Ahmad Fuadi

Saka Wikipédia Jawa, bauwarna mardika basa Jawa
Ahmad Fuadi
Lair (1972-12-30) Dhésèmber 30, 1972 (umur 51)
Indhonésia Maninjau, Sumatra Kulon, Indonésia
Jeneng pènA. Fuadi
PakaryaPekerja Sosial, Novelis, Wartawan
BangsaIndonésia
GènreIslami, Roman, Edukasi
BojoDanya Dewanti
Situs jaringan
http://www.negeri5menara.com/

Ahmad Fuadi (lair ing Maninjau, Sumatra Kulon, 30 Dhésèmber 1972; umur 51 taun) ya iku novelis, pekerja sosial lan mantan wartawan saka Indonésia. Novèl pisanané ya iku novèl Negeri 5 Menara kang minangka buku pisanan saka trilogi novelé. Karya fiksiné bisa nuwuhaké semangat kanggo nggayuh prèstasi. Sanajan kagolong isih anyar terbit, novelé wis lumebu ing jajaran best seller taun 2009.[1] Banjur ngrengkuh Anugerah Pembaca Indonesia 2010 lan ing taun kang padha uga kalebu nominasi Khatulistiwa Literary Award, saéngga PTS Litera, salah siji penerbit ing negri jiran Malaysia kapincut nerbitake ing nagarané kanthi versi Basa Melayu. Novèl kalorone kang minangka trilogi saka Negeri 5 Menara, Ranah 3 Warna wis diterbitake kawit 23 Januari 2011. Fuadi ngadegaké Komunitas Menara, sawijining yayasan sosial kanggo nulungi ing babagan pendhidhikan masarakat kang kurang mampu, mligi ing umur pra sekolah. Saiki Komunitas Menara duwé sawijining sekolah anak usia dini kanthi gratis ing kawasan Bintaro, Tangerang Kidul.

Miwiti pendhidhikan menengahe ing KMI Pondok Modern Darussalam Gontor Ponorogo lan lulus taun 1992, banjur dhèwèké nerusaké kuliah Hubungan Internasional ing Universitas Padjadjaran. Sewise lulus, dhèwèké dadi wartawan Tempo. Kelas jurnalistik pisanane dilakoni ing tugas-tugas reportasene kang dibimbing déning para wartawan senior Tempo. Taun 1998, dhèwèké beas éntuk beasiswa Fulbright kanggo kuliah S2 ing School of Media and Public Affairs, George Washington University. Merantau ing Washington DC bebarengan karo Yayi, bojone kang uga wartawan Tempo- ya iku sawijining impèn samangsa cilike kang dadi kasunyatan. Sinambi kuliah, kekarone dadi koresponden Tempo lan wartawan VOA.[2] Pawarta sajarah kaya ta prastawa 11 September 2001 dilaporake kekarone langsung saka Pentagon, White House, lan Capitol Hill.

Taun 2004, cendela dunya liyané kabukak manèh nalika dhèwèké méntuk beasiswa Chevening kanggo ngudi kawruh ing Royal Holloway, University London ing babagan filem dokumenter. Wong kang demen fotografi [3] iki tau dadi Direktur Komunikasi ing sawijining NGO konservasi: The Nature Conservancy.[4]

Dhèwèké ya iku putune Buya Sutan Mansur.

Pendhidhikan[besut | besut sumber]

Bebungah lan Beasiswa[besut | besut sumber]

  • SIF-ASEAN Visiting Student Fellowship, National University of Singapore, 1997
  • Indonesian Cultural Foundation Inc Award, 2000-2001
  • Columbian College of Arts and Sciences Award, The George Washington University, 2000-2001
  • The Ford Foundation Award 1999-2000
  • CASE Media Fellowship, University of Maryland, College Park, 2002
  • Beasiswa Fulbright, Program Pascasarjana, The George Washington University, 1999-2001
  • Beasiswa British Chevening, Program Pascasarjana, University of London, London 2004-2005
  • Longlist Khatulistiwa Literary Award 2010
  • Panulis dan Fiksi Terfavorit, Anugerah Pembaca Indonesia 2010
  • Penulis/Buku Fiksi Terbaik, Perpustakaan Nasional Indonesia 2011
  • Liputan6 Award, SCTV ing Kategori Pendidikan dan Motivasi 2011

Novèl lan Bebungah[besut | besut sumber]

Samak Novèl Taun Irah-irahan Novèl Bebungah
Barkas:Menara 5 Nagara.jpg 2009 Negeri 5 Menara
  • Longlist Khatulistiwa Literary Award 2010
  • Penulis dan Fiksi Terfavorit, Anugerah Pembaca Indonesia 2010
  • Buku Fiksi Terbaik, Perpustakaan Nasional Indonesia 2011
2011 Ranah 3 Warna

Cathetan sikil[besut | besut sumber]

  1. "Best Seller Gramedia". Diarsip saka sing asli ing 2009-09-19. Dibukak ing 2012-06-29.
  2. Arsip Fuadi VOA
  3. "Arsip Photo Fuadi". Diarsip saka sing asli ing 2010-07-24. Dibukak ing 2012-06-30.
  4. "Profil Ahmad Fuadi". Diarsip saka sing asli ing 2010-01-06. Dibukak ing 2012-06-30.
  5. Alumni Gontor