Panggulawenthah ing Indhonésia

Pendidikan anak usia dini
Artikel iki arupa bagéyan saka sèri Pendhidhikan ing Indonésia

Taman kanak-kanak Raudatul athfal Klompok bermain
Pendhidhikan dhasar (Kelas 1-6)
Sekolah dhasar Madrasah ibtidaiyah Klompok belajar Paket A
Pendhidhikan dhasar (Kelas 7-9)
Sekolah menengah pertama Madrasah tsanawiyah Klompok belajar Paket B
Pendhidhikan menengah (Kelas 10-12)
Sekolah menengah atas/kejuruan Madrasah aliyah/kejuruan Klompok belajar Paket C
Pendhidhikan dhuwur
Akadhemi Institut Perguruan tinggi Politèknik Sekolah dhuwur Universitas

Pendhidhikan ing Indonésia iku sakabèhané pendhidhikan kang diselenggaraké ing Indonésia, kanthi kastruktur utawa ora. Sacara kastruktur, pendhidhikan ing Indonésia dadi tanggung jawab Kamentrian Pendhidhikan Nasional Républik Indonésia (Kemdiknas), biyèn jenengé Departemen Pendhidhikan lan Kabudayan Républik Indonésia (Depdikbud). Ing Indonésia, kabèh kang ndunungi wajib mèlu program wajib sinau pendhidhikan dhasar sajeroning sangang taun, enem taun ing sekolah dhasar/madrasah ibtidaiyah lan telung taun ing sekolah menengah kapisan/madrasah tsanawiyah. Saiki, pendhidhikan ing Indonésia diatur liwat Undhang-Undhang Nomer 20 Taun 2003 ngenani Sistem Pendhidhikan Nasional.

Pendhidhikan ing Indonésia kapérang dadi telung jalur utama, ya iku formal, nonformal, lan informal. Pendhidhikan uga dipérang djroning patang jenjang, ya iku anak usia dini, dhasar, menengah, lan dhuwur.

Sajarah

Walanda ngenalaké sistem pendhidhikan formal marang kang ndunungi Indhiya Nèderlan (cikal bakal Indonésia), sanajan winates mung tumrap kalangan tinamtu. Sistem kang diwanuhaké iku amèh padha karo struktur kang ana saiki, kanthi tataran ing ngisor iki:

Europeesche Lagere School (ELS), sekolah dhasar kanggo wong Éropah
Hollandsch-Inlandsche School (HIS), sekolah dhasar kanggo pribumi
Meer Uitgebreid Lager Onderwijs (MULO), sekolah menengah kapisan
Algemeene Middelbare School (AMS), sekolah menengah atas

Wiwit taun 1930-an, Walanda ngenalaké pendhidhikan formal winates kanggo provinsi-provinsi ing Hindhia Walanda.

Jenjang

Jenjang pendhidhikan iku wujud tahapan pendhidhikan kang dikukuhaké dhedhasar tingkat perkembangan peserta dhidhik, tujuan kang arep digayuh, lan kamampuan kang dikembangaké.

Pendhidhikan anak usia dini

Ngacu marang Undhang-undhang Nomer 20 Taun 2003, Pasal 1 Butir 14 ngenani Sistem Pendhidhikan Nasional, Pendhidhikan anak usia dini (PAUD) iku upaya pembinaan kang ditujokaké marang bocahwiwit lair nganti umur enem taun liwat pawèwèh rangsangan pendhidhikan kanggo mbantu tuwuh lan kembangé jasmani lan rohani supaya bocah duwé kesiapan nalika lumebu ing pendhidhikan sabanjuré.

Pendhidhikan dhasar

Pendhidhikan dhasar minangka jenjang pendhidhikan wiwitan sajeroning 9 (sangang) taun pisanan mangsa sekolah bocah-bocah kang dadi landhesan jenjang pendhidhikan menengah.

Pendhidhikan menengah

Pendhidhikan menengah minangka jenjang pendhidhikan lanjutan pendhidhikan dhasar.

Pendhidhikan dhuwur

Pendhidhikan dhuwur iku jenjang pendhidhikan sawisé pendhidhikan menengah kang nyakup program pendhidhikan diploma, sarjana, magister, dhoktor, lan spésialis kang diadani déning pawiyatan luhur.

Jalur pendhidhikan

Jalur pendhidhikan iku wahana kang diliwati peserta dhidhik kanggo ngembangaké potènsi dhiri sajeroning sawiji prosès pendhidhikan kang sarujuk marang tujuan pendhidhikan.

Pendhidhikan formal

Pendhidhikan formal minangka pendhidhikan kang diadani ing sekolah-sekolah lumrahé. Jalur pendhidhikan iki duwé jenjang pendhidhikan kang jelas, wiwit saka pendhidhikan dhasar, pendhidhikan menengah, nganti pendhidhikan dhuwur.

Pendhidhikan nonformal

Pendhidhikan nonformal paling akèh ana ing usia dini, sarta pendhidhikan dhasar, ya iku TPA, utawa Taman Pendhidhikan Al Quran,kang akèh ana ing saben masjid lan Sekolah Minggu, kang ana ing gréja.

Saliyané iku, ana uga manéka kursus, antarané kursus musik, bimbingan belajar lan sapanunggalané.

Pendhidhikan informal

Pendhidhikan informal ya iku jalur pendhidhikan kulawarga lan lingkungan berbentuk kagiyatan belajar kanthi swatantra kang dilakukan kanthi sadhar lan bertanggung jawab.

Kurikulum

Jinis èlmu		Mata wulangan		Jenjang (kelas)
#	Jeneng	#	Jeneng	SD						SMP			SMA
#	Jeneng	#	Jeneng	1	2	3	4	5	6	7	8	9	10	11 (IPA)	12 (IPA)	11 (IPS)	12 (IPS)
1	Ilmu Pendhidhikan	1	Agama
		2	Kewarganagaraan
		3	Jasmani lan Kaséhatan
		4	Teknologi Informatika lan Komunikasi
2	Ilmu Basa (lan Sastra)	1	Basa Indonésia
		2	Basa Inggris
		3	Basa Laladan
		4	Basa Manca
3	Ilmu Alam	1	Matématika
		2	Fisika
		3	Biologi
		4	Kimia
4	Ilmu Sosial	1	Sajarah
		2	Géografi
		3	Ékonomi
		4	Sosiologi
5	Ilmu Seni (lan Budaya)	1	Seni Musik
		2	Seni Rupa
		3	Seni Ketrampilan
		4	Seni Jogèd
Jumlah mata wulangan				13									16	13