Sawi

Sawi ya iku sayuran kang kalebu marga Brassica. Godhong lan kemban wi digunakake dadi bahan pangan ya iku dadi sayuran. Sawi dipangan nalika isih seger. Kena uga diolah utawa dimasak. Sawi iku kalebu spesies Brassica kang padha siji lan sijiné.

Ing Indonésia istilah sawi biyasané nyebutaké sawi ijo ya iku Brassica rapa saka kelompok parachinensis. Sawi ijo nduwéni jeneng liya ya iku sawi bakso, caisim, utawa caisin. Sawi ijo uga nduwéni khasiat kanggo nyegah kanker. Saliyané sawi ijo ana uga jinis sawi liyané kayata sawi putih. Sawi putih kalebu kalompok pekinensis utawa petsai. Sawi putih biyasané digawé sop utawa diolah dadi asinan. Ana uga sawi sayur kang rada mirip karo sawi ijo. Jinis liyané ya iku Kailan utawa Brassica oleraceae saka kelompok alboglabra. Sawi jinis iki ya iku sayuran godhong kang nduwéni godhong kang kandel. Sawi jinis iki cocog kanggo dadi bahan campuran mi goréng. Ana uga kang diarani sawi sendok utawa pakcoy utawa bok choy. Sawi jinis iki kalebu sawi kang wiwit dingertèni ing Indonésia.

Sawi cocog ditandur ing dhaérah kang nduwéni suhu antarané 23-35oC lan lembap kang dhuwur. Sawi ora bisa urip ing panggoan kang akèh udan, awit udan bisa ngurak godhong sawi lan nggawé èlèk kualitas sawi. Nggunakaké omah kanggo njaga sawi saka udan utawa struktur kang jaring-jaring bisa kanggo ngurangi èfèk udan ing wit sawi. Yèn nandur sawi, lemah kang dikanggoake nandur kudu dipacul nganti 15-20 cm. Banjur wates kang ukuran ambané 1,2 meter, dawané 7,5 mèter lan dhuwuré 20-30 cm.