I Nyoman Alim
I Nyoman Alim Mustapha (lair ing Dhènpasar, Bali 13 Fébruari 1952) ya iku juru tatah saka Bali sing saiki netep ning Pabelan, Kacamatan Mungkid, Magelang, Jawa Tengah. Seni tatah miturut Nyoman punika kanggé wujud puji sukur ing ngarsané Gusti Pangeran kang Maha Agung. Miturut Nyoman ora gampang anggoné nyinaoni kagunan amarga jaman biyen durung ana sekolah kang ngajaraké kagunan apa manèh kagunan tatah banjur Nyoman gladhèn kanthi otodidak. Èwunan karya kagunan tatah kaya ta patung, reliéf, karo miniatur bangunan kang digawé Nyoman karo para pengrajin karya kagunan kang dirangkul utawa gelem kerja sama karo Nyoman. Nyoman iku uwong kang ngadhekake tempat wisata lan tempat produksi aneka macem kagunan tatah kagunan tatah ning daerah Kecamatan Mungkid, yaiku Taman Nakula Sadéwa Edupark. Saorané ana 300 pegawé sing kerja ing lan 50 pengrajin kang dadi pegawé tetapé Nyoman. Para pengrajin mau duwé kéahlian dhéwe-dhéwé kaya ta tatah batu, tanah liat, alumunium.[1]
Wiyata
[besut | besut sumber]Sakwisé lulus seka SMA Pendowo Muntilan (1971) kanthi bekal tékad kuat lan getih kagunan saka ramane yaiku I Ketut Kicen (suwargi) minangka pelukis, dhèwèké banjur sinau kagunan tatah kanthi otodidak. Sinau dhèwè kuwi ora gampang merga jaman biyèn durung akeh sekolah lan perguruan tinggi jurusan kagunan. bareng Karo 300 pekerja lan 50 pengrajin dhèwèké sukses ngadhekaké Taman Nakula Sadewa Edupark.
Pagawéan
[besut | besut sumber]Sakwisé Nyoman ngadhekaké Taman Nakula Sadewa Edupark, Nyoman ngasilaké luwih saka atusan karya kagunan tatah. Kabeh karya saliyané patung yaiku kaligrafi, artwork macem-macem fiberglass, marmer, watu, aluminium, lah perunggu
Nyoman mbangun taman iki ning Kecamatan Mungkid, Jawa tengah. Puluhan werna karya kagunan tatah manéka warna ukuran kasebar ana ing tlatah kasebut. Taman iki ana TELU (3) bagian, bagian pertama yaiku bagian taman nasional. Ing kono ana patung-patung para pahlawan kan pendiri Negara Kesatuan Republik Indonesia. patung-patung kuwi antarané Ir. Soekarno lan Moh. Hatta, Panglima Besar Jendral Soedirman, I Gusti Ngurah Rai, A. Yani, nganti tekan Pangeran Diponegoro lan Patih Gajah Mada.
Pérangan ka-2 ya iku taman internasional, panggoné taman iki ning jèjèré taman nasional. Ana ing taman internasional Iki ana miniatur bangunan megah ing dunya, antarané Candi Borobudur, Patung Liberty, Shwedagon Pagoda, lan Angkor Wat. sakwisé taman nasional lan taman internasional, ana jenenge taman budaya. Ana ing njero taman Iki ana puluhan patung wayang kang werna-warni.
Nakula Sadewa Edupark
[besut | besut sumber]Taman Nakula Sadewa Edupark menika ora mung nuduhaké karya kagunan saka watu nanging uga nuduhaké proses anggoné gawé. Para pengunjung uga bisa gaweé karya kagunan lan bisa gawa bali hasil karyané. Tujuan saka taman iki yaiku supaya para pengunjung ora mung foto-foto nanging uga bisa ndelok proses carane gawe karya kagunan lan bisa gawe karya kagunan ing Taman menika, saéngga bisa nuwuhaké rasa remen kerajinan kagunan gawe patung, ora liya mahat watu. Taman Nakula Sadewa Eduprak padintenané buka saka jam 09.00-17.WIB. Ing taman iki uga ana kolam renang kang dihias kanggo bocah-bocah sing padha ngunjungi Taman iki. Tiket Taman Nakula Sadewa Edupark kanggo bocah-bocah Rp. 10.000,00 lan dhiwasa Rp. 20.000,00 sarta Rp. 75.000,00 kanggo minat khusus.[2]
Rujukan
[besut | besut sumber]- ↑ Wicaksono, Megandika (21 Novèmber 2018). "I Nyoman Alim Mustapha Berbagi Jagat Pahat". Kompas. Diarsip saka sing asli ing 2020-11-21. Dibukak ing 2019-10-04.
- ↑ ira, letnan (2018-09-18). "Ini Tempat Liburan Santai Sambil Bikin Karya Seni di Magelang". Detik. Dibukak ing 2019-10-25.