Dajjal

Dajjal (Arab: الدّجّال al-dajjāl‎‎) iku sawijining paraga sing digambaraké wengis lan candhala ing Eskatologi Islam, sing kasurupan sadurungé kiyamat. Dajjal disebutaké nggawa fitnah ing akir jaman. Miturut kadis, Muhammad ngendika: “"Wiwit Allah nyipta Nabi Adam a.s. nganti mengko ing dina kiyamat, ora ana bebendhu sing luwih ngédab-édabi saliyané Dajjal".

Ètimologi

Dajal iku saka basa Arab sing lumrahé katujokaké kanggo ngrujuk "nabi palsu". Nanging istilah Ad-Dajjal, ngrujuk marang merujuk "panyinglon" atau "tukang ngapusi" sing katon sadurungé kiyamat. Istilahé ya iku Al-Masih Ad-Dajjal (Basa Arab kanggo "Al Masih Palsu") iku tarjamah saka istilah Syria Meshiha Deghala sing wis jamak kagunakaké ing Wétan Tengah punjul 400 taun sadurungé Kuran tumurun.

Biografi

Dajjal ora mau ing Kuran, nanging ana ing kadis lan Sunah. Adhedasar kapitayan sing tuwuh ing kalangan muslim, cirining ad-Dajjal iku antara sejene:

• Dajjal duwé ciri cacat wujud mata tengen sing wuta, lan mata kiwa bisa weruh nanging mung peteng. Ing sawatara kadis mau yèn Dajjal iku mung nduwé mata siji. Dhèwèké bakal nunggang kuldi putih sing selangkahé nganti sa-mil. Kuldi (keledai) mau mangan geni lan metu keluk lan bisa mabur lan ngliwati samodra.
• Dajal iku taruna kang dedegé lemu, kulité semu abang, rambut kriting, mata wuta sisih. Matané mau kaya woh anggur mateng (tanpa sinar), kaya Abdul Uzza bin Qathan (wong lanang Kurès saka Khuza'ah sing urip ing jaman Jahiliyah).
• Dhèwèké bakal ngapusi wong-wong muslim kanthi ngajari prakara surga, nanging ajarané mau malah suwaliké, ya iku (Nraka).
• Aksara Arab Kaf Fa Ra (kafir, nduwé arti kufur) bakal katon ing jidhaté lan bakal gampang diweruhi déning wong muslim sing bisa maca utawa ora bisa maca.
• Dhèwèké bisa weruh lan krungu ing sadhengah papan kanthi bebarengan..
• Dhèwèké prigel ngapusi manungsa.
• Dhèwèké bakal nglungguhaké manungsa ing tataran Hyang.
• Dhèwèké bakal mratélakaké yèn dhèwèkè iku Hyang lan bakal ngapusi manungsa ing sajeroning pikiran. Dhèwèké bakal mratélakaké yèn bar tangi saka pralaya. Salah sawijining wong wigati bakal dipatèni lan dhèwèké bakal nguripaké manèh. Sawisé iku Allah bakal nguripaké wong sing dipatèni mau lan bakal éntuk kakuwatan manèh. Kanthi dhasar prakara akhirat sing tinulis Anwar al-Awlaki), wong mukmin saka Madinah terus menyang Dajjal, ngadeg ing ing Uhud, lan kanthi jelas ngaku yèn Dajjal iku Dajjal. Banjur dhèwèké bakal takon, "Apa kowé percaya yèn aku iku Hyang yèn aku matèni kowé terus dak uripaké manèh?" Banjur Dajjal matèni wong mukmin mau. Sawisé diuripaké manèh, wong mukmin mau tambah ora percaya yèn Dajjal iku Hyang.
• Sapa sing nulak lan ora percaya marang Dajjal bakal ngalami kasangsaran kanthi mangsa katiga lan kurang pakan. Sapa sing nampa bakal urip seneng.
• Sawetara ulama percaya yèn Dajjal bakal katon ing Kutha Isfahan
• Dhèwèké ora bakal lumebu Makkah utawa Madinah amarga dijaga malaékat.
• Imam Mahdi bakal nglawan kanggo béla Islam.
• Dajjal bakal dipatèni Nabi Isa sacedhaké gapura Lud, saiki lumebu wewengkon Israèl.