Terubuk
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
 | |
|---|---|
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Actinopterygii |
| Ordho: | Clupeiformes |
| Famili: | Clupeidae |
| Génus: | Tenualosa |
| Spésies: | T. toli |
| Jeneng binomial | |
| Tenualosa toli (Valenciennes, 1847) | |
Terubuk utawi Tenualosa macrura punika satunggaling iwak laut ingkang nyebaripun winatesan sanget ing perairan estuarin ing wewengkon Pulo Bengkalis Riau. Ulam terubuk punika gadhah sipat hermafrodit proandri bilih sadaya siklus gesangipun dipunlampahi kirang langkung 2 taun (18 wulan). Wonten ing taun kapisan gesanging ulam terubuk dipunlampahi minangka ulam lanang dipunwastani pias. Lajeng manawi taun kaping pindho gantos dados ulam wadon dipunwastani terubuk. Pemijahan ulam terubuk saben taun ing kiwa-tengené muara lèpèn Siak [1]. Ulam terubuk punika dados simbol laladan kanggé kabupatèn Bengkalis [2].
Morfologi
[besut | besut sumber]Dawanipun ulam terubuk punika 110-345 mm. Ulam terubuk ingkang lanang gadhah ukuran 110-210 mm, lajeng ingkang wadon 100-340 mm. Nanging cacahing ulam wadon langkung sakedhik tinimbang ulam terubuk ingkang lanang. Umur ulam terubuk kirang langkung 135-540 dinten. Fekunditas ulam punika antawisipun 30.000 dumugi 375.000 butir endhog kanthi dawa ulam 225 mm dumugi 345 mm. Fekunditas endhog ulam punika langlung alit bilih dipuntandingaken kaliyan ulam terubuk ingkang wonten ing Serawak, Malaysia (T.toli) kanthi jumlah fekunditas dumugi 1,2 juta [1].
Ulam terubuk punika ulam ingkang mangan jinis tuwuhan, plankton cacing, moluska, crustacea, branchyura, serbuk gergaji lan sanèsipun. Populasi ulam terubuk sapunika mangandhap amargi dipunburu terus-terusan [1].
Populasi
[besut | besut sumber]Ulam terubuk punika saged kapanggih wonten ing pasisir. Jinis spésies ulam terubuk ingkang wonten ing donya inggih punika kados ingkang wonten ing ngandhap punika:
- Ulam terubuk ing Indonesia (Tenualosa macrua)
- Ulam terubuk ing Malaysia (T.toli)
- Ulam terubuk ing Hilsa India (T. ilisha)
- Ulam terubuk ing Cina (T. reevesii)
- Wonten ing Lèpèn Mekong (T. thibaudeaui)
Ulam terubuk kagolong ulam tropis (Tenualosa macrura) ingkang sadèrèngipun kapanggihaken ing sadaya laladan estuaria lan perairan pasisir Sumatra lan Kalimantan ingkang kalebet laladan basis pangembangan ulam. Satunggaling laladan ingkang sapunika taksih saged manggihaken ulam terubuk inggih punika wonten ing perairan Bengkalis, Provinsi Riau. Ekosistem Kabupatèn Bengkalis piyambak ing wana dataran andhap, rawa gambut, wana pasisir, wana mangrove, lan estuaria.
Aji jual ingkang ageng saking ulam terubuk punika sanès wonten ing ulamipun, nanging wonten ing ednogipun ingkang kawéntar échonipun. Kabupatèn Bengkalis ingkang gadhah habitat ulam terubuk paling ageng punika kawéntar kanthi sebutan Kota Terubuk amargi kathah tiyang ingkang pados masakan endhog punika ing kutha Bengkalis.
Cathetan suku
[besut | besut sumber]- ↑ a b c [1][pranala mati permanèn], (id) http://www.iftfishing.com Archived 2023-02-14 at the Wayback Machine. (dipun-akses tanggal 16 November 2012).
- ↑ [2] Archived 2016-03-05 at the Wayback Machine., Riau terkini(dipun-akses tanggal 16 November 2012).