Bangkok

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bangkok
กรุงเทพมหานคร
Krung Thep Maha Nakhon
Clockwise from top left : Wat Phra Kaew, BTS Skytrain, Sathon Financial District Skyline, Wat Arun, Democracy Monument, Patung Rama VI, Tuk-Tuk, Jembatan Rama VIII, MBK Center

Flag

Seal
Coordinates: 13°45′8″N 100°29′38″E / 13.75222°N 100.49389°E / 13.75222; 100.49389Koordinat: 13°45′8″N 100°29′38″E / 13.75222°N 100.49389°E / 13.75222; 100.49389
Negara Thailand
Dibentuk Periode Ayutthaya
Dibentuk dadi ibu kutha 21 April 1782
Pamaréntahan
 • Type Dhaérah administratif khusus
 • Governor M.R. Sukhumbhand Paribatra
Wewengkon
 • City 1.568,737 km2 (605,693 sq mi)
 • Metro 7.761,50 km2 (299,670 sq mi)
Populasi (Januari 2010)
 • City 9.100.000
 • Kapadhetan 5.801/km2 (15,020/sq mi)
 • Metro 11.971.000
 • Metro density 1.542,36/km2 (399,470/sq mi)
 • Demonym Bangkokian
Zona wektu Thailand (UTC+7)
Kodhe tilpun +66-2
ISO 3166-2 TH-10
Website http://city.bangkok.go.th

Bangkok (basa Thailand: กรุงเทพฯ, กรุงเทพมหานคร, utawa Krung Thep, Krung Thep Maha Nakhon)(Swara กรุงเทพมหานคร) iku ibu kutha lan kutha paling gedhé ing Thailand. Kutha iki dumunung ing gisik kulon Kali Chao Phraya, cedhak Teluk Thailand.

Bangkok iku salah siji kutha kanthi perkembangan paling pesat, kanthi ékonomi sing dinamis lan kemasyarakatan sing progresif ing Asia Kidul-wétan. Kutha iki isih ngembang dadi pusat regional sing bisa nyaingi Singapura lan Hong Kong, nanging isih nduwèni masalah jroning sèktor infrastruktur lan sosial minangka akibat perkembangané sing pesat. Bangkok wis suwé dadi gerbang mlebu tumrap penanam modal manca sing kepingin golèk pasar anyar ing Asia. Kutha iki uga kacathet minangka salah siji kutha ing donya kanthi laju penambahan konstruksi gedhong pencakar langit paling cepet. Sugih situs-situs budaya agawé Bangkok minangka salah siji tujuwan wisata paling populèr ing donya.

Propinsi Bangkok wewatesan karo enem propinsi liya: Nonthaburi, Pathum Thani, Chachoengsao, Samut Prakan, Samut Sakhon lan Nakhon Pathom.

Sajarah[sunting | sunting sumber]

Kutha Bangkok (Swara บางกอก) biyèn arupa sawijining pusat perdagangan cilik lan plabuhan ing gisik Kulon kali Chao Phraya nglayani Krajan Ayuthhaya, perintis Thailand modhèrn sing jaya wiwit taun 1350 nganti 1767. Ana kaprecayan yèn jeneng Bangkok asal saka Bang Makok, Bang sebutan jroning basa Thailand bagian Tengah kanggo kutha utawa desa sing berlokasi ing tepian kali, lan Makok (มะกอก) iku jeneng jroning basa Thailand tumrap Spondias pinnata, Spondias mombin utawa Elaeocarpus hygrophilus (tanduran sing ngasilaké woh kaya woh olive), utawa Bang Koh, Koh tegesé "pulo", ngarujuk marang sawijining wilayah sing kaukir déning kali-kali lan kanal-kanal.

Sawisé runtuh Ayutthaya déning Krajan Burma ing taun 1767, raja anyar, Raja Taksin ngadegaké ibu kutha anyar, Thonburi, ing wilayah sing saiki minangka bagéan saka kutha Bangkok. Nalika mangsa pamaréntahan Taksin rampung ing taun 1782, Raja Buddha Yodfa Chulaloke mbangun manèh ibu kutha ing sisih wétan kali lan maringi jeneng resmi upacara (ceremonial name) Krung Thep Mahanakhon Amon Rattanakosin Mahinthara Yuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit lan banjur dicekak dadi jeneng resmi saiki, Krung Thep Maha Nakhon. Nanging, kutha anyar kasebut uga mèlu nampa jeneng Bangkok, sing terus dipigunakaké déning wong-wong manca kanggo nunjuk marang kabèh wilayah kutha lan dadi jeneng resmi jroning Basa Inggris, déné jroning Basa Thailand jeneng Bangkok tetep mung nuduhaké kutha tuwa ing pinggir kulon kali. Kutha kasebut wiwit wektu kuwi wis dimodhèrnaké lan ngalami akèh owah-owahan, kalebu pangenalan transportasi lan infrastruktur ing mangsa pamaréntahan Raja Mongkut lan Raja Chulalongkorn, lan banjur dadi pusat perékonomian Thailand.

Jeneng pepak[sunting | sunting sumber]

Jeneng pepak resmi Kutha Bangkok (jeneng pemberian) sing diparingaké déning Raja Buddha Yodfa Chulaloke, lan banjur diralat déning Raja Mongkut, iku Krung Thep Mahanakhon Amon Rattanakosin Mahinthara Yuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit (กรุงเทพมหานคร อมรรัตนโกสินทร์ มหินทรายุธยามหาดิลกภพ นพรัตน์ราชธานี บุรีรมย์อุดมราชนิเวศน์มหาสถาน อมรพิมานอวตารสถิต สักกะทัตติยะวิษณุกรรมประสิทธิ์, Swara listen). Jeneng iki dumadi saka kombinasi rong basa kuna India, Pali lan Sansekerta. Sawisé romanisasi basa iki, jeneng kasebut pranyata kuduné ditulis Krung-dēvamahānagara amararatanakosindra mahindrayudhyā mahātilakabhava navaratanarājadhānī purīrāmasya utamarājanivēsana mahāsthāna amaravimāna avatārasthitya shakrasdattiya vishnukarmaprasiddhi, sing tegesé "Kutha malaikat, kutha gedhé, kutha inten abadi, kutha Dewa Indra sing ora goyah, ibu kutha agung donya sing dikaruniai sanga watu permata aji, kutha kabagjan, kanthi Istana Krajan sing gedhé banget sing mèmper surga ing ngendi pamaréntahan iku minangka reinkarnasi déwa-déwa, sawijining kutha sing diparingaké déning Indra lan dibangun déning Wisnu".

Sekolah-sekolah lokal miwulangaké jeneng pepak kutha iki, senadyan mung sethithik sing bisa njelasaké maknané amarga akèh tembung kuna lan saiki wis ora dianggo manèh jroning basa lisan, uga ora diweruhi déning wong biasa. Akèh-akèhé wong Thailand sing éling jeneng lengkap kutha iki saka panggunaan jeneng kasebut jroning sawijining lagu populèr Krung Thep Mahanakhon (1989) déning Asanee-Wasan Chotikul lan kerep disebutaké sinambi nembangaké lagu iki bebarengan.

Jeneng pepak Bangkok wis kadhaptar jroning Guinness Book of Records minangka jeneng panggonan paling dawa ing donya. [1]

Geografi[sunting | sunting sumber]

Topografi lan Iklim[sunting | sunting sumber]

Bangkok
Climate chart (panjlasan)
J F M A M J J A S O N D
 
 
9
 
32
21
 
 
30
 
33
23
 
 
29
 
34
25
 
 
65
 
35
26
 
 
220
 
34
26
 
 
149
 
33
25
 
 
155
 
33
25
 
 
197
 
33
25
 
 
344
 
32
25
 
 
242
 
32
24
 
 
48
 
32
23
 
 
10
 
31
21
Suhu rata-rata max. lan min. jroning °C
presipitasi total jroning mm
source: World Meteorological Organisation [2]

Dhaérah administratif khusus Bangkok nyakup wilayah sing jembaré 1.586,7 km², saéngga dadi propinsi paling gedhé ka 68 ing Thailand. Sebagéan gedhé wilayah kasebut dianggep minangka bagéan saka kutha Bangkok, andadèkaké Bangkok minangka salah siji kutha paling gedhé ing donya. [rujukan?] Kali Chao Phraya, sing mbentang dawané 372 km, iku fitur geografis utama ing Bangkok. Lembah Kali Chao Phraya, wilayah-wilayah ing saubengé Bangkok, lan propinsi-propinsi paling cedhak madeg ing sadhuwuring lahan dhataran cendhèk lan delta-delta kali sing tumuju menyang Tanjung Bangkok watara 30 km ing sisih kidul pusat kutha. Kondhisi iki sing nyebabaké anané sebutan “Venice saka Wétan” tumrap kutha Bangkok amarga akèh kanal-kanal lan saluran-saluran banyu sing mérang wilayah kutha Bangkok dadi tanah cilik-cilik sing kapisah-pisah. Biyèn, kanal-kanal kasebut dipigunakaké minangka tapel wates antara distrik siji karo distrik sing liyané.

Ananging, sairing karo tuwuhing kutha ing tengahan abad ka 20, pembagéan dhaérah adhedhasar kanal-kanal kasebut ditinggalaké lan sistem tapel wates anyar sing béda dipatrapaké. Bangkok dumunung watara rong mèter ing sadhuwuring lumahé segara, sing nyebabaké masalah banjir ing mangsa rendheng (monsoon). Kerep kedadéyan sawisé udan deres, banyu kali lan kanal-kanal lubèr lan nyebabaké banjir gedhé. Pamaréntahan Metropolitan Bangkok (BMA) saiki wis masang penghalang ing sadawaning kanal kanggo nyegah lubèran banyu saka kanal-kanal kasebut.

Bangkok nduwèni iklim monsoon tropis adhedhasar sistem klasifikasi iklim Koppen. Suhu rata-rata ing Bangkok arupa sing paling dhuwur ing donya [rujukan?]. Suhu rata-rata ing Bangkok iku watara 2 °C luwih dhuwur tinimbang sing disebutaké ing Bandhara Don Muang sajroning période taun 1960-1990. Suhu paling panas yaiku 40.8 °C lan suhu paling adhem 9.9 °C. Suhu paling adhem kacathet kedadéyan ing sasi Januari 1924, Januari 1955, Januari 1974 lan Desember 1999. Ing sasi Desember 1999, suhu ing wanci awani mung nganti 22.3 °C. Udan badai (hailstorms) arang ana ing Bangkok, mung kacathet kedadéyan sepisan jroning 50 taun pungkasan. Cithakan:Bangkok weatherbox

Monumen Demokrasi Bangkok ing Pulo Rattanakosin, Salah siji wilayah mawa sajarah ing Bangkok

Hubungan internasional[sunting | sunting sumber]

Kutha kembar[sunting | sunting sumber]

Bangkok nduwèni sawetara kutha kembar yakuwi:

Galeri Gambar[sunting | sunting sumber]

Kedutaan Besar Republik Indonesia ing Bangkok
Concourse D Bandara Internasional Suvarnabhumi Bangkok
Polusi ing Bangkok
Bangkok Skytrain
Wat Arun ing tepian kali Chao Phraya, Bangkok, Thailand.
Siam Paragon-Bangkok, salah siji pusat perbelanjaan terbesar ing Asia.


Deleng uga[sunting | sunting sumber]

Rujukan[sunting | sunting sumber]

Pranala njaba[sunting | sunting sumber]

Golèki Bangkok ing proyèk-proyèk wiki Wikimedia liyané:
Wiktionary-logo-en.png Dhéfinisi kamus
Wikibooks-logo.svg Buku tèks
Wikiquote-logo.svg Kutipan
Wikisource-logo.svg Tèks sumber
Commons-logo.svg Gambar lan médhia

Wikivoyage   Pirsani pandhuan wisata Bangkok ing Wikivoyage

Wikipedia
Artikel punika, artikel dhasar ingkang kedah dipundarbèni sadaya basa.
Sumber artikel punika saking kaca situs web: "http://jv.wikipedia.org/w/index.php?title=Bangkok&oldid=879865"