Xherdan Shaqiri
 | ||||||||||||||||
| Katrangan priangga | ||||||||||||||||
|---|---|---|---|---|---|---|---|---|---|---|---|---|---|---|---|---|
| Jeneng dawa | Xherdan Shaqiri | |||||||||||||||
| Tanggal lair | 10 Oktober 1991[1] | |||||||||||||||
| Papan lair | Gjilan, SFR Yugoslavia | |||||||||||||||
| Dhuwur | 1.69 m (5 ft 7 in) | |||||||||||||||
| Posisi main | Glandhang, Swiwi | |||||||||||||||
| Katerangan klub | ||||||||||||||||
Tim saiki | Liverpool | |||||||||||||||
| Angka | 23 | |||||||||||||||
| Karir nom | ||||||||||||||||
| 1999–2001 | SV Augst | |||||||||||||||
| 2001–2009 | FC Basel | |||||||||||||||
| Karir klub* | ||||||||||||||||
| Taun | Tim | Main | (Gul) | |||||||||||||
| 2007–2009 | FC Basel II | 19 | (8) | |||||||||||||
| 2009–2012 | FC Basel | 92 | (18) | |||||||||||||
| 2012–2015 | Bayern Munchen | 52 | (11) | |||||||||||||
| 2015 | Inter Milan | 15 | (1) | |||||||||||||
| 2015–2018 | Stoke City | 84 | (15) | |||||||||||||
| 2018–saiki | Liverpool | 30 | (7) | |||||||||||||
| Karir tim nasional‡ | ||||||||||||||||
| 2007–2008 | Swis U-17 | 10 | (0) | |||||||||||||
| 2008–2009 | Swis U-18 | 5 | (0) | |||||||||||||
| 2009 | Swis U-19 | 5 | (3) | |||||||||||||
| 2009–2011 | Swis U-21 | 7 | (1) | |||||||||||||
| 2010–saiki | Swis | 82 | (22) | |||||||||||||
Bebungah
| ||||||||||||||||
|
* Gunggung main lan gul ing klub sénior tumrap liga dhomèstik iki mligi lan patitis per pukul 14:55, 21 Mei 2020 (UTC). | ||||||||||||||||
Xherdan Shaqiri yaiku salah sawijining pamain bal-balan saka nagara Swis lan main ing klub Liverpool FC. Dhèwèké lair ing Gjilan, Yugoslavia tanggal 10 Oktober 1991 (umur 28 taun). Pamain kang wasis migunakaké sikil kiwa nalika tetandhingan iku mapan ana ing posisi glandhang utawa swiwi lan manganggo nomer geger 23. Shaqiri duwé dedeg piadeg 169 cm lan 72 kg, senadyan manawa disawang awaké katon cendhèk jalaran awaké kang pothok kaya binaragawan.[2][3] Shaqiri nganti saiki duwèni rong kawarganagaran yaiku tanah kalairane (Kosovo) lan tanah kang dibélani saiki yaiku Swis, dhèwèké kalebu imigran ing nagara Swis jalaran nalika taun 90-an Yugoslavia bedhah perang sedulur lan akèh wong-wong Yugoslavia ngungsi menyang jaban Yugoslavia, kalebu Shaqiri kang boyongan menyang Swis, ing kana ketemu sapepadha pamain kang ngungsi saka Yugoslavia yaiku Granit Xhaka, kaloroné dadi piyandelé Swis ing péntas bal-balan.[4] Shaqiri ngaku saliyané seneng marang bal-balan dhèwèké uga pandhemen musik jinis RnB lan Hiphop, dadi pandhemen pamain filem kaya ta Jean-Claude van Damme lan Leonardo DiCaprio. Duwé hobi main ping-pong lan mancing kanggo ngisi wektu lowong nalika prèi main bal-balan.[5]
Wiwitan
[besut | besut sumber]Shaqiri wiwit ambyur ing jagad bal-balan ing taun 1999 kanthi gandhok ing tingkat yunior klub SV August. Sawisé kuwi ing taun 2001 dhèwèké milih alihan klub menyang klub gedhé Swis FC Basel. Nalika main ing turnamèn Nike Cup 2007 bareng FC Basel U-15, dhèwèké kadhapuk minagka pamain paling becik. Gaya main lan karikatané kang nengsemaké asring gawé Shaqiri nampa pangalembana saka pandhemen bal-balan ing tingkat yunior. Shaqiri wiwit ditari kanggo gandhok marang klub-klub gedhé Swis liyané, nanging dhèwèké tetep milih Basel. Ing mangsa 2007 tekan 2009 Shaqiri asring ngisi bangku cadhangan tinimbang dimainaké ing lapangan salawasé main ing Liga Swis. Tanggal 2 Januari 2009 Shaqiri nandhatangani kontrak aguna sepisané kalawan Basel.[6]
Liverpool
[besut | besut sumber]Tekané Shaqiri saka Stoke City ing mangsa ketiga 2018 nambahi kadigdayan garis ngarep Liverpool jalaran saya akèh pamain kang bisa dipilih kanggo formasi tim. Malah nalika tetandhingan pramusim lumawan Manchèstér United ing Michigan, Amérika Sarékat Shaqiri nyithak gol kanthi cara salto,debut kasebut gawé mareming juru latih Jürgen Klopp lan para pandhemen Liverpool. Shaqiri main dadi pamain pangganti ing telung tetandhingan sadurungé main 90 menit ing stadhion Saint Marry kandhang Southampton ing Liga Primèr Inggris tanggal 22 Sèptèmber 2018. Pamain nomer 23 kasebut mènèhi sumbangan kanggo kacithaké loro gol Liverpool sadurungé diganti ing babak sepisan jalaran kabutuhan taktis, Liverpool menang 3-0. Dhèwèké kasil ngegolke gol sepisané sewulan candhaké ana terusan Liga Primèr Inggris nalika lumawan Cardiff City ing stadhion Anfield,Liverpool menang 4-1. Shaqiri tinepung minangka peparab pamain super sub yaiku pamain bisa kang awèh sumbangan nalika lumebu saka bangku pamain (cadhangan), buktiné ing tetandhingan lumawan Mancèstér United dhèwèké lumebu ing menit 70, telung menit sabanjuré tendhangan sikil tengan Shaqiri saka jaban kothak kasil mbobol gawang David de Gea sadurungé nyithak gol manèh sangan menit candhaké. Ing semifinal Liga Champions 2019 tetandhingan kapindho lumawan FC Barcélona, tilas pamain Bayern München kasebut mungkasi mangsa 2019 kanthi juwara Liga Champions sawisé ngatasi Tottenham Hotspur ing final Madrid.[7]
Pangaji-aji
[besut | besut sumber]Shaqiri dadi salah sawijining pamain Swis kang suksès, dhèwèké wis ping kaping lima alihan klub aguna ing liga-liga Éropa kaya ta FC Basel, FC Bayern Munchen, Inter Milan, Stoke City, lan saiki Liverpool FC. Ora gumunaké préstasiné uga pirang-pirang jalaran wis menangi liga Swis, Jérman, Champions, lan liya-liyané.[8]
Priyangga
[besut | besut sumber]- Pamain paling becik Swis taun 2011 lan 2012.
FC Basel
[besut | besut sumber]- Juwara Liga Swis taun 2010, 2011, lan 2012.
- Juwara Piala Switserlan taun 2010 lan 2012.
FC Bayern München
[besut | besut sumber]- Juwara Bundesliga Jerman taun 2013, 2014, lan 2015.
- Juwara DFB Pokal taun 2013 lan 2014.
- Juwara Liga Champions taun 2013.
- Juwara Piala Super Uefa 2013.
- Juwara Piala Donya Klub FIFA 2013.
Liverpool FC
[besut | besut sumber]- Juwara Liga Champions 2019.
- Juwara Piala Donya Klub FIFA 2019.
- Juwara Liga Primèr Inggris 2020.
Statistik
[besut | besut sumber]| Klub | Mangsa | Liga | Piala | Piala Liga | Eropa | Liyané | Gunggung | |||||||
|---|---|---|---|---|---|---|---|---|---|---|---|---|---|---|
| Divisi | Panampilan | Gol | Panampilan | Gol | Panampilan | Gol | Panampilan | Gol | Panampilan | Gol | Panampilan | Gol | ||
| FC Basel II | 2007-08 | Liga Swis | 2 | 0 | — | — | — | — | 2 | 0 | ||||
| 2008-09 | Liga Swis | 17 | 8 | — | — | — | — | 17 | 8 | |||||
| Gunggung | 19 | 8 | — | — | — | — | 19 | 8 | ||||||
| FC Basel | 2009-10 | Liga Super Swis | 32 | 4 | 5 | 1 | — | 10 | 2 | — | 47 | 7 | ||
| 2010-11 | Liga Super Swis | 29 | 5 | 2 | 0 | — | 11 | 2 | — | 42 | 7 | |||
| 2011-12 | Liga Super Swis | 31 | 9 | 4 | 0 | — | 6 | 0 | — | 41 | 9 | |||
| Gunggung | 92 | 18 | 11 | 1 | — | 27 | 4 | — | 130 | 23 | ||||
| Bayern Munchen | 2012-13 | Bundesliga | 26 | 4 | 5 | 3 | — | 7 | 1 | 1 | 0 | 39 | 8 | |
| 2013-14 | Bundesliga | 17 | 6 | 3 | 1 | — | 4 | 0 | 3 | 0 | 27 | 7 | ||
| 2014-15 | Bundesliga | 9 | 1 | 1 | 0 | — | 4 | 1 | 1 | 0 | 15 | 2 | ||
| Gunggung | 52 | 11 | 9 | 4 | — | 15 | 2 | 5 | 0 | 81 | 17 | |||
| Inter Milan | 2014-15 | Serie A | 15 | 1 | 2 | 1 | — | 3 | 1 | — | 20 | 3 | ||
| Stoke City | 2015-16 | Liga Primer Inggris | 27 | 3 | 1 | 0 | 4 | 0 | — | — | 32 | 3 | ||
| 2016-17 | Liga Primer Inggris | 21 | 4 | 1 | 0 | 0 | 0 | — | — | 22 | 4 | |||
| 2017-18 | Liga Primer Inggris | 36 | 8 | 1 | 0 | 1 | 0 | — | — | 38 | 8 | |||
| Gunggung | 84 | 15 | 3 | 0 | 5 | 0 | — | — | 92 | 15 | ||||
| Liverpool | 2018-19 | Liga Primer Inggris | 24 | 6 | 1 | 0 | 1 | 0 | 4 | 0 | — | 30 | 6 | |
| 2019-20 | Liga Primer Inggris | 6 | 1 | 0 | 0 | 0 | 0 | 1 | 0 | 3 | 0 | 10 | 1 | |
| Gunggung | 30 | 7 | 1 | 0 | 1 | 0 | 5 | 0 | 3 | 0 | 40 | 7 | ||
| Gunggung Karir | 292 | 60 | 26 | 6 | 6 | 0 | 50 | 7 | 8 | 0 | 382 | 73 | ||
Rujukan
[besut | besut sumber]- ↑ "FIFA Club World Cup Qatar 2019: List of Players: Liverpool" (PDF). FIFA. 21 Dhésèmber 2019. kc. 7. Diarsip saka sing asli (PDF) ing 2020-01-17. Dibukak ing 17 Januari 2020.
- ↑ Premier League, Admin. "Deleng Pamain Xherdan Shaqiri (Saka Basa Inggris)". Premier League. Dibukak ing 2020-05-21.
- ↑ World Football, Admin. "Ringkesan Pamain Xherdan Shaqiri (Saka Basa Inggris)". World Football. Dibukak ing 2020-05-21.
- ↑ Transfermarkt, Admin (2020-04-08). "Profil Pamain Xherdan Shaqiri (saka Basa Inggris)". Transfermarkt. Dibukak ing 2020-05-21.
- ↑ "Babagan Xherdan Shaqiri (Saka Basa Jerman)". Xherdan Shaqiri. Diarsip saka sing asli ing 2020-08-07. Dibukak ing 2020-05-21.
- ↑ Fiekri, Ahmad. "Profol Xherdan Shaqiri (saka Basa Indonesia)". Bola.net. Dibukak ing 2020-05-21.
- ↑ Liverpool FC, Admin. "Pamain Tim Utama Xherdan Shaqiri (Saka Basa Inggris)". Liverpool FC. Dibukak ing 2020-05-21.
- ↑ Transfermarkt, Admin (2020-04-08). "Gelar-gelar Xherdan Shaqiri (Saka Basa Inggris)". Transfermarkt. Dibukak ing 2020-05-21.
