Ra repa

Ra repa
Aksara Latin:	Ṛ
Fonèm:	[ɹ], [rə]
Warga aksara:	murdhanya
Gempelan:

Ra repa (waos: /rərepə/) punika satunggaling aksara swanten (aksara vokal) ing sistem panyeratan aksara Bali. Ing Bali, Ra repa kawentar minangka paganten saking aksara Ra ingkang boten pareng dipunparingi pepet. Manawi dipunlatinaken, lajeng Ra repa dipunserat "Re" (waos: /rə/).

Fonem

Aksara punika nglambangaken swanten /ɹ/, punika swanten hampiran tarik-wingking ing basa Sansekerta. Swanten punika boten wonten ing basa Bali, namung aksara ऋ ingkang nglambangaken swanten kasebat tetep dipunlebetaken dhateng aksara Bali. Ing Bali, aksara kasebat boten malih nglambangaken swanten /ɻ/, namung /rə/, swanten ndredeg luangan-waja kaliyah vokal madya.

Panganggénipun

Ra repa tinulis ing tetembungan ingkang gadhah swanten /ɹ/, dipunlambangaken kalih aksara Latin Ṛ. Amargi swanten /ɻ/ boten kalebet ing basa Bali, lan agantos dados /rə/, lajeng Ra repa kaanggep minangka panggantos aksara Ra ingkang dipuntemploki pepet.

Ing India, ऋ dipunwaos /ri/. Tuladha: tembung Kṛṣṇa (कृष्ण) dipunwaos "Kresna" (ing Bali) lan "Krishna" (ing India); tembung ṛṣi (ऋषि) dipunwaos "resi" (ing Bali) lan "rishi" (ing India). Amargi punika, sadaya swanten /rə/ kedah dipunserat migunakaken Ra repa ing basa Bali. Lajeng, aksara Ra boten saged dipunsukani tandha pepet supados swantenipun /rə/, amargi sampun wonten Ra repa minangka panggantos Ra ingkang sampun dipunsukani pepet.

Ningali ugi

• Ra
• Basa Sansekerta
• Konsonan tarik-wingking

Rujukan

• Tinggen, I Nengah. 1993. Pedoman Perubahan Ejaan Basa Bali dengan Huruf Latin dan Huruf Bali. Singaraja: UD. Rikha.
• Surada, I Made. 2007. Kamus Sanskerta-Indonesia. Surabaya: Penerbit Paramitha.
• Simpen, I Wayan. Pasang Aksara Bali. Diterbitkan olèh Dinas Pendidikan dan Kebudayaan Provinsi Laladan Tingkat I Bali.