Pondhok Modhèren Darussalam Gontor

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Pondhok Modhèren Darussalam Gontor
Diadegaké10 April 1926
JenisPesantren
AfiliasiIslam
kang ngadegakéKH Ahmad Sahal
KH Zainuddin Fananie
KH Imam Zarkasy
LokasiIndonésia Kabupatèn Panaraga, Jawa Wétan
Situs webwww.gontor.ac.id

Pondhok Modèren Darussalam Gontor (PMDG) ya iku pondhok pesantrèn kang ana ing Kabupatèn Panaraga, Jawa Wétan. Pondhok iki nggunakaké kurikulum Kulliyatul Mu'allimin Al-Islamiyah utawa KMI.

Sajarah[besut | besut sumber]

Pondhok Gontor ngadeg tanggal 10 April 1926 ing Ponorogo, Jawa Wétan, Indonésia. Pondhok iki diyasa déning putrané Kiyai Santoso Anom Besari, ya iku KH Ahmad Sahal, KH Zainuddin Fananie, lan KH Imam Zarkasy kang dikenal kanthi Trimurti.

Jaman biyèn pesantrèn mung dianggep papan kang isiné santri sing ora kenal modernisasi, santri kang ora bisa ngèlmu-ngèlmu umum lan para santri mung dianggep ngerti bab agama. Banjur Trimurti nggawé tatanan kang anyar lan nggawé Pondhok Gontor kang tetep nggunakaké tradhisi pesantrèn salaf lan ngganti metodhe pasinaon kang nggunakaké sistem watonan (bebarengan) lan sorogan (dhéwé) diganti karo sistem klasik kaya sekolah umum. Nalika ngadeg pisanan Pondhok Gontor mung duwé Tarbiyatul Atfhfal (kaya TK) banjur ana Kulliyatul Mu'alimin Al-Islamiah (KMI) kang padha karo lulusan sekolah menengah. Nalika taun 1963 Pondhok Gontor ngedegaké Institut Studi Islam Darussalam (ISID).

Pondhok Gontor diurus déning Badan Wakaf kang isiné wong-wong lulusan saka alumni Pimpinan Pondhok (Kyai) kaya ta KH Hasan Abdullah Sahal (Putra KH Ahmad Sahal). Dr. KH Abdullah Syukri Zarkasy (putra KH Imam Zarkasy) lan KH Syamsul Hadi Abdan,S.Ag. Kang dadi pengurus pondhok iki turun temurun, nerusaké carané Trimurti.

Nalika kedadéan ing Mediun taun 1948, Muso nguwasani tlatah Karesidhènan Madiun (Mediun, Ponorogo, Magetan, Pacitan lan Ngawi) lan matèni wong-wong kang dadi tetungguling agama, nalika iku TNI dikuwasani PKI, Pesantrèn Gontor prèi lan padha ndhelik saka bala tentarané Muso. KH Ahmad Sahal(alm) slamet nalika ndhelik ing Guwa ing pagunungan tlatah Mlarak. Gua iku saiki diarani Guwa Ahmad Sahal. Kaanan pondhok mbalek biyasa nalika Ngawi, Madiun, Magetan wis aman.

KH Ahmad Sahal, KH Zainudin Fanani lan KH Imam Zarkasy minangka modernisasi kanthi cara nyekolahaké anak-anaké ing sekolahan umum saliyané ing pesantrèn. Drs. H. Ali Syaifullah Sahal (alm) dadi Filsafat Universitas Gadjah Mada Universitas ing Australia, uga tau dadi dhosèn ing IKIP Malang, Dra. Hj. Rukayah Sahal dhosen IKIP (UMJ) Jakarta lsp.

Awit saka pamikir iku, ana kepinginan ndadèkaké Pesantrèn Gontor dadi sekolahan utawa universitas kaya Universitas Al Azhar ing Mesir. Pondhok Pesantren Gontor dadi universitas kang isiné ana ngèlmu agama, ngèlmu umum lan tèknologi kanthi dhasar Islam.

Nalika taun 1994, ngadek pondhok kang mirunggan kanggo putri satingkat KMI lan perguruan tinggi kang kusus nampa murid alumni KMI. Pondhok mirunggan putri iki manggon ing lemah wakaf ambané 187 hektar. Ing Désa Sambirejo, Kacamatan Mantingan, Kabupatèn Ngawi, Jawa Wétan. Saiki pondhok kusus wong wadon iki nduwé 5 sekolahan, telu ing Ngawi, siji ing Sulawesi Kidul-wétan lan sing siji ing Kedhiri. Saiki gontor wis nduwé 17 pondhok 13 kampus Indonésia lan santri/ santriwatiné tekan 14.273 santri.

Kulliyatul-Mu'allimin al-Islamiyah (KMI)[besut | besut sumber]

KMI ya iku jenjang sekolah manengah ing Pondhok Gontor kang padha karo SMP lan SMA. Suwéné sekolah bisa lulus patang taun utawa nem taun.

Wektu Sinau[besut | besut sumber]

Wektu sinau ing pondhok iki diwiwiti tabuh 04.30 nalika salat subuh lan rampung jam 10 wengi. Wektu sinau ing pondhok iki dibagi loro, ya iku:

  1. Wektu sekolah biyasa wiwit tabuh 07:00 - 12:15
  2. Pengasuhan diwiwiti tabuh siji awan.

Kurikulum dan Pelajaran[besut | besut sumber]

Kurikulum KMI kang sipaté akademis dibagi kaya ing ngisor iki:

  • Basa Arab
  • Dirasah Islamiyah
  • Ilmu kagurunan lan psikologi pendhidhikan
  • Basa Inggris
  • lmu kang mesthi
  • Ilmu Pengetahuan Alam
  • Ilmu Pengetahuan Sosial
  • Keindonesiaan/ Kewarganagaraan.

KMI mbagi pendhidhikan formalé ing tataran kang wis katrapaké awit taun 1936. KMI duwé program reguler lan intensif.

  • Program reguler kanggo lulusan SD/Madrasah Ibtidaiyah (MI), suwéné sekolah 6 taun. Kelas I tekan III diitung padha karo SMP miturut kurikulum nasional, déné kelas IV tekan kelas VI padha karo SMA.
  • Program intensif KMI kanggo lulusan SMP/MTs suwéné 4 taun.
  • Basa Arab lan basa Inggris didadèkaké basa padinan lan basa nalika pamulangan, kajaba pamulangan kang kudu nggunakaké basa Indonésia. Basa Arab dilebokaké supaya para santri duwé dhasar kang bakoh kanggo sinau agama, déné basa Inggris diwajibaké amarga basa Inggris iku basa kanggo pasinaon kang umum.
  • Pengasuhan santri iku babagan kang ngurusi ekstrakurikuler lan kurikuler. Saben murid wajib dadi guru kanggo pengasuhan nak=lika kelas V lan VI yèn arep nerusaké ing ISID lan ora bayar sekolah nanging duwé kkewajiban ngulang kelas I tekan kelas VI ing sajabané kuliah. Ngulang, kuliyah, lan ngréwangi pondhok iku kang dadi wujud ngabdi lan sinaune santri.
  • Gladhèn tambahan kanggo guru kanthi materi padha karo standar pendhidhikan nasional.
  • Ketrampilan, kesenian, lan ulah raga ora mlebu kurikulum nanging mlebu ekstrakurikuler.
  • Murid diajari organisasi-organisasi ing sajeroné pondhok, kaya ta ketuwa asrama, ketuwa kelas, ketuwa kelompok, organisasi intra/ekstra, nganti ketua regu pramuka. Kurang luwih ana 1.500 kalungguhan ketuwa kang mesthi ganti saben nem sasi utawa setaun. Akèh alumni kang duwé pondhok.

Alumni[besut | besut sumber]

Lulusan saka Pondhok Modèren Darussalam Gontor kaya ta:

Pranala njaba[besut | besut sumber]