Retmono

Saka Wikipédia Jawa, bauwarna mardika basa Jawa

Prof. Dr. Retmono (lair ing Kutha Malang, Jawa Timur, 23 Oktober 1933; umur 90 taun) inggih punika salah satunggalipun budayawan saking Indonésia. Asmanipun misuwur lumantar pakaryanipun awujud jurnal ilmiah lan artikel ingkang dipunmot wonten sawenèh ariwarta, kalawarta, lan jurnal. Retmono punika ugi salah satunggalipun mahaguru ingkang naté dipunpracaya ngasta Rektor Universitas Negeri Semarang (Unnes). Taun 2007 Retmono nampi Anugerah Sewaka Winayaroha, Pangabektèn Pawiyatan Luruh saking Direktur Jenderal Pendidikan Tinggi, Kementrian Pendidikan Nasional.[1][2]

Latar wingking[besut | besut sumber]

Retmono lair ing Kutha Malang, Jawa Timur, tanggal 23 Oktober 1933. Ngrampungaken pendhidhikan dhoktoral wonten ing Universitas Texas, Amérikah Sarékat, taun 1970. Awit saking punika, piyambakipun miwiti pedamelanipun minangka dhosèn wonten IKIP Semarang ingkang lajeng ngalih dados Unnes. Retmono punika salah satunggalipun dhoktor kapisan wonten IKIP Semarang rikala samanten. Ing kalangan pawiyatan, saé para dhosèn utawi mahasiswa, Retmono misuwur gadhah pribadi pamikir. Ing jawi pawiyatan, piyambakipun nyerat sapérang jurnal ilmiah lan artikel ingkang dipunmot wonten ariwarta, kalawarta, lan jurnal. Anggitanipun saben peken, dumugi sapunika dipunmot déning ariwarta Suara Merdeka wonten rubrik Semarangan. Taun 1986 dumugi 1994 Retmono kapilih dados Rektor IKIP Semarang. Wonten ing astanipun , lokasi gedhong pawiyatan ingkang sadèrèngipun wonten Jalan Kelud Utara III Semarang dipunlih wonten papan panggènan langkung wiyar, ing Sekaran, Gunungpati. Retmono pensiun saking IKIP Semarang taun 2003, nanging taksih dipunsuwun minangka dhosèn wonten PPS Unnes.[3][4][5]

Pangaji[besut | besut sumber]

  • Anugeraha Sewaka Winayaroha, Pangabektèn Pawiyatan Lurur saking Direktur Jenderal Pendidikan Tinggi, Kementrian Pendidikan Nasional (2007)

Ugi pirsani[besut | besut sumber]

Rujukan[besut | besut sumber]

  1. Situs resmi Unnes, kapundhut 22 Maret 2015
  2. Portal Semarang, kapundhut 22 Maret 2015
  3. Harian Suara Merdeka, kapundhut 22 Maret 2015
  4. Situs resmi ITB Archived 2015-04-02 at the Wayback Machine., kapundhut 22 Maret 2015
  5. Situs resmi Unissula Semarang, kapundhut 22 Maret 2015