Ria Irawan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Ria Irawan
Ria irawan-002a.jpg
LairChandra Ariati Dewi Irawan
Jeneng liyaRia Irawan
Pakaryanaktris
Taun aktif1973-sekarang
Wong tuwaBambang Irawan dan Ade Irawan

Ria Irawan utawa kang duwé jeneng dawa Chandra Ariati Dewi Irawan (lair ing Jakarta, 24 Juli 1969; umur 50 taun).[1] Ria Irawan ya iku salah sijiné aktris kang asalé saka Indonésia.[1] Ria Irawan iku anak wédok saka aktor senior Bambang Irawan lan aktris senior Ade Irawan.[1]

Karir[besut | besut sumber]

Ria Irawan dadi anak wuragil saka sadulur kang cacahé 5.[2] Ria anaké pasangan Bambang Irawan lan Ade Irawan kang nalika iku lagi misuwur jenengé.[2] Iki ndadékaké Ria Irawan wis dadi sorotan wiwit lair.[2] Ria digedhékaké ing lingkungan filem, malah bapaké nduwé perusahaan filem Agora, Ria seneng ing donyaning filem wiwit isih cilik.[2] Nalika umuré patang taun, Ria wis dadi figuran ing filem Sopir Taxi (1973), kang dibintangi Bambang Hermanto lan Dien Novita.[2] Ria banjur éntuk peran manèh dadi figuran ing filem kang judhulé Belas Kasih.[2] Ing filem iki Ria dadi figuran nanging ana dialogé.[2] Sawisé iku Ria main filem Fajar Menyingsing (1975) bareng karo Erwin Gutawa, Chicha (1976) utawa Chicha Koeswoyo kang nalika semana lagi misuwur jenengé, Siulan Rahasia (1977), Istriku Sayang Istriku Malang (1977), Nakalnya Anak-Anak (1980) Kembang Kertas (1984).[2] Malah saka perané dadi wong wadon nakal ing filem iku, Ria éntuk nominasi Festival Film Indonésia (FFI) 1985 kategori Aktris Pembantu Terbaik.[2] Pungkasané Ria bisa éntuk Piala Citra kang sepisanan ing filem kang dibintangi Mathias Muchus lan Meriam Bellina,kang judhulé Selamat Tinggal, Jeanette (1987).[2] Ing filem iki Ira dadi Aktris Pembantu Terbaik FFI 1988.[2]

Ria Irawan uga sinau nyanyi.[2] Ria Iraman éntuk kasempatan kanggo rekaman lan nggawé album bareng karo golongan musik kang jenengé Japras.[2] Personil golongan musik Japrass iki ya iku Rini S. Bono, Nurul Arifin, Ita Mustafa, Ani Kusuma, Eva Arnaz, lan Rima Melati.[2] Album kang digawe banjur laris ing pasaran.[2] Ria uga nggawé album kang nomer loro ya iku album dangdut bareng karo Rano Karno.[2] Album iki judhulé Hiasan Mimpi lan Sorga Dunia.[2] Saliyané album dandut, Ria uga nggawé album pop kang judhulé Setangkai Anggrek Bulanldan Di Antara Hatiku Hatimu.[2] Ria uga tau minangka trio bareng karo Nurul Arifin lan Ita Mustafa.[2] Ora mung dadi penyanyi, Ria uga dadi prodhuser kanggo albumé kang judhulé Untuk Kamu.[2] Ria nganakaké kerjasama karo Deddy Dhukun.[2] Ria banjur nggawé album dhuét karo Melissa, salah sijiné penyanyi Malaysia.[2]

Cathetan suku[besut | besut sumber]

  1. a b c Profil di KapanLagi.com(dipunundhuh tanggal 11 Juli 2011)
  2. a b c d e f g h i j k l m n o p q r s t u v [ Ria Irawan: Berani Menantang Arus(dipunundhuh tanggal 11 Juli 2011)