Gendruwo
Cithakan:Infobox Makhlukparanormal
Gendruwo utawa ing basa Indonésia Genderuwa, lan ing basa Sunda Gandaruwo[1] inggih punika satunggalipun bangsa mahluk alus ingkang misuwur lan namung wonten ing Indonésia mliginipun ing Pulo Jawa. Ngantos sapunika dèrèng wonten nagari sanès ingkang ngakeni wontenipun gendruwo kajawi namung Indonésia. Gendruwo punika satunggalipun bangsa jin utawi mahluk alus ingkang awujud kethèk ingkang gadhah badan ingkang ageng lan warni kulit cemeng radi abrit lan gadhah wulu ingkang kandhel. Gedruwo limrahipun manggèn wonten ing watu, wangunan, wit-witan ageng utawi panggènan ingkang peteng lan sepen. Pancer utawi pusat domisili mahluk punika pinitados déning maasyarakat wonten ing Alas Jati Donoloyo, kacamatan Sloghimo, watawis 60 km ing sisih wétan Wanagiri, lan ing wewengkon Lemah Putih, Purwosari, Girimulyo, Kulon Praga watawis 60 km sisih kilèn kutha Yogyakarta. Miturut kamus ageng Basa Indonésia, gendruwo punika satunggalipun raseksa utawi buta ingkang kados manungsa lan gadhah wulu[2] lan watakipun awon.[3] Makluk alus punika asring manggèn wonten ing wangunan-wangunan kothong, wit-witan ingkang ageng, lan ing nginggilipun griya joglo.[3] Manawi gederuwo medal tansah mbekta ambetan kados tela ingkang dipunbakar.[3] Gederuwo nggadhi watek remen ngganggu lan meden-medeni tiyang, anangin boten ngantos dadosaken tiyang punika séda.[3] Gederuwo ugi asring ngganggu tiyang èstri.[3]
Cathetan suku
[besut | besut sumber]- ↑ Suyono, R.P. 2007. "Dunia Mistik Orang Jawa: Roh, Ritual, Benda Magis". Penerbit LKiS. ISBN: 979-97853-6-7. ISBN 13: 978-979-97853-6-7
- ↑ Departemen Pendidikan Nasional. 2002. Kamus Besar Bahasa Indonesia (edhisi 3), kaca 353. Jakarta:Balai Pustaka
- ↑ a b c d e Pandanwangi, Sekar. 2009. Pesugihan Jawa. Yogyakarta:Araska
 |
Wikimedia Commons duwé médhia ngenani Gendruwo. |
Pranala njawi
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |