ꦏꦱꦸꦭ꧀ꦠꦤꦤ꧀ꦩꦠꦫꦩ꧀

ꦤꦒꦫꦶꦩꦠꦫꦩ꧀
	ꦤꦒꦫꦶꦩꦠꦫꦩ꧀
	Flag
	Pernahé ꦏꦱꦸꦭ꧀ꦠꦤꦤ꧀ꦩꦠꦫꦩ꧀ ꦗꦼꦩ꧀ꦧꦂꦮꦼꦮꦼꦁꦏꦺꦴꦤ꧀ꦩꦠꦫꦩ꧀ꦏꦁꦥꦭꦶꦁꦲꦩ꧀ꦧꦲꦶꦁꦱꦔꦶꦱꦺꦴꦂꦫꦺꦥꦶꦩ꧀ꦥꦶꦤꦤ꧀ꦱꦸꦭ꧀ꦠꦤ꧀ꦄꦒꦸꦁꦲꦚꦏꦿꦏꦸꦱꦸꦩ (꧇꧑꧖꧑꧓꧇–꧇꧑꧖꧔꧕꧇)
Kutha krajan	ꦏꦸꦛꦒꦼꦝꦺ (꧇꧑꧔꧘꧘꧇–꧇꧑꧖꧑꧓꧇); ꦏꦂꦠ (꧇꧑꧖꧑꧓꧇–꧇꧑꧖꧔꧗꧇); ꦥ꧀ꦭꦺꦫꦺꦠ꧀ (꧇꧑꧖꧔꧗꧇–꧇꧑꧖꧘꧑꧇)
Basa	ꦗꦮ
Agama	ꦆꦱ꧀ꦭꦩ꧀꧈ꦏꦗꦮꦺꦤ꧀
Pamaréntahan	ꦏꦫꦗꦤ꧀
ꦱꦸꦭ꧀ꦠꦤ꧀
Sajarah
Sadurungé	Sawisé
	ꦏꦱꦸꦭ꧀ꦠꦤꦤ꧀ꦥꦗꦁ
ꦏꦱꦸꦤꦤ꧀ꦏꦂꦠꦱꦸꦫ
ꦏꦱꦸꦭ꧀ꦠꦤꦤ꧀ꦪꦺꦴꦒꦾꦏꦂꦠ
ꦆꦤ꧀ꦝꦶꦪꦤꦺꦢꦼꦂꦭꦤ꧀
	Warning: Value specified for "continent" does not comply

Aksara Latin

ꦗꦮ

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

꧋ꦏꦱꦸꦭ꧀ꦠꦤꦤ꧀ꦩꦠꦫꦩ꧀ꦢꦶꦲꦢꦼꦒꦏꦺꦢꦺꦤꦶꦁꦱꦸꦠꦮꦶꦗꦪ꧈ꦥꦸꦠꦿꦏꦶꦄꦒꦼꦁꦥꦩꦤꦲꦤ꧀ꦠꦲꦸꦤ꧀꧇꧑꧕꧘꧖꧇꧉ꦱꦢꦸꦫꦸꦁꦔꦺ꧈ꦏꦱꦸꦭ꧀ꦠꦤꦤ꧀ꦲꦶꦏꦶꦢꦝꦶꦥꦺꦫꦔꦤ꧀ꦏꦏꦸꦮꦱꦤꦶꦁꦏꦱꦸꦭ꧀ꦠꦤꦤ꧀ꦥꦗꦁꦲꦶꦁꦠꦲꦸꦤ꧀꧇꧑꧕꧘꧒꧇꧈ꦱꦸꦠꦮꦶꦗꦪꦮꦶꦮꦶꦠ꧀ꦩꦶꦱꦃꦲꦏꦺꦭꦭꦢꦤ꧀ꦏꦏꦸꦮꦱꦤꦺꦱꦏꦥꦗꦁ꧉

ꦮꦶꦮꦶꦠꦤ꧀ꦲꦤꦤꦺꦩꦠꦫꦩ꧀

꧋ꦗꦏꦠꦶꦁꦏꦶꦂ꧈ꦏꦶꦄꦒꦼꦁꦥꦩꦤꦲꦤ꧀꧈ꦱꦸꦠꦮꦶꦗꦪ꧈ꦏꦶꦥꦺꦚ꧀ꦗꦮꦶꦢꦶꦲꦸꦠꦸꦱ꧀ꦱꦸꦭ꧀ꦠꦤ꧀ꦥꦗꦁꦏꦁꦒꦺꦴꦩ꧀ꦧꦼꦢꦃꦏꦢꦶꦥꦠꦺꦤ꧀ꦗꦶꦥꦁꦭꦤ꧀ꦏꦱꦶꦭ꧀ꦚꦶꦢꦿꦄꦂꦪꦥꦺꦤꦁꦱꦁ꧉ꦏꦶꦄꦒꦼꦁꦥꦩꦤꦲꦤ꧀ꦧꦚ꧀ꦗꦸꦂꦢꦶꦥꦫꦶꦔꦶꦧꦼꦧꦸꦔꦃꦫꦸꦥꦲꦭꦱ꧀ꦲꦶꦁꦩꦼꦤ꧀ꦠꦲꦺꦴꦏ꧀(ꦱꦲꦶꦏꦶꦕꦼꦢꦏ꧀ꦏꦸꦛꦒꦼꦝꦺ꧈ꦔꦪꦺꦴꦒꦾꦏꦂꦠ)꧉ꦭꦭꦢꦤ꧀ꦲꦭꦱ꧀ꦲꦶꦏꦶꦢꦶꦧꦧꦠ꧀ꦏꦶꦄꦒꦼꦁꦥꦩꦤꦲꦤ꧀ꦭꦤ꧀ꦧꦚ꧀ꦗꦸꦂꦢꦼꦢꦼꦏꦃꦤꦺꦁꦏꦺꦴꦤꦺꦴ꧉ꦥꦥꦤ꧀ꦲꦚꦂꦩꦻꦴꦧꦚ꧀ꦗꦸꦂꦫꦩꦺꦭꦤ꧀ꦉꦗ꧈ꦢꦶꦗꦼꦤꦼꦁꦔꦶꦩꦠꦫꦩ꧀꧈ꦠꦲꦸꦤ꧀꧇꧑꧕꧗꧕꧇ꦏꦶꦄꦒꦼꦁꦥꦩꦤꦲꦤ꧀ꦱꦺꦢ꧈ꦥꦸꦠꦿꦤꦺꦪꦲꦶꦏꦸꦱꦸꦠꦮꦶꦗꦪꦢꦶꦫꦺꦮꦔꦶꦏꦶꦗꦸꦫꦸꦩꦺꦂꦠꦤꦶꦏꦱꦶꦭ꧀ꦩ꧀ꦧꦔꦸꦤ꧀ꦤꦼꦒꦫꦕꦶꦭꦶꦏ꧀ꦩꦻꦴꦢꦝꦶꦏꦸꦮꦠ꧀ꦱꦼꦤꦗꦤ꧀ꦲꦶꦱꦶꦃꦏ꧀ꦭꦼꦧꦸꦲꦶꦁꦏꦸꦏꦸꦥꦤ꧀ꦏꦱꦸꦭ꧀ꦠꦤꦤ꧀ꦥꦗꦁ꧉ꦮꦶꦮꦶꦠ꧀ꦔ꧀ꦭꦸꦫꦲꦶꦩꦠꦫꦩ꧀‌꧈ꦱꦸꦠꦮꦶꦗꦪꦮꦶꦱ꧀ꦮꦶꦮꦶꦠ꧀ꦔꦠꦺꦴꦤꦏꦺꦒꦼꦭꦒꦠ꧀ꦧꦏꦭ꧀ꦩ꧀ꦧꦭꦺꦭꦩꦼꦚꦁꦥꦗꦁꦏꦤ꧀ꦛꦶꦲꦺꦴꦫꦠꦻꦴꦱꦺꦧꦩꦫꦁꦱꦸꦭ꧀ꦠꦤ꧀꧈ꦠꦲꦸꦤ꧀꧇꧑꧕꧘꧒꧇ꦄꦏ꦳ꦶꦫꦺꦏꦼꦢꦝꦺꦪꦤ꧀ꦥꦼꦫꦁꦲꦤ꧀ꦠꦫꦥꦗꦁꦭꦮꦤ꧀ꦩꦠꦫꦩ꧀‌꧈ꦥꦔꦸꦮꦱꦥꦗꦁꦮꦼꦏ꧀ꦠꦸꦲꦶꦏꦸꦪꦲꦶꦏꦸꦄꦂꦪꦥꦔꦶꦫꦶ꧉ꦱꦸꦠꦮꦶꦗꦪꦏꦁꦢꦶꦧꦤ꧀ꦠꦸꦥꦔꦺꦫꦤ꧀ꦧꦺꦤꦮꦏꦱꦶꦭ꧀ꦤꦼꦭꦸꦏꦏꦺꦭꦤ꧀ꦩꦭꦃꦧꦚ꧀ꦗꦸꦂꦔꦸꦏꦸꦥ꧀ꦥꦗꦁꦭꦤ꧀ꦗꦗꦲꦤꦺ꧉ꦆꦱꦶꦤꦺꦏꦢꦠꦺꦴꦤ꧀ꦢꦶꦥꦶꦤ꧀ꦢꦃꦩꦼꦚꦁꦩꦠꦫꦩ꧀ꦭꦤ꧀ꦱꦸꦠꦮꦶꦗꦪꦗꦸꦩꦼꦤꦼꦁꦤꦠꦏꦁꦏꦥꦶꦱꦤ꧀ꦩꦠꦫꦩ꧀ꦔꦤ꧀ꦠꦶꦠꦲꦸꦤ꧀꧇꧑꧖꧐꧑꧇꧉ꦱꦸꦠꦮꦶꦗꦪꦗꦼꦗꦸꦭꦸꦏ꧀ꦥꦤꦼꦩ꧀ꦧꦲꦤ꧀ꦱꦺꦤꦥꦠꦶ꧉

ꦭꦺꦒꦶꦠꦶꦩꦱꦶ

꧋ꦮꦺꦴꦁꦏꦁꦗꦸꦩꦼꦤꦼꦁꦫꦠꦸꦏꦸꦢꦸꦧꦶꦱꦲꦮꦺꦃꦧꦸꦏ꧀ꦠꦶꦢꦺꦮꦺꦏꦺꦢꦸꦮꦺꦲꦏ꧀ꦮꦶꦤꦶꦱꦸꦢꦝꦢꦶꦫꦠꦸ꧉ꦩꦸꦭꦥꦸꦱꦏꦱꦏꦥꦗꦁꦢꦶꦧꦺꦴꦪꦺꦴꦁꦩꦼꦚꦁꦩꦠꦫꦩ꧀꧈ꦱꦭꦶꦪꦤꦺꦲꦶꦏꦸ꧈ꦫꦠꦸꦏꦸꦢꦸꦢꦸꦮꦺꦢꦿꦗꦠ꧀ꦏꦼꦠꦸꦫꦸꦤꦤ꧀ꦏꦁꦭꦸꦲꦸꦂ꧉ꦩꦸꦭꦥꦫꦫꦠꦸꦲꦶꦁꦩꦠꦫꦩ꧀ꦤꦸꦭꦶꦱꦏꦺꦱꦫꦱꦶꦭꦃꦮꦼꦂꦤꦭꦺꦴꦫꦺꦴ꧈ꦪꦲꦶꦏꦸꦱꦗꦫꦃꦥꦔꦶꦮꦏꦁꦚꦫꦶꦠꦏꦏꦺꦈꦫꦸꦠꦤ꧀ꦊꦭꦸꦲꦸꦂꦩꦠꦫꦩ꧀ꦱꦩ꧀ꦧꦸꦁꦏꦫꦺꦴꦥꦫꦫꦠꦸꦲꦶꦁꦩꦗꦥꦲꦶꦠ꧀‌꧈ꦱꦶꦔꦱꦫꦶ꧈ꦏꦼꦝꦶꦫꦶ꧈ꦥꦤ꧀ꦢꦮꦭꦤ꧀ꦥꦫꦢꦺꦮꦠ꧉ꦢꦺꦤꦺꦱꦼꦗꦫꦃꦥꦤꦺꦔꦺꦤ꧀ꦚꦫꦶꦠꦏꦏꦺꦲꦸꦫꦸꦠꦤ꧀ꦱꦫꦱꦶꦭꦃꦊꦭꦸꦲꦸꦂꦩꦠꦫꦩ꧀ꦱꦩ꧀ꦧꦸꦁꦏꦫꦺꦴꦥꦫꦫꦠꦸꦲꦶꦁꦢꦼꦩꦏ꧀‌꧈ꦥꦫꦮꦭꦶꦭꦤ꧀ꦱꦩ꧀ꦧꦸꦁꦲꦶꦁꦤꦧꦶꦩꦸꦲꦩ꧀ꦩꦢ꧀꧈ꦱꦼꦗꦫꦃꦥꦔꦶꦮꦭꦤ꧀ꦥꦤꦺꦔꦺꦤ꧀ꦧꦚ꧀ꦗꦸꦂꦢꦝꦶꦱꦶꦗꦶꦲꦶꦁꦏꦶꦄꦒꦼꦁꦥꦼꦩꦤꦲꦤ꧀꧈ꦲꦤꦤꦺꦱꦫꦱꦶꦭꦃꦮꦼꦂꦤꦭꦺꦴꦫꦺꦴꦲꦶꦏꦶꦏꦁꦒꦺꦴꦔꦸꦮꦠꦏꦺꦭꦺꦒꦶꦠꦶꦩꦱꦶꦥꦫꦫꦠꦸꦩꦠꦫꦩ꧀ꦒꦼꦒꦪꦸꦠꦤ꧀ꦏꦫꦺꦴꦠꦿꦝꦶꦱꦶ(ꦥꦔꦶꦮ)ꦭꦤ꧀ꦄꦒꦩ(ꦥꦤꦼꦔꦼꦤ꧀)꧉

ꦫꦗ-ꦫꦗ

ꦩꦸꦤ꧀ꦢꦸꦫꦺꦏꦱꦸꦭ꧀ꦠꦤꦤ꧀ꦩꦠꦫꦩ꧀

꧋ꦏꦱꦸꦭ꧀ꦠꦤꦤ꧀ꦩꦠꦫꦩ꧀ꦤꦼꦩꦺꦴꦤꦶꦗꦩꦤ꧀ꦏꦼꦲꦼꦩꦱꦤ꧀ꦤꦭꦶꦏꦗꦸꦩꦼꦤꦼꦔꦺꦱꦸꦭ꧀ꦠꦤ꧀ꦄꦒꦸꦁ꧉ꦤꦔꦶꦁꦱꦥꦸꦁꦏꦸꦫꦺꦧꦚ꧀ꦗꦸꦂꦮꦶꦮꦶꦠ꧀ꦩꦸꦤ꧀ꦢꦸꦂꦤꦭꦶꦏꦲꦤꦤꦺꦥꦼꦥꦺꦫꦔꦤ꧀ꦉꦧꦸꦠꦤ꧀ꦏꦸꦮꦱꦮꦶꦮꦶꦠ꧀ꦗꦩꦤ꧀ꦄꦩꦁꦏꦸꦫꦠ꧀꧇꧒꧇꧉ꦏꦢꦠꦺꦴꦤ꧀ꦩꦠꦫꦩ꧀ꦲꦶꦁꦏꦧꦺꦢꦃꦭꦤ꧀ꦥꦶꦤ꧀ꦢꦃꦱꦏꦥ꧀ꦭꦺꦫꦺꦠ꧀‌꧈ꦏꦂꦠ꧈ꦏꦂꦠꦱꦸꦫꦭꦤ꧀ꦥꦸꦁꦏꦱꦤꦺꦔꦭꦶꦃꦆꦁꦱꦸꦫꦏꦂꦠ꧉ꦲꦤꦤꦺꦥꦼꦥꦺꦫꦔꦤ꧀ꦲꦶꦏꦶꦢꦝꦶꦭꦸꦮꦶꦃꦫꦸꦮꦼꦠ꧀ꦲꦩꦂꦒꦲꦤꦤꦺꦮ꦳ꦎꦕ꧈ꦏꦿꦩꦤꦺꦠꦿꦸꦤꦗꦪꦭꦤ꧀ꦏꦿꦩꦤꦺꦧꦁꦱꦕꦶꦤꦱꦏꦧꦠꦮ꦳ꦶꦪ꧉ꦏꦸꦏꦸꦥꦤ꧀ꦩꦠꦫꦩ꧀ꦏꦁꦮꦶꦱ꧀ꦏꦱꦶꦭ꧀ꦤꦼꦭꦸꦏꦏꦺꦧꦁꦮꦼꦠꦤ꧀(ꦱꦸꦫꦧꦪꦭꦤ꧀ꦥꦱꦸꦫꦸꦮꦤ꧀)꧈ꦢꦌꦫꦃꦥꦱꦶꦱꦶꦂꦭꦺꦴꦂꦭꦤ꧀ꦧꦁꦏꦸꦭꦺꦴꦤ꧀(ꦧꦚꦸꦩꦱ꧀)ꦲꦏꦺꦃꦏꦁꦥꦢꦔꦭꦶꦃꦢꦝꦶꦏꦸꦏꦸꦥꦤꦺꦮꦭꦤ꧀ꦝ꧉ꦏꦱꦸꦭ꧀ꦠꦤꦤ꧀ꦩꦠꦫꦩ꧀ꦧꦸꦧꦂꦤꦭꦶꦏꦲꦤꦤꦺꦥꦿꦗꦚ꧀ꦗꦺꦤ꧀ꦒꦶꦪꦤ꧀ꦠꦶꦏꦁꦚꦶꦒꦂꦩꦠꦫꦩ꧀ꦢꦝꦶꦤꦼꦒꦫ꧇꧒꧇ꦪꦲꦶꦏꦸꦏꦱꦸꦤꦤꦤ꧀ꦱꦸꦫꦏꦂꦠꦭꦤ꧀ꦏꦱꦸꦭ꧀ꦠꦤꦤ꧀ꦔꦪꦺꦴꦒꦾꦏꦂꦠ꧉

ꦕꦠꦸꦂꦱꦒꦺꦴꦠꦿ

ꦢꦼꦊꦁꦲꦸꦒ

ꦥꦿꦠꦺꦭꦤ꧀ꦫꦠꦸꦩꦠꦫꦩ꧀ꦌꦁꦒꦭ꧀

ꦏꦱꦸꦭ꧀ꦠꦤꦤ꧀ꦥꦗꦁ > ꦏꦱꦸꦭ꧀ꦠꦤꦤ꧀ꦩꦠꦫꦩ꧀ > ꦏꦱꦸꦭ꧀ꦠꦤꦤ꧀ꦪꦺꦴꦒꦾꦏꦂꦠꦭꦤ꧀ꦏꦱꦸꦤꦤ꧀ꦱꦸꦫꦏꦂꦠ

Krajan ing Jawa
0-600 (Hindu-Buddha Mataram Kuna): Salakanagara \| Tarumanagara \| Galuh \| Sundha \| Kalingga 600-1500 (Hindu-Buddha): Mataram Kuna, Kahuripan, Janggala, Pangjalu, Singhasari, Majapahit, Pajajaran, Blambangan 1500-saiki (Islam): Demak, Pajang, Banten, Cirebon, Sumedang Larang, Mataram Enggal, Surakarta, Ngayogyakarta, Mangkunagaran, Pakualaman

Artikel iki minangka artikel rintisan. Kowé bisa ngéwangi Wikipédia ngembangaké.