Karaté

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Karatedo.svg
Karate
(空手)
Hanashiro Chomo.jpg
Hanashiro Chomo
Nama sanés Karate-dō (空手道)
Fokus Striking
Tingkat kekerasan Kontak penuh
Saking negeri Flag of Jepang Japan (Ryukyu Islands lan [[Seni

bela diri Cina]] kenpō lan salajengipun dipunkembangaken ing Jepang)

Pangripta Sakukawa Kanga; [[Sokon

Matsumura|Matsumura Sokon]]; Itosu Anko; [[Gichin Funakoshi]]

Seni pendahulu Seni bela diri China, Seni bela diri asli saking

Ryukyu Islands (Naha-te, Shuri-te, Tomari-te)

Olahraga Olimpiade Tidak

Karaté (空 手 道) inggih menika salah satunggalipun olahraga saking negeri Jepang.[1] Wiwitanipun karaté nggadhahi nami Tote ingkang tegesipun tangan China.[1] Nanging seratan Tote dipunowahi ing seratan Kanji Jepang dados karaté.[1] Tegesipun karaté inggih punika tangan kosong. Kara tegesipun tangan, te tegesipun kosong.[1]

Sejarahipun Karaté[sunting | sunting sumber]

Ilmu bela dhiri menika sejatosipun sampun wonten awit manungsa wonten, perkawis menika saged dipuntingali saking peninggalan purbakala kadosta: kapak watu, lukisan kéwan ingkang dipunpejahi ngangge gaman kados tumbak lan panahan.[2] Bela dhiri ing wekdal menika taksih nggadhahi sifat kangge njagi saking gagguanipun kéwan. [2] Nanging wiwit kathahipun tiyang ing donya, gangguan saking manungsa ugi wonten saengga kathah tiyang ingkang minat ngudi èlmu bela dhiri.[2] Sampun kasebat ing 4000 taun kepengker, sasampunipun Sidhartha Gautama seda, lajeng para pandherekipun pikantuk amanat supados ngrembakaken agama Budha ing alam donya.[2] Ananging amargi saking angelipun medhan, lajeng para pendheta dipunparingi sangu ilmu bela dhiri.[2] Misi nyebaraken agami Budha dhateng arah kilen ndherek ngrembakaken èlmu Pangkration utawi Wrestling ing Yunani.[2] Misi ingkang dhateng kidul ngrembakaken pencak silat.[2] Ingkang dhateng ler njelajahi negeri China ngrembakaken kungfu.[2] Saking negeri China rombongan ingkang dhateng Korea ngasilaken bela dhiri ingkang samenika dipunsebat Taekwondo.[2] Saking Korea pranyata rombongan menika boten saged nglajengaken lampah dhateng negeri Jepang, namung dumugi kepulauan Okinawa.[2] Rombongan boten saged mlebet Jepang amargi ing wekdal menika Jepang sampun ngrembakaken ilmu bela dhiri Jujitsu, Judo, Kendo, lan èlmu perang utawi Kenjutsu.[2] Ing taun 1600-an, Krajaan Jepang sampun nguwasani Okinawa.[2] Kerajaan Jepang mrentah Okinawa kanthi tangan wesi, warganipun boten kepareng nggadhahi gaman utawi sanjata tajam, ngantos boten angsal nggadhahi tongkat.[2] Kanthi boten dipunmangertosi dening pihak pamarentah kerajaan Jepang, bangsa Okinawa nyinaoni èlmu bela dhiri kanthi tangan kosong ingkang ing wekdal menika dipunparingi asma Tote.[2] Saking setunggal teknik ngantos teknik sanesipun, èlmu bela dhiri menika dipunsinaoni kanthi temen lan para pendheta ndherek ngrembakaken èlmu bela dhiri menika.[2] Salajengipun ing taun 1921 salah satunggalipun warga Okinawa ingkang asmanipun Gichin Funakoshi nepangaken èlmu bela dhiri saking TOTE menika ing Jepang, lajeng naminipun dipungantos dados nami karaté, manut kaliyan aksen Jepang wonten ing cara maosipun huruf Kanji.[2] Awit ing wekdal menika karaté ngrembaka ing Jepang.[2]

Sumangga dipunpirsani[sunting | sunting sumber]

Karaté ing Indonésia

Cathetan suku[sunting | sunting sumber]

  1. ^ a b c d Jadi Jagoan Karate (dipunakses ing tanggal 8 Juni 2011)
  2. ^ a b c d e f g h i j k l m n o p q SEJARAH KARATE & FORKI (dipunakses ing tanggal 8 Juni 2011)
Sumber artikel punika saking kaca situs web: "http://jv.wikipedia.org/w/index.php?title=Karaté&oldid=830583"