ꦩꦂꦠꦧꦏ꧀
ꦗꦮ
|
ꦩꦂꦠꦧꦏ꧀ (ꦱꦏ ꦧꦱ ꦄꦫꦧ꧀ مُطبَّق ꦩꦸꦠ꧀ꦠꦧꦐ꧀) ꦪꦲꦶꦏꦸ ꦥꦔꦤ꧀ꦤꦤ꧀ ꦏꦱ꧀ ꦲꦱ꧀ꦭꦶ ꦱꦏ ꦮꦺꦠꦤ꧀ ꦠꦼꦔꦃ.[1] ꦩꦂꦠꦧꦏ꧀ ꦲꦶꦏꦸ ꦏꦊꦧꦸ ꦗꦶꦤꦶꦱ꧀ꦱꦶꦁ ꦥꦔꦤ꧀ꦤꦤ꧀ ꦥꦿꦱꦗ ꦤꦔꦶꦁ ꦥꦠꦸꦠ꧀ ꦏꦁꦒꦺꦴ ꦥꦱꦸꦒꦠ꧀ꦠꦤ꧀ ꦠꦩꦸ.[1] ꦥꦔꦤ꧀ꦤꦤ꧀ ꦲꦶꦏꦶ ꦒꦩ꧀ꦥꦁ ꦲꦁꦒꦺꦴꦤ꧀ꦤꦺ ꦔ꧀ꦒꦮꦺ, ꦲꦸꦠꦮ ꦪꦺꦤ꧀ ꦮꦼꦒꦃ ꦔ꧀ꦒꦮꦺ ꦪ ꦒꦩ꧀ꦥꦁ ꦲꦁꦒꦺꦴꦤ꧀ꦤꦺ ꦒꦺꦴꦭꦺꦏ꧀ (ꦠꦸꦏꦸ).[1] ꦗꦗꦤ꧀ꦤꦤ꧀ ꦲꦶꦏꦶ ꦩꦛꦸꦏ꧀ ꦪꦺꦤ꧀ ꦢꦶꦣꦲꦂ ꦏꦫꦺꦴ ꦠꦺꦃ ꦲꦸꦠꦮ ꦏꦺꦴꦥꦶ.[2] ꦮꦶꦮꦶꦠ꧀ ꦱꦏ ꦩꦱꦫꦏꦠ꧀ ꦌꦏꦺꦴꦤꦺꦴꦩꦶ ꦔꦶꦱꦺꦴꦂ ꦔꦤ꧀ꦠꦶ ꦩꦱꦫꦏꦠ꧀ ꦏꦁ ꦌꦏꦺꦴꦤꦺꦴꦩꦶꦤꦺ ꦣꦸꦮꦸꦂ ꦲꦸꦒ ꦱꦼꦤꦼꦁ ꦥꦔꦤ꧀ꦤꦤ꧀ ꦩꦂꦠꦧꦏ꧀.[1]
ꦗꦶꦤꦶꦱ꧀ꦱꦶꦁ ꦩꦂꦠꦧꦏ꧀
[besut | besut sumber]
ꦩꦂꦠꦧꦏ꧀ ꦲꦶꦏꦸ ꦲꦏꦺꦃ ꦧꦔꦼꦠ꧀ ꦗꦶꦤꦶꦱ꧀ꦱꦺ, ꦤꦔꦶꦁ ꦏꦁ ꦥꦭꦶꦁ ꦢꦶꦱꦼꦤꦼꦁꦔꦶ ꦲꦶꦏꦸ ꦲꦤ ꦫꦺꦴꦁ ꦗꦶꦤꦶꦱ꧀, ꦪꦲꦶꦏꦸ:
- ꦩꦂꦠꦧꦏ꧀ ꦩꦤꦶꦱ꧀ ꦲꦸꦠꦮ ꦏꦁ ꦢꦶꦲꦫꦤ꧀ꦤꦶ ꦏꦸꦮꦺ ꦠꦼꦫꦁ ꦧꦸꦭꦤ꧀ ꦭꦤ꧀ ꦲꦸꦒ ꦲꦤ ꦏꦁ ꦔꦫꦤ꧀ꦤꦶ ꦏꦸꦮꦺ ꦧꦤ꧀ꦝꦸꦁ. ꦩꦂꦠꦧꦏ꧀ ꦩꦤꦶꦱ꧀ ꦲꦶꦏꦶ ꦲꦶꦱꦺꦤ꧀-ꦲꦶꦱꦺꦤ꧀ꦤꦺ ꦫꦕꦏ꧀ꦏꦺ ꦱꦺꦴꦏ꧀ꦭꦠ꧀, ꦏꦕꦁ, ꦏꦺꦗꦸ ꦭꦤ꧀ ꦩꦶꦠꦸꦫꦸꦠ꧀ ꦏꦱꦼꦤꦼꦁꦔꦤ꧀ꦤꦺ ꦏꦁ ꦒꦮꦺ.[3]
- ꦩꦂꦠꦧꦏ꧀ ꦲꦼꦤ꧀ꦝꦺꦴꦒ꧀.[1] ꦧꦚ꧀ꦗꦸꦂ ꦪꦺꦤ꧀ ꦩꦂꦠꦧꦏ꧀ ꦲꦼꦤ꧀ꦝꦺꦴꦒ꧀ ꦲꦶꦱꦶꦤꦺ ꦪ ꦲꦼꦤ꧀ꦝꦺꦴꦒ꧀, ꦤꦔꦶꦁ ꦲꦸꦒ ꦲꦤ ꦏꦁ ꦢꦶꦲꦶꦱꦶ ꦢꦒꦶꦁ ꦏꦪꦠ ꦢꦒꦶꦁ ꦲꦪꦩ꧀ ꦲꦸꦠꦮ ꦮꦼꦣꦸꦱ꧀ ꦲꦸꦠꦮ ꦱꦥꦶ.[3]
ꦧꦲꦤ꧀
[besut | besut sumber]ꦩꦂꦠꦧꦏ꧀ ꦩꦤꦶꦱ꧀, ꦢꦶꦒꦮꦺ ꦱꦏ ꦲꦢꦺꦴꦤ꧀ꦤꦤ꧀ ꦒ꧀ꦭꦼꦥꦸꦁ ꦠꦼꦫꦶꦒꦸ, ꦏꦁ ꦮꦶꦱ꧀ ꦢꦶꦕꦩ꧀ꦥꦸꦂꦫꦶ ꦏꦫꦺꦴ ꦲꦼꦤ꧀ꦝꦺꦴꦒ꧀, ꦩꦂꦒꦫꦶꦤ꧀, ꦱꦸꦱꦸ, ꦧꦏꦶꦁ ꦥꦺꦴꦮ꧀ꦝꦼꦂ, ꦒꦸꦭ.[3] ꦧꦲꦤ꧀ ꦏꦁꦒꦺꦴ ꦲꦶꦱꦶ ꦩꦂꦠꦧꦏ꧀ ꦩꦤꦶꦱ꧀ ꦧꦶꦱ ꦢꦶꦲꦶꦱꦶ ꦏꦕꦁ, ꦱꦺꦴꦏ꧀ꦭꦠ꧀, ꦏꦺꦗꦸ, ꦭꦤ꧀ ꦲꦥ ꦏꦁ ꦢꦢꦶ ꦏꦱꦼꦤꦼꦁꦔꦤ꧀ꦤꦺ ꦏꦁ ꦒꦮꦺ.[4] ꦲꦺꦮꦢꦺꦤꦺ ꦩꦂꦠꦧꦏ꧀ ꦲꦼꦤ꧀ꦝꦺꦴꦒ꧀, ꦢꦶꦒꦮꦺ ꦱꦏ ꦲꦢꦺꦴꦤ꧀ꦤꦤ꧀ ꦒ꧀ꦭꦼꦥꦸꦁ ꦠꦼꦫꦶꦒꦸ ꦏꦁ ꦒꦼꦣꦺꦤꦺ ꦥꦣ ꦏꦫꦺꦴ ꦲꦸꦏꦸꦂꦫꦤ꧀ ꦲꦼꦤ꧀ꦝꦺꦴꦒ꧀ ꦥꦶꦠꦶꦏ꧀.[1] ꦲꦢꦺꦴꦤ꧀ꦤꦤ꧀ ꦲꦶꦏꦸ ꦩꦲꦸ ꦧꦲꦤ꧀ꦤꦺ ꦠꦼꦫꦶꦒꦸ, ꦲꦼꦤ꧀ꦝꦺꦴꦒ꧀, ꦲꦸꦪꦃ, ꦭꦤ꧀ ꦧꦚꦸ ꦱꦕꦸꦏꦸꦥ꧀ꦥꦺ.[2] ꦧꦚ꧀ꦗꦸꦂ ꦧꦲꦤ꧀ ꦏꦁꦒꦺꦴ ꦲꦶꦱꦶꦤꦺ ꦧꦶꦱ ꦢꦶꦮꦺꦤꦺꦃꦲꦶ ꦲꦸꦚ꧀ꦕ꧀ꦭꦁ, ꦢꦒꦶꦁ, ꦲꦼꦤ꧀ꦝꦺꦴꦒ꧀, ꦭꦤ꧀ ꦒꦺꦴꦣꦺꦴꦁ ꦧꦮꦁ.[2]
ꦕꦫ ꦔ꧀ꦒꦮꦺ
[besut | besut sumber]ꦩꦂꦠꦧꦏ꧀ ꦩꦤꦶꦱ꧀, ꦗ꧀ꦭꦢꦿꦺꦤ꧀ꦤꦺ ꦲꦶꦏꦸ ꦢꦶꦥꦤꦱ꧀ꦱꦏꦺ ꦲꦶꦁ ꦮꦗꦤ꧀, ꦭꦤ꧀ ꦢꦶꦲꦶꦱꦶ ꦏꦫꦺꦴ ꦱꦺꦴꦏ꧀ꦭꦠ꧀, ꦏꦕꦁ, ꦭꦤ꧀ ꦭꦶꦪ-ꦭꦶꦪꦤꦺ ꦏꦪ ꦏꦁ ꦢꦶꦥꦺꦔꦺꦤ꧀ꦤꦶ.[4] ꦢꦶꦠꦸꦁꦒꦸ ꦗ꧀ꦭꦢꦿꦺꦤ꧀ꦤꦺ ꦔꦤ꧀ꦠꦶ ꦩꦠꦼꦁ, ꦏꦶꦫ-ꦏꦶꦫ 10 ꦩꦼꦤꦶꦠ꧀ ꦧꦚ꧀ꦗꦸꦂ ꦩꦂꦠꦧꦏ꧀ꦏꦺ ꦮꦶꦱ꧀ ꦱꦶꦪꦥ꧀ ꦢꦶꦩꦲꦼꦩ꧀.[5]
ꦩꦂꦠꦧꦏ꧀ ꦲꦼꦤ꧀ꦝꦺꦴꦒ꧀, ꦗ꧀ꦭꦢꦿꦺꦤ꧀ꦤꦺ ꦲꦶꦏꦸ ꦢꦶꦧꦤ꧀ꦠꦶꦁ, ꦢꦶꦠꦶꦥꦶꦱ꧀ꦱꦏꦺ ꦭꦤ꧀ ꦢꦶꦲꦸꦚ꧀ꦕꦭ꧀ꦭꦏꦺ ꦲꦤ ꦲꦶꦁ ꦱꦺꦁ ꦲꦸꦠꦮ ꦏꦁꦒꦺꦴ ꦔ꧀ꦒꦮꦺ ꦩꦂꦠꦧꦏ꧀ ꦲꦶꦏꦸ.[2] ꦧꦚ꧀ꦗꦸꦂ ꦪꦺꦤ꧀ ꦗ꧀ꦭꦢꦿꦺꦤ꧀ꦤꦺ ꦮꦶꦱ꧀ ꦠꦶꦥꦶꦱ꧀, ꦗ꧀ꦭꦢꦿꦺꦤ꧀ꦤꦺ ꦢꦶꦒꦺꦴꦫꦺꦁ ꦲꦶꦁ ꦮꦗꦤ꧀ ꦧꦚ꧀ꦗꦸꦂ ꦢꦶꦲꦶꦱꦶ ꦏꦫꦺꦴ ꦢꦒꦶꦁ, ꦲꦸꦚ꧀ꦕ꧀ꦭꦁ, ꦗꦔꦤ꧀ꦤꦤ꧀, ꦭꦤ꧀ ꦧꦸꦩ꧀ꦧꦸ.[2] ꦪꦺꦤ꧀ ꦮꦶꦱ꧀ ꦢꦶꦒꦺꦴꦫꦺꦁ ꦭꦤ꧀ ꦢꦶꦲꦶꦱꦶ ꦱꦪꦸꦂꦫꦤ꧀ ꦧꦚ꧀ꦗꦸꦂ ꦲꦢꦺꦴꦤ꧀ꦤꦤ꧀ ꦢꦶꦮꦺꦴꦭꦏ꧀-ꦮꦭꦶꦏ꧀, ꦱꦮꦶꦱ꧀ꦱꦺ ꦲꦶꦏꦸ ꦢꦶ ꦲꦼꦤ꧀ꦠꦺꦤ꧀ꦤꦶ ꦭꦶꦩꦁ ꦩꦼꦤꦶꦠ꧀ ꦧꦚ꧀ꦗꦸꦂ ꦩꦂꦠꦧꦏ꧀ ꦱꦶꦪꦥ꧀ ꦢꦶꦕꦮꦶꦱ꧀ꦱꦏꦺ ꦤꦶꦁ ꦩꦺꦗ ꦭꦤ꧀ ꦢꦶꦩꦲꦼꦩ꧀.[5] ꦢꦺꦤꦺ ꦩꦂꦠꦧꦏ꧀ ꦲꦼꦤ꧀ꦝꦺꦴꦒ꧀ ꦲꦶꦏꦸ ꦥꦢꦠ꧀ꦠꦤ꧀ ꦢꦶꦒꦮꦺ ꦱꦏ ꦒ꧀ꦭꦼꦥꦸꦁ ꦠꦼꦫꦶꦒꦸ, ꦲꦼꦤ꧀ꦝꦺꦴꦒ꧀, ꦭꦤ꧀ ꦒꦺꦴꦣꦺꦴꦁ ꦧꦮꦁ.[2]
ꦕꦛꦼꦠ꧀ꦠꦤ꧀ ꦱꦸꦏꦸ
[besut | besut sumber]- ↑ a b c d e f "resepmasakanindonesia.info". Diarsip saka sing asli ing 2016-07-10. Dibukak ing 2022-02-14.
- ↑ a b c d e f "forumnova.tabloidnova". Diarsip saka sing asli ing 2011-01-01. Dibukak ing 2022-02-14.
- ↑ a b c "resep martabak". Diarsip saka sing asli ing 2011-10-27. Dibukak ing 2022-02-14.
- ↑ a b "martabak". Diarsip saka sing asli ing 2022-01-27. Dibukak ing 2022-02-14.
- ↑ a b Martabak Archived 2016-01-10 at the Wayback Machine. (27 Mèi 2011)
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |