Ibnu Al-Baitar

Saka Wikipédia, bauwarna bébas basa Jawa
Al-Baitar
Al-Baitar
Al-Baitar
Miyos 1197
Málaga
Tilar donya 1248
Damaskus
Kabangsan Andalusia
Bidhang Ahli Botani, Scientist, Pharmacist, Physician
Kaahlian Scientific classification Oncology

Ibnu Al-Baitar ya iku peneliti tanduran obat.[1] Dheweke dikenal minangka sawijining dhokter kewan, ahli tanduran, lan farmakologi, sarta sarjana ilmu tanduran.[1] Jeneng dawane ya iku Abu Muhammad Abdallah Ibn Ahmad Ad-Din Ibn Al-Baitar Al-Din Al-Maliqi.[1] Wong kulonan ngarani dheweke kanthi jeneng Alpetragius.[1] Ibnu Al-Baitar kerep nganakake paneliten ngenani tanduran lan kasiate ing Afrika lan Asia.[1] Nalika taun 1219, dheweke lunga ing pesisir lor Afrika lan Asia Timur.[1] Dheweke entuk jinising tanduran nganti ewonan.[1] Asil panalitene ditulis ana ing buku Al-jami fi al- Adwiya al-Mufrada, sawijining buku ensiklopedi tanduran kang diakoni minangka rujukan babagan kedhokteran nganti abad 16.[1]

Al-Baitar lair ana ing Malaga (Spanyol) ing abad 12 kang pungkasan.[2] Dheweke turunane kulawarga Al-Baitar ing Malaga.[2] Al-Baitar sekolah kang wiwitan ing Serville, Spanyol.[2] Ing kono, dheweke nglumpukake pirang-pirang jinis tanduran kang urip ana ing kono.[2] Nalika nglumpukake, dheweke bebarengan karo guru-gurune ya iku Abu Al-Abbas An Nabati, Abdulah bin Shaleh, lan Abu Al-Hajjaj.[2] Nalika taun 1220, dheweke ngalih ana ing tlatah wetanan.[2] Sawise ngliwati tlatah Afrika Utara (Maroko, Algeria, lan Tunisa), dheweke uga lunga menyang Asia cilik lan Suriah.[2] Ibnu Al-Baitar tinggal donya ing Damaskus taun 1248.[2]

Cathetan suku[besut | besut sumber]

  1. ^ a b c d e f g h (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 127]
  2. ^ a b c d e f g h (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 128]

Pranala njaba[besut | besut sumber]

Vernet, J. (2008). "Ibn Al-Bayṭār Al-Mālaqī, Ḍiyāʾ Al-Dīn Abū Muḥammad ʿAbdllāh Ibn Aḥmad". Complete Dictionary of Scientific Biography. Encyclopedia.com. 

Sumber artikel punika saking kaca situs web: "https://jv.wikipedia.org/w/index.php?title=Ibnu_Al-Baitar&oldid=977505"