njagi habitat jalak bali.[1]

Nalika taun 1991 jalak bali dados lambang fauna Provinsi Bali .[2]

Cathetan suku[besut | besut sumber]

  1. ^ a b c d e f g h i j k l m n o p q r s (id)indotoplist.com(dipunundhuh tanggal 7 Oktober 2011)
  2. ^ (id)kidnesia.com(dipunundhuh tanggal 7 Oktober 2011)


Sumber artikel punika saking kaca situs web: "https://jv.wikipedia.org/w/index.php?title=Jalak_Bali&oldid=1089201"