Rima Melati

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Rima Melati
Rima melati 001.jpg
Lair Marjolien Tambajong atau Lientje Tambajong
Pakaryan Aktris
Bojo Frans Tumbuan
Anak Aditya Tumbuan

Marjolien Tambajong utawa Lientje Tambajong kondhang kanthi jeneng Rima Melati (lair ing Tondano, Sulawesi Utara, 22 Agustus 1939; umur 79 taun).[1] Rima Melati ya iku aktris senior, penyanyi, sutradara, lan uga mantan peragawati Indonésia.[1] Ibuné kang jenengé Non Kawilarang ya iku kang ngrintis lan ngrancang donyaning mode Indonésia.[1] Bojoné saiki dadi bojoné kang kaping pindho ya iku Frans Tumbuan.[2] Prans Tumbuan ya iku aktor senior Indonésia.[2] Rima lan Prans nikah tanggal 23 Dhésèmber 1973.[2]

Nalika isih sekolah ing SD Kebangkitan Rakyat Indonésia Sulawesi (KRIS), Rima tau dadi kanca sakelasé mantan Présidhèn Indonésia kang kaping papat ya iku Abdurrahman Wahid.[3] Saliyané iku, Rima tau dadi personel grup penyanyi wadon kang misuwur ing Indonésia nalika taun 1960-an ya iku Baby Dolls. Personilé ya iku Rima Melati, Baby Huwae, Gaby Mambo, lan Indriati Iskak.[1]

Rima tau éntuk Piala Citra nalika Festival Film Indonésia taun 1973 kanggo kategori Pemeran Utama Wanita paling apik ing filem Intan Berduri bareng karo Benyamin Sueb kang uga éntuk penghargaan dadi Pemeran Utama Pria paling apik ing filem kang padha karo Rima Melati.[1] Rima uga mlebu nominasi ing penghargaan kategori Pemeran Pembantu Wanita paling apik ing Festival Film Indonésia ya iku nalik main ing filem Kupu-Kupu Putih (1984), Tinggal Landas buat Kekasih (1985), Pondok Cinta, (1986), Biarkan Bulan Itu (1987), lan Arini II (Biarkan Kereta Itu Lewat) (1989).[1] Saliyané iku ing Festival Film Asia Pasifik kang kaping 50, Rima Melati éntuk penghargaan Aktris Pemeran Pembantu Terbaik ing filem Ungu Violet.[1] Nganti saiki Rima uga isih aktif dadi aktris sinétron.[1] Rima main ing sinétron-sinétron kaya ta Wulan-RCTI, Kabut Sutera Ungu-Indosiar, Nyonya Nyonya Sosialita/Laba-Laba Cinta-Indosiar dan Candy-RCTI.[1] Saliyané iku, Rima uga dikenal dadi sutradara tivi.[1] Salah siji asil karyané ya iku filem Api Cinta Antonio Blanco.[1]

Cathetan suku[besut | besut sumber]

  1. a b c d e f g h i j k selebriti.kapanlagi.com(dipunundhuh tanggal 11 Juli 2011)
  2. a b c Selalu Hangat dan Mesra Setiap Saat(dipunundhuh tanggal 11 Juli 2011)
  3. "Bung Karno di Mata Wanita", Intisari,(dipunundhuh tanggal 11 Juli 2011)