* Gunggung main lan gul ing klub sénior tumrap liga dhomèstik iki mligilan patitis per pukul 22 May 2011.
‡ Gunggung main lan gul ing tim nasional iki patitis per pukul 13 October 2010
Joseph John "Joe" Cole (lair 8 Novèmber1981; umur 44 taun[2] ing Paddington, Inggris), inggih punika juru main bal-balan saking nagari Inggris ingkang sapunika mlebet klub Liverpool lan tim nas Inggris.[3] Joe Cole gadhah posisi minangka gelandhang.[2] Joe Cole miwiti karieripun ing klub West Ham United. Nalika ing klub punika, Cole sampun langkung saking 100 adu tandhing sadangunipun gangsal taun.[3] Cole nilaraken klub West Ham United ing taun 2003. Taun 2003, Cole pindhah dhateng klub Chelsea kanthi regi 6,6 jutapounds saking West Ham United.[3] Cole pindhah dhateng Chelsea amargi panyuwunipun pelatih Chelsea nalika samanten, Claudio Ranieri.[3] Ing wiwitanipun main ing klub Chelsea, Cole jarang dipunparingi kalonggaran supados main, namung dados cadhangan kemawon.[3] Nanging Cole lajeng saged ndhèrèk main lan ngedalaken kualitasipun.[3] Ing purwanipun mangsa 2009/2010, Cole absen boten ndhèrèk main bal amargi cidra ingkang langkung dangu.[3] Cole miwiti debutipun ing mangsa punika minangka juru main panggantos ing Liga Champions nalika Chelsea mengsah FC Porto saking Portugal.Lajeng debut ing Liga Inggris nalika Chelsea mengsah Blackburn Rovers.[3] Kontrak Cole ing klub Chelsea telas ing tanggal 30 Juni2010 saéngga Cole gadhah status bébas transfer sasampunipun Chelsea boten ngontrak malih. Sareng klub Chelsea, Cole sampun pikantuk kalih gelar Liga Inggris lan Piala FA taun 2007.[3]
Sapunika Joe Cole ndhèrèk klub Liverpool sasampunipun tapak asma kontrak sadangunipun sekawan taun.[3]
