Sérgio Vieira de Mello

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sérgio Vieira de Mello

Sérgio Vieira de Mello (lair ing Rio de Janeiro, Brasil, 15 Maret 1948 – tilar donya ing Bagdad, Irak, 19 Agustus 2003 kanthi umur55 taun) inggih punika diplomat PBB asal Brasil ingkang kerja wonten ing PBB dangunipun langkung saking 34 taun. Piyambakipun séda wonten ing Pengeboman Hotel Canal sesarengan kaliyan anggota staf sanèsipun, wonten ing tanggal 19 Agustus 2003 siyang.[1]

Biografi[sunting | sunting sumber]

Putra satunggaling diplomat, Vieira de Mello miyos wonten ing Rio de Janeiro lan kagabung kaliyan PBB taun 1969 nalika sinau babagan filsafat lan humaniora wonten ing Universitas Sorbonne, Paris. Piyambakipun pikantuk kalih gelar doktor saking Sorbonne (1985). Piyambakipun fasih migunakaken basa Inggris, Spanyol, Italia, Prancis, lan basa Arab (pirembagan), kejawi basa ibunipun, Portugis.

Piyambakipun wiwit makarya wonten ing PBB minangka pejabat United Nations High Commissioner for Refugees (UNHCR) wonten ing kutha Jenewa nalika taun 1969. Piyambakipun makarya kaliyan para pengungsi wonten ing Bangladesh sadangunipun 'kamardikanipun' rikala taun 1971 lan wonten ing Siprus sasampuipun serangan Turki taun 1974.

Piyambakipun nelasaken 3 taun wonten ing operasi UNHCR wonten ing Mozambik sadanguning perang sadhèrèk nyusul kamardikanipun saking Portugal rikala taun 1975, lan 3 taun malih wonten ing Peru. Vieira de Mello ugi njabat minangka Duta Khusus kanggè UNHCR wonten ing Kamboja, dados wakil ingkang angka 1 lan namung satunggalipun PBB ingkang micara kaliyan Khmer Merah. Piyambakipun dados panasihat politik senior saking Angkatan Sementara PBB wonten ing Libanon antawis taun 1981 lan 1983.

Wonten ing taun 1990-an piyambakipun kagayut wonten ing pangresikan pertambangan lemah wonten ing Kamboja, lajeng wonten ing Yugoslavia. Sasampunipun kerja wonten ing babagan perkawis pengungsi wonten ing Afrika tengah, piyambakipun dipunangkat minangka asisten UNHCR taun 1996 lan piyambakipun dados Wakil Sekretaris Jenderal kanggé Koordinator Urusan Kemanusiaan lan Pertolongan[2] Darurat PBB 2 taun candhakipun. Piyambakipun nyepeng jabatan punika kanthi sesarengan kaliyan jabatan sanès rikala wulan Januari 2001. Piyambakipun minangka Duta Khusus PBB wonten ing Kosovo sasampuning kendali Serbia pungkasan saking bekas provinsi Yugoslavia taun 1999. Vieira de Mello mbiyantu wonten ing isu tiyang-tiyang prau wonten ing Hong Kong.

sadrènègipun dados Komisaris Tinggi PBB kanggé HAM rikala taun 2002, piyambakipun minangka Administrator Transisi PBB wonten ing wewengkon Timor Timur wiwit Desember 1999 dumugi Mei 2002, mandu bekas koloni Portugis punika ingkang badhé mardika piyambak saking Indonesia. Piyambakipun ugi wakil khusus wonten ing Kosovo kanggé masa awa 2 wulan lan koordinator operasi kamanungsa wonten ing markas PBB. [3]

Wonten ing wulan Mei 2003 Vieira de Mello dipunangkat minangka Wakil Khusus Sekjen PBB wonten ing Irak, pengangkatan ingkang wiwitan dipunmaksudaken namung 4 wulan. Piyambakipun makarya wonten ing jabatan punika nalika seda wonten ing pengeboman Hotel Canal.

Wonten ing saperangan lingkungan piyambakipun dipunsebutaken minangka kandidat Sekretaris Jenderal PBB. Vieira de Mello nilaraken garwa kaliyan 2 putra. Piyambakipun dipunsarekaken wonten ing Cimetière des Rois wonten ing Jenewa, Swiss.

Nalika April 2004, Sérgio Vieira de Mello dipunanugerahi 'Penghargaan Negarawan Taun Punika' déning EastWest Institute [1] kanthi anumerta, think-tank Transatlantik ingkang ngatur Konferensi Keamanan taunan wonten ing Brussels [2].

Buku-buku[sunting | sunting sumber]

  • Jean-Claude Buhrer et Claude B. Levenson, Sergio Vieira de Mello, un espoir foudroyé. – Paris : Mille et une nuits, 2004. – 199 p., 20 cm. – ISBN 2-84205-826-7 .
  • George Gordon-Lennox et Annick Stevenson, Sergio Vieira de Mello : un homme exceptionnel. – Genève : Éditions du Tricorne, 2004. – 143 p., 25 cm. – ISBN 2-8293-0266-4. – En appendice, choix de textes de Sergio Vieira de Mello.
  • Jacques Marcovitch - USP - Sérgio Vieira de Mello - pensamento e memória. 1 Edição | 2004 | Brochura 344p. | Cód.: 167075 | ISBN 853140867 (pt)
  • Satunggaling wartawan Amerika Serikat, Samantha Power, sakmenika saweg nyerat biografi politik Sergio Vieira de Mello. 2006.

Cathetan Suku[sunting | sunting sumber]

Pranala Njaba[sunting | sunting sumber]

Wawancara[sunting | sunting sumber]

Didhisiki déning:
Yasushi Akashi (Jepang)
Wakil Sekretaris Jenderal untuk Urusan Kemanusiaan
dan Koordinator Pertolongan Darurat

1998–2001
Diganti déning:
Kenzo Oshima (Jepang)
Didhisiki déning:
Mary Robinson
(1997–2002)
Komisaris Tinggi PBB untuk Hak Asasi Manusia
2002–2003
Diganti déning:
Bertrand Ramcharan (2003-2004) Louise Arbour (2004)
Didhisiki déning:
Nicolau dos Reis Lobato (Presiden nominal Timor Timur) 1978
Administrator PBB di Timor Timur
1999–2002
Diganti déning:
Xanana Gusmão sebagai Presiden Timor Leste