Sekolah Menengah Atas

Saka Wikipédia Jawa, bauwarna bébas abasa Jawa

Cithakan:Wiyata ing Indonésia Sekolah menengah atas (dicekak SMA), iku jenjang pendidikan menengah sajeroning pendidikan formal ing Indonésia sawisé lulus Sekolah Menengah Pertama (utawa sadrajad). Sekolah menengah atas ditempuh sajeroning wektu 3 taun, wiwit kelas 10 nganti kelas 12.

Ing taun kaloro (ya iku kelas 11), siswa SMA bisa milih salah siji saka 3 jurusan sing ana, ya iku Sains, Sosial, lan Basa. Ing pungkasan taun katelu (ya iku kelas 12), siswa diwajibaké mèlu Ujian Nasional (biyèn Ebtanas) sing mengaruhi kalulusan siswa. Lulusan SMA bisa nerusaké pendidikan ing jenjang pawiyatan luhur utawa langsung nyambut gawé.

Pelajar SMA lumrahé umur 15-18 taun. SMA ora klebu program wajib belajar pamaréntah - ya iku SD (utawa sadrajad) 6 taun lan SMP (utawa sadrajad) 3 taun - sanajan wiwit taun 2005 wis wiwit dicanangaké program wajib belajar 12 taun sing ngatutaké SMA ing sawetara laladan, contoné ing Kutha Yogyakarta lan Kabupatèn Bantul.[1]

SMA diselenggarakaké déning pamaréntah utawa swasta. Wiwit lumakuné otonomi laladan ing taun 2001, pengelolaan SMA nagari ing Indonésia sing saduruné ana ing sangisoré Departemen Wiyata Nasional, saiki dadi tanggung jawab pamaréntah laladan kabupatèn/kutha. Déné Departemen Wiyata Nasional mung duwé peran minangka regulator sajeroning babagan baku nasional pendidikan. Sacara struktural, SMA nagari arupa unit pelaksana teknis dinas pendidikan kabupatèn/kutha.

Réferènsi[besut | besut sumber]

Uga delengen[besut | besut sumber]