Trawèh

Saka Wikipédia Jawa, bauwarna bébas abasa Jawa
(Dilih saka Tarawih)
Jump to navigation Jump to search
Kahanan kasiapan salat trawèh ing wulan suci Ramelan ana Masjid al-Haram Mecca

Salat Trawèh (uga karan terawèh utawa tarawèh) iku Salat Sunat kang diayahi mligi mung ing sasi pasa. Trawèh sajeroning basa Arab iku wangun jama’ saka تَرْوِيْحَةٌ kang tegesé "wektu sesaat kanggo istirahat". Wektu salat sunat iki ya iku sawisé isya', racaké diayahi kanthi jama'ah ing masjid. Rasulullah Shallallahu 'alaihi wa Sallam mung naté ngayahi salat iki kanthi jama'ah kaping telu. Disebutaké yèn Rasulullah Shallallahu 'alaihi wa Sallam ora mbanjuraké ing wengi-wengi saterusé amarga wedi yèn bab iki banjur dadi kewajiban ummat muslim.

Raka'at Salat[besut | besut sumber]

Ana sawetara praktèk ngenani gunggung rakangat lan salam sajeroning salat trawèh, ing mangsa Rasulullah Shallallahu 'alaihi wa Sallam gunggung rakangat ana 8 rakangat ditambah 3 rakangat witir. Lan ing jaman khalifah Umar dadi 20 rakangat ditambah 3 rakangat witir. Déné salam lumrahé saben rong rakangat nanging ana uga kang salam saben patang rakangat.

Niat Salat[besut | besut sumber]

Niat salat punika, padha uga karo salat-salat kang dilavalake kaya salat liyané ya iku cukup diucapake ing sajeroning ati, uga kang paling utawa ya iku niyat amarga Gusti Allah Ta'ala kanthi ati kang ikhlas lan duwé pengarep lan ngarepake Ridho Gusti kang maha agung lan welas asih, niyat uga bisa diucapake kanthi swara lirih utawa alon, kanthi jangkep, niyat salat trawèh 2 rakangat ya iku:

َأُصَلِّى سُنَّةَ التَّرَاوِيحِ رَكْعَتَيْنِ مَأْمُومًا/إِمَامًا للهِ تَعَالَى
َUshalli sunnatat taraawiihi rak'ataini (ma'muman/imaaman) lillahi ta'aalaa.

ARTINÉ: " Aku niyat Salat Trawèh loro rakangat (dadi makmum/imam) amarga Allah Ta'ala"

Utawa:

َأُصَلِّى سُنَّةَ التَّرَاوِيحِ رَكْعَتَيْنِ للهِ تَعَالَى

"Usholli sunnatattarowihi rok'ataini lillahi ta'ala"

Artiné: " Aku niyat Salat Trawèh loro rakangat amarga Allah Ta'ala"

Kahanan kaya mengkené, uga bisa dilakonijroning cara-cara liya kaya ta nindakaké salat Trawèh, kathi formasi 2 kaping 2 ugi 4 rakangat.Ditindakake saben rakangat pungkasan sapisan salam saben rampung nindakake4 rakangat. Nindakake salat trawèh kudu migunakaké niyat salat trawèh, kang kudu dibabarake nganggo imbuan "arbaa raka'ataini".

Rujukan[besut | besut sumber]