Karèt kebo: Béda antara owahan

Karèt kebo
Klasifikasi ngèlmiah
Karajan:	Plantae
Unranked:	Angiosperms
Unranked:	Eudicots
Unranked:	Rosids
Ordho:	Rosales
Famili:	Moraceae
Tribe:	Ficeae
Génus:	Ficus
Subgénus:	Urostigma
Spésies:	F. elastica
Jeneng binomial
	Ficus elastica; Roxb. ex Hornem. 1819 not Roxb. 1832 nor Roxb. 1814 (the last one not validly published)
Sinonim
	Ficus clusiifolia Summerh. 1929 not Schott 1827; Ficus cordata Kunth & C.D.Bouché 1846 not Thunb. 1786 ; Ficus elastica var. belgica L.H.Bailey & E.Z.Bailey ; Ficus elastica var. benghalensis Blume ; Ficus elastica var. decora Guillaumin ; Ficus elastica var. karet (Miq.) Miq. ; Ficus elastica var. minor Miq. ; Ficus elastica var. odorata (Miq.) Miq. ; Ficus elastica var. rubra L.H.Bailey & E.Z.Bailey ; Ficus karet (Miq.) King ; Ficus skytinodermis Summerh. ; Ficus taeda Kunth & C.D.Bouché ; Macrophthalma elastica (Roxb. ex Hornem.) Gasp. ; Visiania elastica (Roxb. ex Hornem.) Gasp. ;

Besutan sawisé →

Konten dihapus Konten ditambahkan

VisualTèks wiki

Salarik

Révisi kala 9 Mèi 2017 00.23

Karèt kebo utawa Ficus elastica yaiku spésiès tetanduran saka génus ficus. Tanduran iki asalé saka India sisih lor wétan, Népal, Bhutan, Burma, Cina, Malaysia, lan Indonésia. Tanduran iki uga banjur wus kasebar ing Sèilon lan Negara bagian Florida, Amérika Serikat. ^[2]^[3]

Dhèskripsi

Karèt kebo kalebu golonganing tanduran waringin kang dhuwuré bisa nganti 30-40 mèter, malah kepara nganti 60 mèter. Déné watangé bisa nganti 2 mèter. Kango nyengkuyung ukuran kang gedhé mau, kayadéné lumrahé golongané waringin karèt kebo uga nduwèni oyot gantung. Godhongé kawangun lonjong mengkilat werna ijo semu abang, dawané 10-35 cm dan ambané 5-15 cm. Tanduran kang isih enom nduwèni godhong kang luwih amba tinimbang kang wis tuwa. Saliyané kanthi wiji kang tuwuh, karèt kebo uga bisa ditandur kanthi cara stèk.

Kembang lan woh

Kayadéné umumé tanduran waringin, kembang karèt kebo mbutuhake pitulungan tawon kanggo penyerbukan. Anane tawon kang wus dadi pasangan tanduran iki ndadèkaké kembang karèt kebo ora prelu manèh werna kang apik lan ganda kang wangi kanggo ngundang srangga liyané. Nalikané dadi woh, awujud lonjong ijo semu kuning udakara 1 cm.

Budidaya lan manfangat

Pethètan

Karèt kebo umumé sengaja ditandur kanggo pethètan utawa kanggo éyup-éyup. Kanthi sifat kang cepet anggoné ngrembaka, tanduran iki bisa kapilih kanggo nanduri papan kang panas.

Wot

Ing Cherrapunji, Meghayala, India sisih lor wétan, ana sawenèh masyarakat kang sengaja mbudidaya karèt kebo kapurih bisa dadi wot ing kali. Wit karèt kebo ditandur ing inggir kali lan sebrangé, banjur nalika wis tuwuh oyot gantungé kasambung lan katata dadi wot. Nalikané oyot tambah gedhé, bisa kuwat kanggo diliwati manungsa.^[4] Dene ing Indonésia, uga tinemu ing Kecamatan Leuwi Damar, Kabupaten Lebak.^[5]

jamu

Karèt kebo uga bisa kanggo tamba, antarané manéka lara kulit, maag, rématik, nglancaraké getih lan nyuda rasa lara. Ing godhongé kakandhut senyawa saponin, flavonoid lan polifenol. Karèt kebo uga nduwèni kasiat kanggo tamba stroke.^[6]