Pudhing

Saka Wikipédia Jawa, bauwarna bébas abasa Jawa
Pudhing Natal
Pudhing pelem

Pudhing ya iku jeneng kanggo werna-werna hidhangan panutup kang umumé digawé saka bahan-bahan kang digodhog, dikukus, utawa dipanggang.[1] Istilah pudhing uga dianggo ing werna-werna jinis pai kang isiné lemak kéwan, daging, utawa woh-wohan kang dipanggang.[1]

Pudhing kang bahan dhasaré susu (yogurt), glepung maizéna, tapioka, utawa endhog kang dipangan kanthi diademaké dhisik.[1] Pudhing kaya ngéné iki rasané legi kanthi bahan campuran kayata coklat, karamél, vanila, utawa woh-wohan.[1] Pudhing ager-ager digawé kanthi myampuraké ager-ager karo susu, glepung maizena, utawa endhog kang dikocok.[1] Pudhing ager-ager kerep dipangan karo saos. Saos pudhing iki diarani vla. Tepung puding instan luwih gampang nalika digawé pudhing awit mung dicampur karo susu utawa banyu panas lan dijarké nganti adhem lan kenyal.[1] Ing Indonésia ana werna-werna pudhing kang rasané tradhisional.[1] Pudhing iki biyasané nggunakaké klapa nom, gula abang, tapè, ketang ireng, utawa campuran godhong suji lan godhong pandhan.[1] Woh-wohan kang dianggo nggawé pudhing kayata jeruk, nanas, sirsak, mangga, utawa markisa.[1]

Asal-usul[besut | besut sumber]

Pudhing asalé saka basa Perancis, boudin kang tegesé "sosis darah", saka basa Latin, botellus kang tegesé "sosis cilik". Istilah pudding digunakake Èropa abad pertengahan kanggo jinis hidhangan kang digawé saka daging kang dibungkus.[2] Ora kabéh pudhing rasané legi.[2] Kayata suet pudding (puding lemak) ya iku jinis pudhing kang isiné daging sapi kang dibungkus adonan pai saka trigu kang dicampur lemak wedhus gibas utawa lemak sapi.[2]

Ing Britania Raya, istilah pudding kerep digunakaké kanggo hidhangan panutup kang digawé saka endhog lan glepung kang dimasak kanthi cara dikukus, digodhog utawa dipanggang.[2]

Chatetan suku[besut | besut sumber]

  1. ^ a b c d e f g h i (id)wartakota.co.id(dipunundhuh tanggal 29 Juni 2011)
  2. ^ a b c d (en) Sejarah puding foodtimeline.org(dipunundhuh tanggal 29 Juni 2011)

h


Sumber artikel punika saking kaca situs web: "https://jv.wikipedia.org/w/index.php?title=Pudhing&oldid=986915"