Eko Budihardjo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Eko Budihardjo
Prof Eko.jpg

Prof. Ir. Eko Budihardjo, MSc (lair ing Kabupatèn Purbalingga, Banyumas, 9 Juni 1944 – pati ing Kutha Semarang, 22 Juli 2014 ing umur 70 taun) inggih punika salah satunggalipun arsitèk, budayawan, sastrawan, lan ilmuwan saking Indonesia ingkang naté dipunpracaya lenggah minangka Rektor Universitas Diponegoro kalamangsa 1998 dumugi 2006. Kajawi ing Indonesia, Eko Budiardjo ugi asring katimbalan wonten manca nagari minangka pawicara kuliyah umum. Taun 1993 piyambakipun dhumateng Amérikah Sarékat saperlu ngangsu kawruh babagan Konservasi Wangunan Kuno lan Lingkungan Bersejarah, lajeng taun 1994 dhumateng Australia saperlu studi banding babagan urban management.[1][2][3][4][5][6][7] Eko Budiardjo kalebet salah satunggalipun sastrawan ingkang pakaryanipun karoncé wonten ing buku kempalan geguritan Dari Negeri Poci. Sadèrèngipun séda, piyambakipun kadhapuk nyerat wonten ing rubrik Semarangan ariwarta Suara Merdeka kaliyan Retmono lan Abu Su'ud.

Padamelan[besut | besut sumber]

Taun 1978 dumugi 1989, Eko Budiardjo kadhapuk minangka Kepala Biro Penelitian Fakultas Teknik Undip. Kajawi punika, piyambakipun ugi ngrangkep dados Katuwa Jurusan Arsitektur ing Fakultas Teknik. Salajengipun, piyambakipun dipunpracaya minangka Pambiyantu Dekan I Fakultas Teknik Undip, kalamangsa 1989 dumugi 1992. Boten dangu, piyambakipun ngancik dados Dekan Fakultas Teknik Undip, taun1992 dumugi 1998. Lan pamuncakipun wonten Undip, Eko Budiardjo kapilih dados rektor, kala mangsa 1998 dumugi 2006. Wonten kalih pawiyatan ingkang maringi gelar profesor dhumateng piyambakipun, inggih punika Undip, minangka Guru Besar Arsitektur lan Perkotaan, lan Guru Besar Lansekap lan Teknologi Lingkungan wonten ing Universitas Trisakti Jakarta.

Pendhidhikan[besut | besut sumber]

Organisasi[besut | besut sumber]

  • Katuwa Komisi Kabudayan Akademi Ilmu Pengetahuan Indonesia (AIPI)
  • Katuwa Forum Rektor Indonesia (FRI) (2001-2002)
  • Katuwa Ikatan Arsitek Indonesia (IAI) Cabang Jawa Tengah (1987-1992)
  • Katuwa Ikatan Ahli Perencanaan (IAP) Cabang Jawa Tengah (1992-sekarang)
  • Anggota Dewan Habitat International Council (HIC) Meksiko
  • Eastern Regional Organization on Planning and Housing (EAROPH) Malaysia
  • International Federation for Housing and Planning (IFHP) Belanda
  • Direktur Lembaga Studi Pembangunan Daerah (LSPD)
  • Penasihat Ahli Yayasan Bakti Karya (Yabaka)
  • Anggota Dewan Pakar Ikatan Cendekiawan Muslim Indonesia (ICMI) Jawa Tengah
  • Anggota Dewan Pembina Persatuan Insinyur Indonesia (PII) Jawa Tengah
  • Présidhèn Rotary Club Semarang
  • Katuwa Dewan Kesenian Jawa Tengah.

Pangaji[besut | besut sumber]

  • Bhakti Upapradana saking Gubernur Jawa Tengah
  • Dosen Teladan saking Rektor Undip
  • Bintang Emas Budaya saking Pusat Lembaga Kebudayaan Jawi
  • Penghargaan dengan pujian saking Ikatan Arsitek Indonesia

Rujukan[besut | besut sumber]

  1. Universitas Diponegoro:Eko Budiardjo, kapundhut 6 Mèi 2017
  2. Universitas Trisakti:Guru Besar, kapundhut 6 Mèi 2017
  3. FRI:Eko Budiardjo, kapundhut 6 Mèi 2017
  4. Portal Semaran:Eko Budiardjo Profesor Tata Kota Kelahiran Purbalingga, kapundhut 6 Mèi 2017
  5. Antara News:Eko Budiardjo: Politikus Kerap Tak Berpegang pada Ideologi, kapundhut 6 Mèi 2017
  6. Antara:Eko Budiardjo: Politikus Kerap Tak Berpegang pada Ideologi, kapundhut 6 Mèi 2017
  7. Suara Merdeka:Eko Budiardjo Bernostalgia Ramadan Semasa Kecil, kapundhut 6 Mèi 2017