Universitas Uppsala

Saka Wikipédia Jawa, bauwarna bébas abasa Jawa
Gedhung utama Universitas Uppsala (rampung dibangun taun 1887)
Universitas Uppsala
Uppsala universitet
Jeneng latin Universitas Regia Upsaliensis atau Academia Regia Upsaliensis
Diadegaké 1477
Jenis Negeri
Motto Gratiae veritas naturae (Truth through God's mercy and nature)
Rector magnificus Prof. Anders Hallberg
Sarjana 40.000
Dhoktor 2.400
Lokasi Uppsala, Swèdhen
Situs web http://www.uu.se/

Universitas Uppsala (basa Swedia: Uppsala universitet) iku sawijining universitas ing Uppsala, Swedia, 64 kilomèter sisih lor-kuloné kutha Stockholm. Universitas iki diadegaké taun 1477 lan minangka universitas tuwa dhéwé ing Skandinavia.

Universitas iki wis maabad-abad dadi papan wigati tumrap ngèlmu kawruh lan pasinaonan, diwakili déning jeneng-jeneng kaya Linnaeus, Celsius, lan Ångström, lan sabanjuré déning sawetara peraih Bebungah Nobel sajeroning babagan ngèlmu alam - kaya déné Svante August Arrhenius. Saliyané iku, Uppsala duwé prabawa gedhé tumrap idhèntitas nasional lan budaya Swedia liwat tokoh kaya déné August Strindberg.

Ana sangang fakultas ing Universitas Uppsala. Ana watara 40.000 mahasiswa sing pinuju nempuh studi sarjana utawa program profesional, lan watara 2.400 mahasiswa program dhoktor. Ana 3.800 tenaga pengajar saka gunggung 6.000 punggawa.

Organisasi[besut | besut sumber]

Universitas Uppsala duwé sangang fakultas sing diklompokaké sajeroning telung babagan ngèlmu sing saben babagan dipimpin déning siji wakil rektor. Babagan èlmu sing ana ing Uppsala ya iku:

  • Babagan ngèlmu humaniora lan ngèlmu sosial
    • Fakultas teologi
    • Fakultas hukum
    • Fakultas sajarah lan filsafat
    • Fakultas ngèlmu basa
    • Fakultas ngèlmu sosial
  • Babagan ngèlmu kadhokteran lan farmasi
    • Fakultas kadhokteran
    • Fakultas farmasi
  • Babagan ngèlmu teknik lan kawruh alam
    • Fakultas teknik dan ngèlmu kawruh alam

Saliyané iku, ana uga fakultas ngèlmu pendidikan sing ora dilebokaké sajeroning katelu babagan èlmu mau.

Saben fakultas dumadi saka institusi utawa departemen kanthi gunggung sing béda-béda. Fakultas teologi lan fakultas hukum mung duwé siji institusi, déné fakultas teknik lan ngèlmu kawruh alam duwé akèh institusi sing diklompokaké sajeroning sawetara pérangan utawa seksi.

Pranala njaba[besut | besut sumber]