Corona Australis

Saka Wikipédia Jawa, bauwarna bébas abasa Jawa
CORONA AUSTRALIS

Peta Corona Australis
Cekakan CrA
Genitif
  • Coronae Australis
  • Coronae Austrinae
Asensio rekta 19
Deklinasi −40
Area 128 derajad pesagi (#80th)
Lintang utama 6
Lintang
Bayer/Flamsteed
14
Lintang
mawa planèt
2
Lintang padhang 0
Lintang cedhak 0
Lintang paling padhang α CrA (4.10m)
Lintang paling cedhak HD 166348 ( tc)
Obyèk Messier 0
Udan météor Corona Australids
Rasi lintang
sing wewatesan
Katon antara lintang +40° lan −90°.
Katon paling cetha ing wektu 21.00 jroning sasi August.
'
Rasi lintang Corona Australis

Corona Australis (play /kɵˈrnə ɒˈstrlɪs/) utawi Corona Austrina (play /kɵˈrnə ɒˈstrnə/)[1] inggih punika salah satunggaling rasi lintang ingkang alit ingkang mapan wonten ing langit sisih kidul. Corona Australis inggih saking basa Latin kanggé manuk gagak kidul, lan rasi lintang punika inggih bagéyan paling kidul saking rasi lintang Corona Borealis. Corona Australis kalebet salah satunggaling saking 48 rasi lintang ingkang dipundhaptar déning Ptolemy, ingkang namung dipunétang pitung lintang,[2] lan rasi lintang punika kalebet 88 rasi lintang modhern.

Titikanipun[besut | besut sumber]

Corona Australis inggih punika rasi lintang ingkang alit ingkang dipunkiteri déning rasi lintang Sagittarius ing sisih lor, Scorpius ing sisih kulon. Telescopium ing sisih kidul, lan rasi lintang Ara ing sisih kidul radi kulon. Tigang aksara ingkang dipunginakaken kangge nyekak nama rasi lintang punika, ingkang dipunpendhet saking International Astronomic Union ing taun 1922 inggih punika 'CrA'.[3] Dene wates- watesaning rasi lintang Corona Australis ingkang resmi inggih dipundamel déning Eugène Delporte ing taun 1930, ingakng dipungambaraken bentuk poligon kanthi sekawan bageyan. Wonten ing sistem koordinat khatulistiwa, koordinat pas minggahipun mapan wonten ing antawisipun 17j 58.3m lan 19j 19.0m, kanthi deklinasinipun ing antawispun koordinat −36.77° lan −45.52°.[4] Kanthi gadhah laladan ingkang ambanipun 128 drajat persegi, Corona Australis puncakipun aged dipuntingali ing dalu ing tanggal 30 Juni[5] lan saking ambanipun laladanipun rasi lintang punika mapan wonten ing ranking 80 saking 88 rasi lintang ingkang wonten.[6] Rasi lintang punika namung saged dipuntingali ing garis lintang 53° lor, lan Corona Australis boten saged dipuntingali saking kapuloan Britania amargi papanipun ingkang tebih ing sisih kidul,[7] ananging rasi lintang punika saged dipuntingali saking Éropah Selatan lan ugi saking Amerika Serikat bageyan kidul.[8]

Lintang - lintang[besut | besut sumber]

Rasi lintang Corona Australis gadhah laladan ingkang ambanipun kirang langkung 128 drajat persegi lan boten gadhah lintang ingkang dipunmangertosi minangka planet - planet. Rasi lintang punika saged ipuntingali wonten ing garis lintang antawisipun +40° lan -90° lan badhe ketingal paling sae menawi dipuntingali ing jam 9 dalu ing salebeting sasi Agustus.

Rasi lintang Corona Australis boten gadhah lintang ingkang padhangipun langkung saking sekawan magnitudo. Dene lintang - lintang ingkang wonten ing rasi lintang punika ing antawisipun inggih punika kados mekaten:

  • Beta Coronae Australis inggih punika lintang ingkang paling padhang wonten ing rasi lintang punika. Beta Coronea Australis inggih gadhah cahya raksasa oranye ingkang gadhah magnitudo 4,11. Alpha Coronae Australis utawi Alphekka Meridiana inggih nama lintang ingkang namung wonten ing rasi lintang punika.

Corona Australis ugi ngewrat saperangan global kluster lan laladan nebula ingkang narik kawigatosanipun para panaliti. NGC 6541 inggi satunggaling kluster globular ingkang padhang lan amba ingkang tebihipun kirang langkung 15.000 taun cahya saking bumi. Objek punika saged dipuntingali namung setengah badan ong antawisipun theta Coronae Australis lan theta Scorpii.

Corona Australis taksih kalebet kulawarga saking rasi lintang Hercules, sesarengan kaliyan rasi lintang Hercules, Sagitta, Aquila, Lyra, Cygnus, Vulpecula, Hydra, Sextans, Crater, Corvus, Ophiuchus, Serpens, Scutum, Centaurus, Lupus, Ara, Triangulum Australe lan Crux. Dene ing sak kitering Corvus wonten rasi lintang sanesipun inggih punika Sagittarius, Scorpius, Ara, lan Telescopium.[9]

Cathetan Suku[besut | besut sumber]

  1. ^ Bagnall 2012, k. 170.
  2. ^ Cithakan:1728
  3. ^ Russell 1922, k. 469.
  4. ^ IAU, The Constellations, Corona Australis.
  5. ^ Cacad sitiran: Tag <ref> ora absah; ora ditemokaké tèks kanggo ref mawa jeneng Malin_Frew_1995_p218
  6. ^ Ridpath, Constellations.
  7. ^ Cacad sitiran: Tag <ref> ora absah; ora ditemokaké tèks kanggo ref mawa jeneng Moore_.26_Tirion_1997_pp164
  8. ^ Cacad sitiran: Tag <ref> ora absah; ora ditemokaké tèks kanggo ref mawa jeneng Moore_.27Stargazing.27_2000_p86
  9. ^ (en)Corona Australis (dipunundhuh tanggal 20 Pebruari 2013)

Sources

Online sources

SIMBAD

Sumber artikel punika saking kaca situs web: "https://jv.wikipedia.org/w/index.php?title=Corona_Australis&oldid=1015504"