Sekolah menengah pertama

Saka Wikipédia Jawa, bauwarna bébas abasa Jawa

Cithakan:Pendidikan ing Indonésia Sekolah menengah pertama (dicekak SMP), iku jenjang pendidikan dhasar jroning pendidikan formal ing Indonésia sawisé lulus Sekolah dhasar (utawa sadrajad). Sekolah menengah pertama ditempuh jroning wektu 3 taun, wiwit kelas 7 nganti kelas 9.

Pelajar SMP umumé umur 12-14 taun. SMP klebu program wajib belajar pamaréntah - ya iku SD (utawa sadrajad) 6 taun lan SMP (utawa sadrajad) 3 taun. Wiwit taun 2005 wis dicanangaké program wajib belajar 12 taun sing ngatutaké SMA ing sawetara laladan, contoné ing Kutha Yogyakarta lan Kabupatèn Bantul.[1]

SMP diselenggarakaké déning pamaréntah utawa swasta. Wiwit lumakuné otonomi laladan ing taun 2001, pengelolaan SMP negeri ing Indonésia sing saduruné ana ing sangisoré Departemen Pendidikan Nasional, saiki dadi tanggung jawab pamaréntah laladan kabupatèn/kutha. Déné Departemen Pendidikan Nasional mung nduwèni peran minangka regulator jroning bidang standar nasional pendidikan. Sacara struktural, SMA negeri arupa unit pelaksana teknis dinas pendidikan kabupatèn/kutha.

Rujukan[besut | besut sumber]

Deleng uga[besut | besut sumber]