Wadhuk Gajah Mungkur

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Disambig variants icon.svg
Wadhuk Gajah Mungkur
Gajah Mungkur dam.jpg
Waduk Gajah Mungkur
Negara Indonésia

Wadhuk Gajah Mungkur ya iku wadhuk kang mbendhung kali Bengawan Sala lan dunungé 3 km sisih kidul kabupatèn Wanagiri, Provinsi Jawa Tengah.[1]

Kanggo agawé wadhuk iki, kang ndunungi 51 désa, utawa kurang luwih 12.157 kepala kulawarga lan 67.157 jiwa, nglakokaké transmigrasi bedhol désa menyang Sumatra Kulon (Sitiung), Jambi (Jujuhan, Rimbo Bujang, Alai Ilir, Pemenang), Bengkulu (Air Lais, Sebelat, Ketahun, Ipuh), lan Sumatra Kidul (Panggang, Baturaja).[2]

Wadhuk Gajah Mungkur iki mligi ngairi sawah masarakat ing laladan Sukoharjo, Klaten, Karanganyar lan Sragen.[1]

Kapasitas[besut | besut sumber]

Wadhuk Gajah Mungkur iki ambané kurang luwih 8.800 ha ing 7 kacamatan. Wadhuk iki uga kanggo tandhon banyu kanggo masarakat lan ngasilaké listrik saka PLTA kang gedhéné 12,4 MégaWatt.[1] Wadhuk iki bisa ngairi sawah kang ambané 23.600 ha ing laladan Sukoharjo, Klaten, Karanganyar lan Sragen.[1] Wadhuk kang wiwit operasi taun 1978 iki sajatiné dirancang bisa nganti umur 100 taun.[2] Nanging ing taun 2007, wis akèh eneban blethok anuwuhaké rasa tidha-tidha apa wadhuk iki bisa tahan nganti 100 taun.[2]

Rékréasi[besut | besut sumber]

Wadhuk Gajah Mungkur uga kanggo panggonan rékréasi kang ora kalah karo panggonan rékréasi liyané.[1] Ing wadhuk Gajah Mungkur iki nyediakaké prau kanggo ngubengi wadhuk.[1] Kajaba iku uga bisa kanggo panggonan mancing.[1] Ing Wadhuk Gajah Mungkur uga ana ulah raga layang gantung utawa gantolé.[1] Uga ana taman rékréasi sendhang kang panggonané ana ing 6 km arah kidul Kutha Wanagiri.[1] Ing wadhuk Gajah Mungkur iki uga ana sawijining tugu pèngetan wujud reca bedhol désa kang dumunung ing taman rékréasi, dadi seksi pangurbanan para warga désa kang transmigrasi bedhol désa menyang Sumatra.[2]

Kaanan saiki[besut | besut sumber]

Ing mangsa katiga, banyuné wadhuk mung sithik, saéngga pérangan pinggiré wadhuk bisa asat.[2] Amerga iku, pérangan pinggir wadhuk kang asat dimupangataké masarakat kanggo nandur jagung.[2] Ing pungkasan taun 2006 ing mangsa katiga, lumahing banyu wadhuk mudhun saéngga dadi dalan kang ngubungaké kutha kacamatan Eromoko karo Baturetno.[2]

Cathetan suku[besut | besut sumber]

  1. a b c d e f g h i Bendungan Gajah Mungkur Kini, Hak cipta © 2007-2011 TeamTouring. Dipuntingali tanggal 4 Juni 2011.
  2. a b c d e f g Waduk Gajah Mungkur Wonogiri Kota Gaplek, Hak cipta © 2010 www.thiwol.com. Dipuntingali tanggal 6 Juni 2011.

Pranala njaba[besut | besut sumber]