Wadhuk Malahayu

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Wadhuk Malahayu mapan wonten ing Désa Malahayu, Kacamatan Banjarharjo, Kabupatèn Brebes, Jawa Tengah. Kirang langkung 6 km saking Banjarharjo utawi 17 km saking Tanjung. Wiyaripun kawasan punika kirang langkung 944 hektar lan kabangun nalika taun 1930 déning kolonial Walanda.

Fungsi[besut | besut sumber]

Waduk Malahayu punika ginanipun kanggé sarana irigasi lahan tetanèn wewengkon Kacamatan Banjarharjo, Kersana, Ketanggungan, Losari, Tanjung, lan Bulalakamba. Kajawi punika waduk mau piranti minangka ngontrol banjir saha dipuginakaken kanggé papan rekreasi.Wonten ing Waduk Malahayu punika gadhah sesawangan alam pagunungan ingkang éndah, sakiwa tengenipun wonten wit jati ingkang amba lan dipun-ginakaken kanggé bumi perkemahan saha wana wisata.

fasilitas[besut | besut sumber]

fasilitas ingkang dipunsameptakaken ing komplèks wisata Waduk Malahayu punika antawisipun:

Nalika wanci Idul Fitri dipunwontenaken Pentas Wisata kanthi pentas orkès Melayu utawi dangdut minangka hiburan. Kajawi punika wonten Sedekah waduk ingkang kalaksanan déning warga mriku nalika dinten riyaya.

Mitos[besut | besut sumber]

Mitos ingkang wonten ing masarakat ing mriku punika bilih pasangan pengantèn énggal wajib mbasuh praupan nganggé toya waduk. Konon, pasangan ingkang nglampahi ritula punika bakal langgeng anggènipun kulawargan. Awit saking punika, nalika wonten pengantèn énggal asring dugi dhateng waduk mau. Ingkang unik, wonten ugi ingkang dugi taksih ngginakaken busana pengantèn kanthi iringan tiyang kathah. Tradisi punika dipunpitadosi kejawi babagan langgeng ugi minangka tolak bala.