Bendi

Bendi
	Buah diwasa dan buah mudha bendi
Klasifikasi ngèlmiah
Karajan:	Plantae
Dhivisi:	Magnoliophyta
Klas:	Magnoliopsida
Ordho:	Malvales
Famili:	Malvaceae
Génus:	Abelmoschus
Spésies:	A. esculentus
Jeneng binomial
	Abelmoschus esculentus; (L.) Moench

Bendi utawa okra (Abelmoschus esculentus Moench, (Inggris: lady's fingers utawi Inggris: gumbo) inggih punika salah satunggaling jinis tuwuhan kanggé wiji tertutup ingkang kalebet saking suku Malvaceae ingkang asalipun saking laladan kawasan Ethiopia. Kala rumiyin, tuwuhan punika kalebet ing génus Hibiscus, nanging sapunika sampun kalebet génus Abelmoschus ingkang kathah kapanggih ing laladan tropis. Tuwuhan bendi inggih kalebet tuwuhan ingkang saged nyehataken badan amargi tuwuhan punika ngewrat kandhungan gizi ingkang inggil kados ta fiber, vitamin C, lan folate. Tuwuhan bendi ugi misuwur gahdah antioxidant ingkang inggil. Bendi ugi dados sumber kalsium saha potassium ingkang saé.^[1] Agengipun tuwuhan bendi punika sak ageng lombok ijo ingkang ageng- ageng, déné ing sak kiteripun nglekuk - nglekuk, wonten wulunipun ingkang alus lan wernanipun ijem. Manawi tuwuhan punika dipunkethok - kethok badhé katingal wiji- wijinipun ingkang alit- alit. Lan manawi dipunmangsak badhé medal yiyid saking lebetipun. Raosipun eco, renyih, teksturipun kados terong. Janganan punika padatanipun saged dipunolah dados kari, balado, campuran salad utawi dados tumis.

Titikanipun

Tuwuhan bendi inggih kalebet spésies taunan, lan saged tuwuh ngantos dhuwuripun 2 mèter. Spesies jinis punika inggih kados jinis kapas, kakao, lan kembang sepatu. Ron bendi ambanipun kirang langkung 10 - 20 cm, lan diameter kembangipun kirang langkung 4 – 8 cm, kanthi kelopak kembangipun ingkang warna pethak radi jene wonten gangsal, lan asring winten bentol- bentol abrit utawi ungu ingkang mapan wonten ing dhasaring kelopak kembang. Wohipun inggih kados kapsul ingkang dawanipun saged ngantos 18 cm, lan ngewrat kathah wiji.^[2] Abelmoschus esculentus asring dipunrembakakaken wonten ing sadaya laladan ingkang gadhah iklim tropis kanthi suhu ingkang anget, kanthi woh- wohanipun gadhah serat utawi polong- polangan ingkang bunder- bunder, lan wijinipun pethak wernanipun. Tuwuhan punika saged gesang ing pundi kemawon papan, kalebet ing siti ingkang benter kados ta ing lemah lempung lan ugi lemah ingkang lembab, nanging jinising siti saged paring pangaribawa dhateng polong- polongan ingkang dados wosing tuwuhan bendi punika. Kangge mbudidaya wenih tuwuhan bendi punika, langkung rumiyin winihipun dipunkum rumiyin sak dalu ngantos lebetipun 1– 2 cm. Masa perkecambahan dangunipun udakawis 6 dinten (dados wiji teles) ngantos tigang minggu. Winih tuwuhan bendi punika mbetahaken toya ingkang cekap. Polong saking tuwuhan bendi punika bandhe rikat sanget wonten serat lan kayu, lan manawi badhé dipundhahar kedah dipunpanen ing wekdal sak peken sasampunipun bendi dipunparingi serbuk. Woh bendi dipunpanèn sadèrèngipun mateng lan saged dipundhahar kados ta janganan ing padatanipun.^[3]

Cathetan suku

↑ Duvauchelle, Joshua (26 Mèi 2011). "Okra Nutrition Information". LiveStrong.com. Dibukak ing 27 Januari 2013.
↑ Julia Devlin and Peter Yee. Trade Logistics in Developing Countries: The Case of the Middle East and North Africa. p. 445
↑ "Growing okra". Department of Primary Industries and Fisheries, Queensland. 19 Sèptèmber 2007. Dibukak ing 27 JAnuary 2013. {{cite web}}: Check date values in: |accessdate= (pitulung)

[1] Duvauchelle, Joshua (26 Mèi 2011). "Okra Nutrition Information". LiveStrong.com. Dibukak ing 27 Januari 2013.

[2] Julia Devlin and Peter Yee. Trade Logistics in Developing Countries: The Case of the Middle East and North Africa. p. 445

[3] "Growing okra". Department of Primary Industries and Fisheries, Queensland. 19 Sèptèmber 2007. Dibukak ing 27 JAnuary 2013. {{cite web}}: Check date values in: |accessdate= (pitulung)

[1]

[2]

[3]