Benny Lin

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Benny Lin
060513 SOLO benny-lin3.jpg
Benny Lin (sawijining foto dhokumèntasi SOLOPOS, Mèi 2013)
Lair Benny Lin
taun 1985
Indonésia Sala, Indonésia
Padunungan Surakarta, Indonésia
Sana jaringan bennylin.github.io

Benny Lin (lair ing Sala, 1985)[1] kang uga ditepungi minangka Budi[2] iku sawijining programer komputer saka komunitas Wikipedia Indonesia. Dhèwèké gawé piranti alus kang bisa ngalihaké huruf latin menyang aksara Jawa.[2] Tèknologi transliterasi iki dudu panemon anyar, dhèwèké nyampurnakaké tèknologi iku wiwit setengah taun kapungkur.[3] Tèknologi iki kanggo nggampangaké sinau basa Jawa lan uga bisa dipigunakaké kanggo nyadhur literatur kuna ing sapérangan musiyum ing Sala.[4] Wiwit sasi April 2013, dhèwèké sregep kampanye obahan perduli lan nresnani aksara Jawa ing adicara Sala Car Free Day ing kawasan Plasa Sriwedari, Surakarta saben Minggu.[3] Semono uga ing dina Minggu, 28 April 2013.[4]

Benny Lin lan Wikipedia[besut | besut sumber]

Benny Lin wiwit nyunting ing Wikipedia ing taun 2004.[1][5] Wektu iku, dhèwèké nembé setengah taun kuliah ing Univèrsitas Washington jurusan Èlmu Komputer.[1][5] Amarga seneng informasi ngenani Sala, dhèwèké sakakèh-akèhé nglebokaké informasi kang magepokan karo Sala, sajarahé, wewengkoné, jeneng désa, kalurahan, kacamatan, uga ngenani budaya, jogèd, lan kaseniané.[1][5] Saliyané iku dhèwèké uga nulis ngenani tokoh sajarah, paraga filem, penyanyi, lan jinis informasi liyané.[1][5] Kawigatènané karo Wikipedia iki ana gandhèng cènèngé karo peran Revo Arka Giri Soekatno, sawijining pangadeg Wikipedia basa Indonesia, warga Indonésia kang saiki manggon ing Walanda.[6][7]

Wiwit tanggal 7 Oktober 2011 Benny Lin dadi stewards, ya iku pangurus kang duwé aksès komplit menyang kabèh proyèk Wiki lan bisa ngowahi hak-hak para panganggo lan golongan panganggo.[8] Wiwit tanggal 15 Juni 2012 dhèwèké dadi pangurus utawa opsis ing Wikipedia basa Indonesia lan wiwit tanggal 1 Maret 2013 dhèwèké uga dadi pamriksa ing kana.[9]

Pendhidhikan[besut | besut sumber]

Bebungah[besut | besut sumber]

  • JCI Indonesia's Ten Outstanding Young Person 2013 amarga miwiti Wikipedia Aksara Jawa.[11]

Uga delengen[besut | besut sumber]

  • Bennylin, kaca panganggoné Benny Lin ing Wikipedia basa Jawa.

Réferènsi[besut | besut sumber]

  1. ↑ a b c d e f g h i Inspirasi "Benny Lin Berbagi Informasi dengan 117.00 Suntingan", Harian Umum Solopos Taun XV|/No. 223 kaca 5 terbit Slasa legi, 7 Mèi 2013.
  2. ↑ a b "AKSARA JAWA" (ing basa Indonésia). Dijupuk 2013-04-08. 
  3. ↑ a b c "WIKIPEDIA JAWA : Menulis Aksara Jawa Makin Mudah" (ing basa Indonésia). Dijupuk 2013-05-08. 
  4. ↑ a b "WIKIPEDIA JAWA : Menulis Aksara Jawa Makin Mudah" (ing basa Indonésia). Dijupuk 2013-05-08. 
  5. ↑ a b c d "WIKIPEDIA JAWA : Benny Lin Lakukan 117.000 Suntingan untuk Berbagi Informasi" (ing basa Indonésia). Dijupuk 2013-05-08. 
  6. ↑ Inspirasi "Dibutuhkan, Penyunting Basa Jawa di Wikipedia", Harian Umum Solopos Taun XV|/No. 223 kaca 5 terbit Slasa legi, 7 Mèi 2013.
  7. ↑ "WIKIPEDIA JAWA : Dibutuhkan, Penyunting Basa Jawa di Wikipedia" (ing basa Indonésia). Dijupuk 2013-05-08. 
  8. ↑ Dhaptar Stewards ing kaca Meta
  9. ↑ Dhaptar Pangurus ing Wikipedia basa Indonesia
  10. ↑ "Benny Lin, Pencipta Software Javanese Transliteration" (ing basa Indonésia). Dijupuk 2013-05-16. 
  11. ↑ "Memahami Edukasi Wikipedia" (ing basa Indonésia). Dijupuk 2013-05-30. 


Pranala njaba[besut | besut sumber]


Dijupuk saka "https://jv.wikipedia.org/w/index.php?title=Benny_Lin&oldid=1434989"