Paitan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Jamu Gendhong

Paitan (basa Indonésia: Pahitan) ya iku jamu kang dimanfaataké kanggo warna-warna lelara kang ana ana ing awak, nanging luwih diutamakaké kanggo lelara gatel-gatel karo kencing manis [1]. Ana ing masayarakat, pahitan kalebu jamu gendong. saliyané paitan ana jamu kunir asem, jamu sinom, jamu cabe puyang, jamu beras kencur, jamu kunci suruh, jamu kudu laos lan jamu uyup-uyup utawa gepyokan.[2] Pahitan iku kalebu ombèn-ombèn obat tradhisional Jawa kang turun-temurun saka jaman Majapahit [3].

Diralat dening NN, Malang

Bahan-bahané Jamu Paitan[besut | besut sumber]

Bahan utama saka jamu iki ya iku sambiloto, racikanné bisa namung sambiloto, nanging bisa ugi ditambahi bahan-bahan liya kang rasané ya padha paité kaya ta bratawali, widara laut, dara putih ugi babagan pule [4] Nanging ana para tukang jamu liyan kang nambahi empon-empon (oyot-oyotan kang biyasa kanggo bumbu masak) kaya ta kencur, Jaé, bangle, temugiring, kunir, temulawak.

Khasiaté Jamu Paitan[besut | besut sumber]

Ora mung lelara gatel-gatel lan kencing manis, jamu iki bisa kanggo lelara liya, kaya ta[5]:

  1. cuci darah
  2. kurang napsu mangan
  3. ngilangke mambu awak
  4. ngedunke kolesterol [6]
  5. weteng kembung utawa sèbah
  6. jerawat
  7. pegèl-pegèl lan
  8. mumet
Racikan jamu pahitan [7]
No. Kasiat Bahané
01. Gatel-gatel pule, kedawung, widara laut, sambiloto, adas
02. Gatel-gatel, kencing Manis pule, sambiloto, widara putih
03. Gatel, kencing manis sambiloto, empon-empon komplit
04. Gatel-gatel, Nambah napsu mangan sambiloto
05. Gatel-gatel mambu awak ora énak bratawali, sambiloto
06. Cuci darah ramuan + imbo, sambiloto
07. medunké kolesterol, cuci darah bratawali, sambiloto
08. Awak mambu, gatel-gatel sambiloto
09. Gatel-gatel, weteng sebah sambiloto
10. Gatel-gatel pule kang wis dibabak, bratawali, sambiloto
11. Kencing manis, gatel-gatel, jerawat bratawali, sambiloto, pule kang wis dibabak

Carané Gawe Jamu Paitan[besut | besut sumber]

Carane nggawé jamu iki ya iku [8]:

  • godok bahané kabèh nganti banyu godokan mung gari setengahe, maksude supaya zat berkhasiat saka bahan-bahan mau bisa larut ing banyu godokan.
  • banyu godokan kalamau wis bisa didadèkaké obat.

Khusus jamu paitan iki, ora diwènèhi gula atawa bahan pemanis liya. kanggo ngilangké rasa pahit,konsumèn ngombé jamu gendong liya kang duwé rasa kang manis tinuli seger kaya ta jamu sinom atawa kunir asem.

Cithakan:Bumbon crakèn

Cathetan suku[besut | besut sumber]

  1. http://jamumanjur.com/jamu/jamu-jamu dipununduh tanggal 03 April 2011
  2. http://www.tempo.co.id/medika/arsip/052001/art-1.htm (dipununduh tanggal 03 April 2011)
  3. http://jamu-herbal.com/sejarah-jamu.html (dipununduh tanggal 03 April 2011)
  4. Herbal Mitra dipununduh tanggal 03 April 2011
  5. http://forum.tabloidnova.com dipunnunduh tanggal 03 April 2011
  6. Natural Therapy Center dipunnunduh tanggal 03 April 2011
  7. http://www.iptek.net.id/ind/pd_olah_pangan/?ch=olpa&hal=1 dipununduh tanggal 03 April 2011
  8. Jaringan Herbal dipununduh tanggal 03 April 2011