Hercules
| HERCULES | |
|---|---|
 | |
| Cekakan | Her |
| Genitif | Herculis |
| Asensio rekta | 17 |
| Deklinasi | +30 |
| Area | 1225 derajad pesagi (#5th) |
| Lintang utama | 14, 22 |
| Lintang Bayer/Flamsteed | 106 |
| Lintang mawa planèt | 14 |
| Lintang padhang | 2 |
| Lintang cedhak | 9 |
| Lintang paling padhang | β Her (Kornephoros) (2.78m) |
| Lintang paling cedhak | Gliese 661 ( tc) |
| Obyèk Messier | 2 |
| Udan météor | Tau Herculids |
| Rasi lintang sing wewatesan | Draco Boötes Corona Borealis Serpens Caput Ophiuchus Aquila Sagitta Vulpecula Lyra |
| Katon antara lintang +90° lan −50°. Katon paling cetha ing wektu 21.00 jroning sasi July. ' | |
Hercules inggih punika salah satunggaling rasi lintang ingkang namanipun dipunpendhet saking tokoh Hercules wonten ing mitos Roman ingkang dipunserep saking mitos Yunani ingkang gadhah tokoh Heracles. Rasi lintang Hercules mapan wonten ing belahan langit sisih lor. Rasi lintang punika kalebet 48 rasi lintang ingkang dipundhaptar déning astronom Yunani, Ptolemy ing abad kaping kalih, lan sapunika kalebt salah satunggal saking 88 rasi lintang modhérn sapunika. Punika kalebet gangsal rasi lintang modhèren ingkang paling ageng.
Lintang-lintang
[besut | besut sumber]Rasi lintang Hercules gadhah tlatah ingkang ambanipun kirang langkung 1225 drajat persegi lang ngewrat pitung lintang ingkang dipunmangertosi minangka planit-planit. Rasi lintang Hercules badhé katingal ingkang saé piyambak wujudipun ing jam 9 dalu ing salebeting sasi Juli. Sanajan Hercules kalebet gangsal rasi lintang ingkang paling amba ing langit, nanging rasi lintang punika boten gadhah lintang ingkang padhang. Déné lintang-lintang ingkang wonten ing rasi lintang Hercules ing antawisipun inggih punika:
- Alpha Herculis ugi dipunmangertosi minangka Rasalgethi, inggih punika raksasa abrit ingkang padhangipun antawisipun tiga lan sekawan lan gadhah lintang pengamping raksasa jene pethak.
- Beta Herculis lan Delta Herculis ingkang gambaraken pundhakipun Hercules. Beta Herculis inggih kalebet lintang binar raksasa tipe G ingkang minangka komponèn ingkang paling pokok. Beta Herculis inggih lintang ingkang padhang piyambak wonten ing rasi lintang punika. Beta Herculis ugi dipunsebat minangka Kornephoros. Déné delta Herculis inggih gadhah nama tradhisional Sarin.
- Epsilon Herculis inggih kalebet lintang binar spektroskopik.
- Zeta Herculis inggih kalebet jinis lintang ganda ingkang kasusun saking sib raksasa lan lintang pengamping ingkang lemah.
Sistem Planet
[besut | besut sumber]Sewelas lintang ing Hercules dipunmangertosi ngorbit déning planit extrasolar. Lintang-lintang punika wonten satunggal ingkang kapanggih ing taun 1996, kalih ing taun 2005, kalih ing taun 2006, sekawan ing taun 2007, satunggal ing taun 2009, lan satunggal kapanggih ing taun 2010.
Objek Langit Lebet
[besut | besut sumber]Hercules ngewrat kalih globular kluster ingkang padhang, inggih punika M13, kluster ingkang paling adhang wonten ing belahan langit lor, lan M92. M13 mapan wonten ing antawisipun lintang Eta Herculis lan Zeta Herculis. M13 saged dipuntingali kanthi mripat langsung lan kanthi teropong, inggih punika globular kluster kanthi magnitudo 6 ingkang ngewrat langkung saking 300.000 lintang lan tebihipun 25.200 taun cahya saking bumi.[1]
Messier 92 (M92) inggih punika kalebet satunggaling globular kluster ingkang gadhah magnitudo 6,4 ingkang tebihipun 26.000 taun cahya saking bumi. Punika kalebet kluster kelas IV, ingkang mratandhani bilih objek punika langkung kepusat wonten ing punjering rasi lintang, ingkang gadhah nukleus ingkang sanget cetha.[2]
Hercules taksih kalebet wonten ing kulawarga rasi lintang HErcules sesarengan kaliyan rasi lintang Sagitta, Aquila, Lyra, Cygnus, Vulpecula, Hydra, Sextans, Crater, Corvus, Ophiuchus, Serpens, Scutum, Centaurus, Lupus, Corona Australis, Ara, Triangulum Australe lan Crux. Rasi lintang sanèsipun ingkang wonten ing sakitering rasi lintang Hercules inggih punika rasi lintang Draco, Bootes, Corona Borealis, Serpens Caput, Ophiuchus, Aquila, Sagitta, Vulpecula lan Lyra.[3]
Cathetan suku
[besut | besut sumber]- ↑ Ridpath & Tirion 2001, kc. 154–156.
- ↑ Levy 2005, kc. 150.
- ↑ Hercules Archived 2013-02-06 at the Wayback Machine. (dipunundhuh tanggal 19 Pebruari 2013)
- Levy, David H. (2005). Deep Sky Objects. Prometheus Books. ISBN 1-59102-361-0.
- H.A. Rey, The Stars — A New Way To See Them. Enlarged World-Wide Edition. Houghton Mifflin, Boston, 1997. ISBN 0-395-24830-2.
- Ridpath, Ian; Tirion, Wil (2001), Stars and Planets Guide, Princeton University Press, ISBN 0-691-08913-2
- Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.