Judo

Saka Wikipédia Jawa, bauwarna bébas abasa Jawa
Judo
(柔道)
Jigoro Kano and Kyuzo Mifune.jpg
Kyuzo Mifune (l) lan Jigoro Kano (r).
Fokus Grappling
Saking negeri Jepang Japan
Pangripta Kanō Jigorō
Seni pendahulu Various koryū jūjutsu schools, principally Tenjin Shin'yō-ryū and Kito-ryū
Olahraga Olimpiade Wiwit taun 1964[1] (jaler) lan 1992[2] (estri)

Judo (basa Jepang: 柔道 ) inggih punika seni bela dhiri, ulah raga, lan filosofi ingkang asalipun saking filosofi Jepang.[3] Judo dipunkembangaken saking seni bela dhiri kuno Jepang ingkang kasebat Jujutsu.[3] Jujutsu ingkang tegesipun seni bertahan lan seni nyerang kanthi ngginakaken tangan kosong utawi ngagem gaman ingkang cendhak.[3] Jujutsu dipunkembangaken saengga dados Judo inggih awit karyanipun Kano Jigoro (嘉納治五郎) ing taun 1882.[3] Ulah raga punika dados modhel saking seni bela dhiri Jepang gendai budo, ingkang dipunkembangaken saking sekolah (koryu).[3] Paraga utawi pemain judo dipunsebat kanthi nami judoka.[3] Sapunika Judo sampun dados salah satunggalipun cabang béla dhiri ingkang misuwur, lan ugi sampun dados ulah raga resmi Olimpiade.[3]

Sajarah Judo[besut | besut sumber]

Sajarah wontenipun Judo boten saged dipunpisahaken saking pangriptanipun inggih panjenenganipun ingkang asma Kano Jigoro (嘉纳 治 五郎, 1860-1938?).[4] Kano lair wonten ing kulawarga ingkang sugih. Ramanipun, Jirosaku, inggih punika putra nomer kalih kepala kuil Shinto Hiyoshi ing Shiga.[4] Kano Jigoro wiwit sinau akademik nalika yuswanipun pitung taun, panjenenganipun sinau basa, shodo (书 道, kaligrafi Jepang), lan Shisho (四 书, sekawan Teks Konghucu).[4] Nalikan yuswa sekawan welas taun, Kano sekolah wonten ing Ikuei-Gijuku ing Shiba, Tokyo.[4] Wonten ing sekolah punika Kano ugi nyinaoni Jujutsu lan Dojo.[4] Jigoro Kano sampun nambahi gayanipun piyambak wonten ing cabang Jujutsu ingkang dipun sinaoni ing wekdal punika (kalebet Tenjinshiyo lan Kito).[4] Ing taun 1882 piyambakipun damel setunggalipun Dojo ing Tokyo ingkang dipunsebat Kodokan Judo. Dojo ingkang kawitan punika dipundamel ing kuil Eisho ji, kanthi murid cacah sanga.[4] Tujuan utami Jujutsu inggih punika saged nguwaosi tèknik nyerang lan bertahan.[4] Kano ngadaptasi tujuan punika, ananging langkung ngutamakaken sistem pengajaran lan pembelajaranipun.[3] Panjenenganipun ngembangaken tigang target spesifik kagem ulah raga Judo: latian fisik, pengembangan mental / roh, lan kompetisi ing pertandingan.[3]

Pranala Njawi[besut | besut sumber]

Wiktionary-logo.svg
Pirsani informasi ngenani Judo ing KamusWiki.
Commons-logo.svg
Wikimedia Commons gadhah galeri bab:

Cathetan suku[besut | besut sumber]

  1. ^ Inman (2005) p10
  2. ^ The first Olympic competition to award medals to women judoka was in 1992; in 1988, women competed as a demonstration sport. Inman (2005) p11
  3. ^ a b c d e f g h i Sejarah Judo (dipunakses ing tanggal 16 Juni 2011)
  4. ^ a b c d e f g h Kano (2008) pp46-47


Sumber artikel punika saking kaca situs web: "https://jv.wikipedia.org/w/index.php?title=Judo&oldid=979735"